16-Nov-2024

 ବରଗଡ଼/ଅତାବିରା(ଆକାଶ ମିଶ୍ର):  ଶିଶୁ ଦିବସ ଅବସରରେ ବାପୁଜୀ ସ୍ୱତନ୍ତ୍ର ବିଦ୍ୟାଳୟ,ବରଗଡ଼ଠାରେ ଓଡିଶା ଜନତା ସଂଘର୍ଷ ସମିତି ସ୍ବେଛାସେବୀ ସଂଗଠନ ପକ୍ଷରୁ ବରପାଲିର ଯୁବ ସମାଜସେବୀ ଶ୍ରୀମାନ ସୁବ୍ରତ ଚିନ୍ଦ୍ରାଙ୍କୁ 2024 ବର୍ଷ ନିମନ୍ତେ ସମାଜ ସେବା କ୍ଷେତ୍ରରେ ଉଲ୍ଲେଖନୀୟ ଅବଦାନ ଯୋଗୁଁ ସୂର୍ଯ୍ୟ ପ୍ରକାଶ ମହାପାତ୍ର ସ୍ମୃତି ସମ୍ମାନ ପ୍ରଦାନ କରାଯାଇଛି l ପ୍ରକାଶ ଥାଉକି, 2012 ମସିହା ଠାରୁ ଆରମ୍ଭ ହୋଇଥିବା ଏହି ସମ୍ମାନ ବରଗଡ଼ ଜିଲ୍ଲାର ପ୍ରତି ବ୍ଲକରୁ ପ୍ରତି ବର୍ଷ ଜଣେ ସମାଜସେବୀଙ୍କୁ ପ୍ରଦାନ କରାଯାଇଥାଏ l ବରପାଳିର ସୁବ୍ରତ ଚିନ୍ଦ୍ରା ଅସହାୟ, ଗରିବ, ରୋଗୀ ଓ ଛାତ୍ର ଛାତ୍ରୀ ଙ୍କୁ ସାହାଯ୍ୟ ସହଯୋଗ କରିବା ସହିତ ସେ ବୃକ୍ଷ ରୋପଣ, ରକ୍ତଦାନ ତଥା ବିଭିନ୍ନ ଧର୍ମାନୁଷ୍ଠାନ ଓ ସାଂସୃତିକ ଅନୁଷ୍ଠାନ ମାନଙ୍କୁ ଆର୍ଥିକ ସହଯୋଗ ଦେଇ ଆସୁଛନ୍ତି l ତାଙ୍କୁ ଉତ୍ସାହିତ କରିବା ପାଇଁ ଏହି ସମ୍ମାନ ପ୍ରଦାନ କରାଯାଇଛି l ସମିତି ସଭାପତି ଶ୍ରୀମାନ କିଶୋର ଚନ୍ଦ୍ର ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ ମୁଖ୍ୟ ଅତିଥି ଭାବେ ସମାଜସେବୀ ପ୍ରିତମ ସିଂଙ୍କ ସମେତ ବିଭିନ୍ନ ବିଶିଷ୍ଟ ବ୍ୟକ୍ତିଗଣ ଯଥା : ପବିତ୍ର ଦେହେରୀ,ଭଗବାନ ପଧାନ,ପ୍ରଦୀପ ଥପା,ପ୍ରଦୀପ୍ତଭାନୁ ମହାନ୍ତି,ଉମେଶ ବିଶ୍ୱାଳ, ଭାବନା ଅଗ୍ରୱାଲ,ପ୍ରିୟଙ୍କା ଶର୍ମା,ସିମାଞ୍ଚଳ ସାହୁ,ଦିଲ୍ଲୀପ କୁମାର ପଣ୍ଡା, ସମିତିର ଉପସଭାପତି ମେଘନାଦ ସାହୁ,ସମ୍ପାଦକ ଅଭୟ କୁମାର ପଧାନ,ପରମାନନ୍ଦ ସାହୁ,ସହଦେଵ ଜାଳ, ହେମନ୍ତ ପଧାନ,ଶରତ ସାହୁ ଓ ଡାକ୍ତର ବିଶି ମଂଚାସୀନ ଥିଲେ l ସମ୍ପାଦକ ସମିତିର ବିଭିନ୍ନ କାର୍ଯ୍ୟକ୍ରମ ବାବଦରେ ଆଲୋକପାତ କରିଥିବା ବେଳେ ଉପସଭାପତି ଅତିଥି ପରିଚୟ ପ୍ରଦାନ କରିଥିଲେ l ସଭ୍ୟ ଦୁଃଖୀସେବକ ସାହୁ ମାନପତ୍ର ପଠନ କରିଥିଲେ l କାର୍ଯ୍ୟକ୍ରମରେ ସମିତିର ସଭ୍ୟ ସନାତନ ସାହୁ,ପ୍ରମୋଦ ସାହୁ,ସୂର୍ଯ୍ୟ କୁମାର ସେଠ,ତ୍ରିଲୋଚନ ସାହୁ,କାମଦେବ ବେହେରା,ଗଣେଶ ବର୍ଗେ,ସୁଶୀଳା ପଶାୟତ ଓ ଶିବାୟନୀ ପଣ୍ଡା ସହଯୋଗ କରିଥିଲେ l ପରିଶେଷରେ ସହ ସମ୍ପାଦକ ନେପାଳ ଦୁଆନ ଧନ୍ୟବାଦ ଅର୍ପଣ କରିଥିଲେ l