16-Nov-2024

ଅତାବିରା/ବରଗଡ଼[ଆକାଶ ମିଶ୍ର]■ ବରଗଡ଼ ଜିଲ୍ଲା ଅତାବିରା ବ୍ଲକ ଅଧିନରେ ରହିଥିବା ୧୩୭ଟି ବୁଥରେ ଅକ୍ଟୋବର ୨୯ରୁ ନଭେମ୍ବର ୨୮ତାରିଖ ପର୍ଯ୍ୟନ୍ତ ଜାରି ରହିଥିବା ଭୋଟର ତାଲିକା ସଂଶୋଧନ କାର୍ଯ୍ୟକ୍ରମ ଚାଲୁଅଛି। ଅଧିକାରୀ ମାନଙ୍କ ଦ୍ଵାରା ଚାଲିଥିବା ଭୋଟର ତାଲିକା ସଂଶୋଧନ କାର୍ଯ୍ୟକ୍ରମ ମଧ୍ୟରୁ ଆଜି ସ୍ବତନ୍ତ୍ର ଅଭିଯାନ ଦିବସ ଅବସରରେ ଗୋଡଭଗା କେମ୍ପ ଓ ପ୍ରାଥମିକ ସ୍କୁଲ ବୁଥ ନଂ -୩୨/ ୩୩, ଅତାବିରା ବାଳିକା ଉଚ୍ଚବିଦ୍ୟାଳୟର ବୁଥ ନଂ-୭୧/୭୨ ଓ ଲାଦର ପାଲି ସେବାଶ୍ରମ ବୁଥ ନଂ -୯୫/୯୬କୁ ଉତ୍ତରାଞ୍ଚଳ କମିଶନର ସଚିନ ରାମଚନ୍ଦ୍ର ଯାଦବ ପରିଦର୍ଶନରେ ଆସି ଦାୟିତ୍ଵ ନିର୍ବାହ କରୁଥିବା 

ବୁଥ ଅଧିକାରୀ ମାନଙ୍କ ଭୋଟର ତାଲିକା ସଂଶୋଧନ ସମ୍ବନ୍ଧୀୟ ପ୍ରଶ୍ନ ପଚାରି ମିଳିଥିବା ଉତ୍ତରରେ ଖୁସିବ୍ୟକ୍ତ କରିଥିଲେ ।ଏହା  ସହ ସରକାରୀ ବାଳିକା ଉଚ୍ଚବିଦ୍ୟାଳୟର ନବମ,ଦଶମ ଶ୍ରେଣୀ ଛାତ୍ରୀ ମାନଙ୍କ ଭବିଷ୍ୟତକୁ ନେଇ କଳା ଓ ବିଜ୍ଞାନ ସମ୍ବନ୍ଧୀୟ ବହୁ ଗୁଡିଏ ଆଲୋଚନା କରି ପିଲାଙ୍କୁ ଉତ୍ସାହିତ କରିଥିଲେ। ଭୋଟର ତାଲିକାର ସଂଶୋଧନ ତାଲିକା ର ମୁଖ୍ୟ ଉଦ୍ଦେଶ୍ୟ ଥିଲା ମୃତ ବ୍ୟକ୍ତିଙ୍କ ଭୋଟର କାର୍ଡ ବାତିଲ କରିବା,ବିବାହିତ ହୋଇ ଅନ୍ୟ ଗ୍ରାମକୁ ଯାଇଥିବା ସାବାଲିକା  ମାନଙ୍କ ଭୋଟର କାର୍ଡକୁ ବଦଳିକରଣ କରିବା,  

ଯେଉଁ ନାମ ପଞ୍ଜୀକୃତ ହୋଇ ନଥିବ ତାକୁ ନୂତନ ଭାବେ କାର୍ଡ କରିବା, ୧୮ବର୍ଷ ରୁ ଉର୍ଦ୍ଧ୍ବ ହୋଇଥିବା ପିଲାଙ୍କ ଭୋଟର କାର୍ଡ ତାଲିକାରେ ଅନ୍ତର୍ଭୁକ୍ତ କରିବା ଭଳି ଅନେକ ପ୍ରମୁଖ ବିଷୟ ଉପରେ ସ୍ବତନ୍ତ୍ର ଦୃଷ୍ଟି ଦିଆଯାଇ ଥିଲା। ଏହି କାର୍ଯ୍ୟକ୍ରମରେ ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ ସୂର୍ଯ୍ୟ କୁମାର ନାୟକ, ଅତିରିକ୍ତ ଜିଲ୍ଲାପାଳ ମଧୁଛନ୍ଦା ସାହୁ, ନିର୍ବାଚନ ଡେପୁଟି ଜିଲ୍ଲାପାଳ ମୁକ୍ତେଶ୍ଵର ପାଣିଗ୍ରାହୀ ଓ ଗ୍ରାମ ପଞ୍ଚାୟତ ଉନ୍ନୟନ ଅଧିକାରୀ ମହମ୍ମଦ ଅକବର ପ୍ରମୁଖ ଉପସ୍ଥିତ ରହିଥିଲେ।