15-Nov-2024

(ନିରଞ୍ଜନ ତ୍ରିପାଠୀ)-ଉତ୍କଳୀୟ ପରମ୍ପରାର ନୈାବାଣିଜ୍ୟ ଭିତ୍ତିକ କାର୍ତ୍ତିକ ପୂର୍ଣ୍ଣିମା ତଥା ବୋଇତ ବନ୍ଦାଣ ଉତ୍ସବ ଶ୍ରୀ ଶ୍ରୀ ନୃସିଂହନାଥ ପୀଠରେ ମହା ଆଡମ୍ବରରେ ପାଳନ ହୋଇଯାଇଛି । ଏହା ଏକ ଗଭୀର ଆଧ୍ୟାତ୍ମିକ ହିନ୍ଦୁ ପର୍ବ ଯାହାକି କାର୍ତ୍ତିକ ମାସର ପୂର୍ଣ୍ଣିମାକୁ ପାଳନ କରିଥାଏ। ଏହି ଦିନ ପବିତ୍ର ନଦୀ ଅବା ଝରଣାରେ ପବିତ୍ର ବୁଡ଼ ପକାଇଲେ ଯାହା ପାପ ଧୋଇ ଦେବ ଏବଂ ଈଶ୍ୱରଙ୍କ ଆଶୀର୍ବାଦ ଆଣିଦେବ ବୋଲି ବିଶ୍ୱାସ ମଧ୍ୟ ରହିଛି। ଉଭୟ ଭଗବାନ ବିଷ୍ଣୁ ଏବଂ ଭଗବାନ ଶିବଙ୍କ ପୂଜାର୍ଚ୍ଚନା ଏହି ଦିନଟି ବେଶ ମହତ୍ତ୍ୱପୂର୍ଣ୍ଣ ଅଟେ।ଓଡ଼ିଶାରେ ସ୍ୱତନ୍ତ୍ର ଶୋଭାଯାତ୍ରା ଏବଂ ଭଗବାନ କାର୍ତ୍ତିକେଶ୍ୱର ମୂର୍ତ୍ତୀ ଙ୍କ ବୁଡ଼ ପକାଇବା ଏହାର ସାଂସ୍କୃତିକ ଗୁରୁତ୍ୱକୁ ଅଧିକ ଗୁରୁତ୍ୱ ଦେଇଥାଏ। କାର୍ତ୍ତିକ ପୂର୍ଣ୍ଣିମାର ଅନନ୍ଯ ରୂପ ଦେଖିବାକୁ ମିଳିଛି ପାଇକମାଲ ନିକଟସ୍ଥ ସ୍ଥିତ ଶ୍ରୀଶ୍ରୀ ନୃସିଂହନାଥ ପୀଠରେ । ଲକ୍ଷାଧିକ ଭକ୍ତଙ୍କ ଭିଡ଼ରେ କାର୍ତ୍ତିକ ଚତୁର୍ଦ୍ଦଶୀ ଏବଂ କାର୍ତ୍ତିକ ପୂର୍ଣ୍ଣିମାର ଦୀପଦାନ ଉତ୍ସବ ମହା ସମାରୋହରେ ସମ୍ପନ୍ନ ହୋଇଛି । ଚତୁର୍ଦଶୀ ତିଥିରେ ମାଁ ଜଗଦାତ୍ରୀଙ୍କ ପୂଜା ସନ୍ଧ୍ଯା ୭ ରୁ ୮ ଟା ମଧ୍ଯରେ ସମ୍ପୂର୍ଣ୍ଣ ହୋଇଥିଲା । ରାତ୍ର ୯ଟା ପରେ  ଉପସ୍ଥିତ ସମସ୍ତ ଭକ୍ତ ମାନଙ୍କ ପାଇଁ ମହା ପ୍ରସାଦର ସୁ ବ୍ଯବସ୍ଥା ମଧ୍ଯ ହୋଇଥିଲା । ଭକ୍ତ ତଥା ଶ୍ରଦ୍ଧାଳୁଙ୍କ ପାଇଁ ରାମାୟଣ ପ୍ରବଚନ ସାଂସ୍କୃତିକ କାର୍ଯ୍ୟକ୍ରମ ମନ୍ଦିର ଟ୍ରଷ୍ଟ ବୋର୍ଡ ପକ୍ଷରୁ ଆୟୋଜନ କରାଯାଇଥିଲା । ଆଜି ସକାଳ ୩ଟାରୁ ଭକ୍ତମାନେ ପୂର୍ଣ୍ଣମୀ ବୁଡ଼ ଦେଇ ଦୀପଦାନ କରିଥିଲେ । କାର୍ତ୍ତିକ ପୂର୍ଣ୍ଣିମାର ଦୀପଦାନ ଉତ୍ସବ ପାଇଁ ଶ୍ରୀଶ୍ରୀ ନୃସିଂହନାଥ ପୀଠର ଚାଳଧାର, ଗୋକୁଣ୍ଡ ଏବଂ ପଞ୍ଚୁପାଣ୍ଡବ ଏହି ତ୍ରୀବେଣୀ ସଂଗମରେ ଦୀପଦାନ ପାଇଁ ମନ୍ଦିର ପ୍ରଶାସନ ପକ୍ଷରୁ ସୁ-ବ୍ଯବସ୍ଥା ହୋଇଥିବା ଥିବା ବେଳେ ମନ୍ଦିର ପ୍ରଶାସକ ପକ୍ଷରୁ ଭକ୍ତଙ୍କ ସୁରକ୍ଷାକୁ ସ୍ୱତନ୍ତ୍ର ଭାବେ ପ୍ରାଧାନ୍ୟ ଦିଆଯାଇଛି ବୋଲି ନୃସିଂହନାଥ ଟ୍ରଷ୍ଟ ବୋର୍ଡର କାର୍ଯ୍ୟନିର୍ବାହୀ ଅଧିକାରୀ ଶ୍ରୀମାନ ପୁରୁଷୋତ୍ତମ ପ୍ରଧାନ ଆମ ପ୍ରତିନିଧିଙ୍କୁ ଫୋନ ମାଧ୍ୟମରେ ସୂଚନା ପ୍ରଦାନ କରିଛନ୍ତି। ଏଅବସରରେ ପବିତ୍ର ଶ୍ରୀଶ୍ରୀ ନୃସିଂହନାଥ ପୀଠରେ ରାଜ୍ୟ ତଥା ରାଜ୍ଯ ବାହାରର ଲକ୍ଷାଧିକ ଭକ୍ତଙ୍କ ସମାଗମ ସହିତ ଦୀପଦାନ ମଧ୍ଯ କରିଛନ୍ତିି।