15-Nov-2024

ଆଗଲପୁର, (ବିନୋଦ ଦୀପ) ଆଗଲପୁର ବ୍ଲକ ରିନବଚନ ଗ୍ରାମ ପଞ୍ଚାୟତ ଉଚ୍ଚ ବାହାଲ ଗ୍ରାମ ର ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ ପରିସର ମଧ୍ୟରେ ବିଶିଷ୍ଟ ଆଦିବାସୀ ନେତା ବିର୍ସାମୁଣ୍ଡା ଙ୍କ ଜନ୍ମ ଜୟନ୍ତୀ ଅବସର ରେ ଜନ ଜାତୀୟ ଗୌରବ ଦିବସ ପାଳନ ଅବସର ରେ ସ୍ଵତନ୍ତ୍ର ପଲ୍ଲୀସଭା ଓ  ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି l ଏଥିରେ ମୁଖ୍ୟ ଅତିଥି ଭାବେ ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ ମହାପାତ୍ର କୁଲଦୀପ ମହାନ୍ତି ଯୋଗ ଦେଇଥିବା ବେଳେ ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ରୁଦ୍ରପ୍ରତାବ ସୁନା , ପି ଇ ଓ ଭୁଲା ମାଝି , ସ୍ଥାନୀୟ ସରପଞ୍ଚ ପ୍ରମିଳା ଦୋରା ଯୋଗଦେଇ ସଭାର ସଭାପତିତ୍ୱ କରିଥିଲେ l ଏହା ସହିତ ସମିତିସଭ୍ୟ l ଅନିତା ସାହୁ, ସୋନାଲି ଆଚାର୍ଯ୍ୟ ମଂଚାସୀନ ଅତିଥି ଭାବେ ଯୋଗ ଦେଇଥିଲେ l ସଭାରେ ଜଳ ଓ ପରିମଳ ବିଭାଗ ଯନ୍ତ୍ରୀ ଦୁର୍ଗାପ୍ରସାଦ ମିଶ୍ର ସଭାପତିତ୍ୱ କରିଥିବା ବେଳେ ଓ ପି ଇ ଓ ଭୁଲା ମାଝି ଙ୍କ ତତ୍ୱାବଧାନ ରେ ସଭା ଅନୁଷ୍ଠିତ ହୋଇଥିଲା l ସଭାରେ ପ୍ରଥମେ ଅତିଥି ମାନଙ୍କ ଦ୍ୱାରା ବିର୍ସାମୁଣ୍ଡା ଓ ମହାତ୍ମାଗାନ୍ଧୀ ଙ୍କ ଫୋଟୋ ରେ ପୁଷ୍ପମାଲ୍ୟ ଓ ଦୀପ ପ୍ରଜ୍ବଳନ କରାଯାଇ ଥିଲା l

ରାଷ୍ଟ୍ରୀୟ ଗ୍ରାମ୍ୟ ସ୍ବରାଜ ଅଭିଯାନ ଅନ୍ତର୍ଗତ ଜଙ୍ଗଲ ଅଧିକାର ଆଇନ ଉପରେ ଆଧାରିତ ବ୍ୟକ୍ତି ଗତ ଜଙ୍ଗଲ ଅଧିକାର , ସାମୁହିକ ଜଙ୍ଗଲ ଅଧିକାର , ସଂରକ୍ଷଣ ଓ ପରିଚାଳନା ଅଧିକାର ଉପରେ ଆଲୋଚନା କରାଯାଇ ଥିଲା l ଉଚ୍ଚବାହାଲ ରେ 80 ଶତକଡା ଲୋକ ଆଦିବାସୀ ଥିବାରୁ ବ୍ଲକ ରେ ଏହି ଗ୍ରାମ କୁ ଏହି ସଭା ପାଇଁ ଚୟନ କରାଯାଇ ଥିବା ପ୍ରଶାସନ ପକ୍ଷରୁ ସୂଚନା ଦିଆଯାଇଛି l ଏହି ଗ୍ରାମ ରେ କିଡନୀ ରୋଗୀ ବେଶୀ ପରିମାଣ ରେ ଥିବାରୁ ଆଗଲପୁର ରେ ଡାଏଲେସିସ କେନ୍ଦ୍ର ଖୋଲିବା ସହିତ ଗ୍ରାମ ରେ ଏକ ଆୟୁର୍ବେଦିକ ହସ୍ପିଟାଲ ଖୋଲିବା ପାଇଁ ଦାବି ହେଉଛି ଏବଂ ଆଜିର ଦିନରୁ ନିଶା ମୁକ୍ତ କରିବାକୁ ସଭାରେ ଶପଥ ନେଇ ଥିଲେ l ଏହିପରି ଅତିଥି ମାନଙ୍କ ଦ୍ଵାରା ଆମ୍ବଚାରା ସ୍କୁଲ ପରିସର ମଧ୍ୟରେ ରୋପଣ କରାଯାଇ ଥିଲା l ଏହି ସଭାରେ ବହୁ ସଂଖ୍ୟାରେ ପୁରୁଷ , ମହିଳା ଯୋଗ ଦେଇଥିଲେ l ଶେଷରେ ଗ୍ରାମ ପଞ୍ଚାୟତ ଅଧିକାରୀ ସୌଭାଗ୍ୟ ପ ଧାନ ଧନ୍ୟବାଦ ଅର୍ପଣ କରି ସଭା ସାଙ୍ଗ କରାଯାଇଥିଲା l