16-Nov-2024

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ବେଲପଡା ବ୍ଳକ ରେ ଦୁର୍ନୀତି ଦିନ କୁ ଦିନ ବଢିବାକୁ ଲାଗିଥିବାବେଳେ ଦାଦାଗିରି ମଧ୍ୟ ବଢ଼ି ଚାଲିଛି।ବେଲପଡ଼ା ବ୍ଳକ ରେ ସାଧାରଣ ଜନତା ଙ୍କ ଉପରେ ଜୁଲମ ହେଉଥିବା ଅଭିଯୋଗ ଆସୁଥିବା ବେଳେ ଉନ୍ନୟନମୂଳକ କାର୍ଯ୍ୟ ମଧ୍ୟ ଠପ୍ ହୋଇଯାଇଛି।ଏ ବିଷୟରେ ଯିଏ ସ୍ବର ଉତ୍ତୋଳନ କରିବ ତାହେଲେ ତାଙ୍କୁ ଦବାଇ ଦିଆଯାଉଥିବା ବେଳେ ଗଣମାଧ୍ୟମ ପ୍ରତିନିଧି ମାନଙ୍କୁ ବାରଣ କରାଯାଉଛି।ଯଦି କୌଣସି ସାଧାରଣ ଜନତା ଅଭିଯୋଗ କରିବାକୁ ଆସିଥାନ୍ତି ତାହେଲେ ସେମାନଙ୍କୁ ମିଛ କେଶ୍ ରେ ଫସାଇବା ପାଇଁ ଷଡ଼ଯନ୍ତ୍ର ରହୁଛନ୍ତି। ନିର୍ବାଚନ ପୂର୍ବରୁ ଇସି ସଭ୍ୟା ମାନେ ନ୍ୟାୟ ପାଇଁ ୮ ଦିନ ଧରି ଆନ୍ଦୋଳନ ବସିଥିବାବେଳେ ସେଥିରେ ବର୍ତ୍ତମାନ ର ଉପମୁଖ୍ୟ ମନ୍ତ୍ରୀ ତଥା ପାଟଣାଗଡ଼ ବିଧାୟକ କନକ ବର୍ଦ୍ଧନ ସିଂହଦେଓ ମଧ୍ୟ ସାମିଲ ରହି ନ୍ୟାୟ ପ୍ରଦାନ କରାଇଥିଲେ।ତିନି ଥର ମନ୍ତ୍ରୀ ଦୁଇ ଥର ବିଧାୟକ ଥିବା ଲୋକଙ୍କୁ ଏଠାକାର ବ୍ଳକ ପ୍ରଶାସନ କ୍ଷମତା ନଥିଲା ସମୟରେ ବସାଇଥିଲେ ତାହେଲେ ସାଧାରଣ ଜନତା ଙ୍କୁ କିଏ ପଚାରେ?ବେଲପଡା ଗୋଷ୍ଠୀ ଉନ୍ନୟନ ଅଧିକାରୀ ଭାବରେ ରାଜେଶ କୁମାର ମେହେର ଯୋଗଦେବା ଏକ ବର୍ଷ ରେ ଅନେକ ସମସ୍ୟା ଉପୁଜିଛି। ଗତ କିଛି ଦିନ ତଳେ କନିଷ୍ଠ ଯନ୍ତ୍ରୀ ହରେକୃଷ୍ଣ ସାହୁ ଲାଞ୍ଚ ନେଇ ଧରାପଡିଥିଲେ। ବର୍ତ୍ତମାନ ଅଭିଯୋଗ କରି ଆସିଥିବା ଲୋକମାନଙ୍କୁ ଦୁର୍ବ୍ୟବହାର କରିଥିବା ବିଷୟଟି ଅଞ୍ଚଳରେ ଚର୍ଚ୍ଚା ର କେନ୍ଦ୍ରବିନ୍ଦୁ ପାଲଟି ଥାନା ପର୍ଯ୍ୟନ୍ତ ପହଞ୍ଚିଛି। ସୂଚନା ଅନୁସାରେ ବଲାଙ୍ଗିର ଜିଲ୍ଲା ବେଲପଡା ବ୍ଳକ ଦର୍ଲିପାଲି ଗ୍ରାମ ପଞ୍ଚାୟତ ଗୋଡଭଙ୍ଗା ଗାଁ ରେ ପ୍ରଧାନମନ୍ତ୍ରୀ ଆବାସ ଯୋଜନାରେ ଘର ପାଇଥିବା ହିତାଧିକାରୀ ଙ୍କ ମନରେଗା ଟଙ୍କା ଅନ୍ୟ ଏକାଉଣ୍ଟ୍ ମାନଙ୍କୁ ପକାଇ ଜି ଆର ଏସ ସରୋଜ ମିଶ୍ର ଓ ଜିଓଟେକ ସୁରେନ୍ଦ୍ର ପ୍ରଧାନ ଆତ୍ମସାତ କରିଥିବା ବେଳେ ଗ୍ରାମବାସୀ ମାନେ ଜାଣିବାକୁ ପାଇ ବିଡ଼ିଓ ଙ୍କୁ ଅବଗତ କରାଇଥିଲେ। କିନ୍ତୁ ଆଜି ପର୍ଯ୍ୟନ୍ତ କୌଣସି ପଦକ୍ଷେପ ନନେଇ ଦୁର୍ନୀତିଗ୍ରସ୍ତ ଙ୍କୁ ସୁରକ୍ଷା ଦେଉଥିବା ଜନସାଧାରଣରେ ମତ ପ୍ରକାଶ ପାଇଛି। ଆଜି ଉକ୍ତ ଘଟଣା ସମ୍ପର୍କରେ ଜଣାଇବା ପାଇଁ ଗୋଡଭଙ୍ଗା ଗାଁ ର ହିତାଧିକାରୀ ଓ ଭଦ୍ରବ୍ୟକ୍ତି ମାନେ ଆସିଥିବା ବେଳେ ସେମାନଙ୍କୁ ବିଡ଼ିଓ ରାଜେଶ କୁମାର ମେହେର ନାଲି ଆଖି ଦେଖାଇବା ସହ ଦୁର୍ବ୍ୟବହାର ପ୍ରଦର୍ଶନ କରିଥିଲେ। ବିଡ଼ିଓଙ୍କ ଏଭଳି ନୀତି କୁ ଅନେକ ବୁଦ୍ଧିଜୀବୀ ନିନ୍ଦା କରିଛନ୍ତି। ଗ୍ରାମବାସୀ ମାନେ ବିଡ଼ିଓ ଙ୍କ ଦୁର୍ବ୍ୟବହାର ରେ ଅସନ୍ତୋଷ ହୋଇ ଥାନା ର ଦ୍ବାରସ୍ଥ ହୋଇଥିବା ଜଣାପଡିଛି। ଥାନା ଅଧିକାରୀ ସାଧାରଣ ଜନତା ଙ୍କ ଅଭିଯୋଗ ପତ୍ର ଗ୍ରହଣ କରିଥିବା ବେଳେ ତାଙ୍କ ଉପରେ କ'ଣ କାର୍ଯ୍ୟାନୁଷ୍ଠାନ ନେଉଛନ୍ତି ଦେଖିବାକୁ ବାକି ରହିଲା।ରାଜ୍ୟ ସରକାର ସାଧାରଣ ଜନତା ଙ୍କୁ ନ୍ୟାୟ ଓ ସୁରକ୍ଷା ଦେବା ପାଇଁ ବିଭିନ୍ନ ଅଭିଭାଷଣ ରଖୁଥିବା ବେଳେ ଉପମୁଖ୍ୟ ମନ୍ତ୍ରୀ ତଥା ପାଟଣାଗଡ଼ ବିଧାୟକ ଙ୍କ ନିର୍ବାଚନ ମଣ୍ଡଳୀରେ ସାଧାରଣ ଜନତା ଙ୍କ ଉପରେ ଜଣେ ଅଧିକାରୀ ଏଭଳି ଦୁର୍ବ୍ୟବହାର ପ୍ରଦର୍ଶନ କରିବା କେତେ ଦୂର ଯଥାର୍ଥ।ଏହା ଉପରେ ନିଜେ ଉପମୁଖ୍ୟ ମନ୍ତ୍ରୀ ଶ୍ରୀ କନକ ବର୍ଦ୍ଧନ ସିଂହଦେଓ ହସ୍ତକ୍ଷେପ କରି ଉଚିତ ପଦକ୍ଷେପ ନେବାକୁ ଅଞ୍ଚଳବାସୀ ଦାବି କରିଛନ୍ତି।