16-Nov-2024

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ)ବଲାଙ୍ଗିର ଜିଲ୍ଲା ଏକ ଦାଦନ ପ୍ରବଣ ଜିଲ୍ଲା ଭାବେ ବେଶ ପରିଚିତ ଥିବା ବେଳେ ବର୍ତ୍ତମାନ ଦାଦନ ଋତୁ ର ତୃତୀୟ ପର୍ଯ୍ୟାୟ ରେ ପହଞ୍ଚି ଯାଇଛି। ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ବେଆଇନ ଦାଦନ ଶ୍ରମିକ ଚାଲାଣ ହେଉଥିବା ବେଳେ ପ୍ରଥମ ଓ ଦ୍ବିତୀୟ ପର୍ଯ୍ୟାୟ ରେ ବଲାଙ୍ଗିର ଜିଲ୍ଲାରେ ପ୍ରଥମେ ବେଲପଡା, ଦ୍ବିତୀୟ ରେ ତୁରେକେଲା ତୃତୀୟ ରେ ଖପ୍ରାଖୋଲ ଚତୁର୍ଥ ରେ ଲାଠୋର ଓ ପଞ୍ଚମରେ କଣ୍ଟାବାଞ୍ଜି, ଷଷ୍ଠ ରେ ଲାଠୋର ଓ ସପ୍ତମ ରେ ପାଟଣାଗଡ଼ ପୋଲିସ ଦ୍ବାରା ଦାଦନ ଶ୍ରମିକ ଉଦ୍ଧାର ହୋଇଥିବା ବେଳେ ଅନ୍ୟ ଥାନା ଦ୍ବାରା  ଥରେ ମଧ୍ୟ ଧରାଯାଇନାହିଁ।ରାଜ୍ୟ ସରକାର ବେଆଇନ ଦାଦନ ଶ୍ରମିକ ଚାଲାଣ ଉପରେ ରୋକ୍ ଲଗାଇବା ପାଇଁ ଟାକ୍ସଫୋର୍ସ ଗଠନ କରିଥିବା ବେଳେ ତାହା କେଉଁଠି କାର୍ଯ୍ୟକାରୀ ହେଉଛି ଜନସାଧାରଣଙ୍କୁ ଅଜଣା। ସର୍ଦ୍ଦାର ମାନେ ପୋଲିସ ଅଧିକାରୀ ଓ କର୍ମଚାରୀଙ୍କ ସହ ସାକ୍ଷାତକାର କରି ବେଧଡକ ବେଆଇନ ଦାଦନ ଚାଲାଣ କରୁଥିବା ଶୁଣିବାକୁ ମିଳୁଥିବା ବେଳେ ବଲାଙ୍ଗିର ଜିଲ୍ଲାରେ ତିନୋଟି ପୋଲିସ ବେଲପଡା, ତୁରେକେଲା ଓ ଖପ୍ରାଖୋଲ ସକ୍ରିୟ ହୋଇ ଦାଦନ ଶ୍ରମିକ ଉଦ୍ଧାର କରୁଥିବା ଦେଖିବାକୁ ମିଳିଛି। ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ ବେଲପଡା ଥାନା କପାଣି ଗ୍ରାମ ପଞ୍ଚାୟତ ତରା ଗାଁ ର ୫ ଜଣକୁ ଉକ୍ତ ଗ୍ରାମର ଡ୍ରାଇଭର ନବୀନ ପୁଟେଲ ନିଜ ଗାଡ଼ିରେ କଣ୍ଟାବାଞ୍ଜି ଥାନା ଚଟୁଅନ୍କା ଗାଁ ର ସର୍ଦ୍ଦାର ଜନ୍ମଜୟ ପନିକା ପାଖକୁ ନେଇ ଦେଉଥିବା ସମୟରେ ବେଲପଡା ଥାନା ଅଧିକାରୀ ଅନନ୍ତ ପ୍ରଧାନ ଙ୍କ ନିର୍ଦ୍ଦେଶନାରେ ଏ, ଏସ, ଆଇ ଭଜମନ ବିଶି ଯାଇ ବେଲପଡା ଥାନା ବିଛୁବାହାଲି ଠାରେ ଧରିବାରେ ସକ୍ଷମ ହୋଇଥିଲେ। ରାତିରେ ଶ୍ରମିକ ମାନଙ୍କୁ ନିଜ ଘରକୁ ପଠାଇ ଦେଇଥିବା ବେଳେ କେଶ୍ ନମ୍ବର ୩୧୪/୧୪ ଡ୍ରାଇଭର କୁ ଗିରଫ କରିଥିବା ବେଳେ ସର୍ଦ୍ଦାର ଫେରାର ହୋଇଥିବା ଥାନା ଅଧିକାରୀ ଅନନ୍ତ ପ୍ରଧାନ ସୂଚନା ଦେଇଛନ୍ତି।