14-Nov-2024

ଗଞ୍ଜାମ/ପୁରୁଷୋତ୍ତମପୁର(ଶୁଭଙ୍କର ଦାସ): ଗତ ୫ ତାରିଖ ମଙ୍ଗଳବାର ବିଳମ୍ବିତ ରାତ୍ରରେ ମା ତାରlତାରିଣୀଙ୍କ ପୀଠରୁ କିଛି ଦୁର୍ବୃତ୍ତ ପଶି ଇଲେକ୍ଟ୍ରି କଟର ମାଧ୍ୟମରେ  ମୁଖ୍ଯ କବାଟ ଏବଂ ଭିତର କବାଟ ଭାଙ୍ଗି ମା' ଙ୍କର ୨ ଗୋଟି ରୂପା ମୁଖା ୧ ଗୋଟି ରୂପାଛତ୍ର ଏବଂ ୩୯ ହଜାର ଟଙ୍କା ଚୋରିକରି ନେଇଯାଇଥିଲେ । ତାପରଦିନ୍ ଅର୍ଥାତ ୬ ତାରିଖ ଦିନ ପ୍ରାତଃ ସମୟରେ ମା'ଙ୍କର ମଜଣା କରିବାକୁ ଆସିଥିବା ପୂଜାରୀ ମା' ଙ୍କ ର କବାଟର ତାଲା ଭଗ୍ନ ଏବଂ ଖୋଲା ଥିବା ଦେଖି ରାତ୍ର ଜଗୁଆଳି କାଳିଆ ଦାସ (୩୫) କୁ ପଚାରିବାରୁ ସେ ବେଢ଼ା ବାହାରେ ସୋଇଥିଲା ଏବଂ ସେ ବିଷୟରେ  କିଛି ଜାଣିନାହିଁ ବୋଲି ଉତ୍ତର ଦେଇଥିଲା । ଘଟଣାସ୍ଥଳ କୁ ପୁରୁଷୋତ୍ତମପୁର୍ ଥାନା ଅଧିକାରୀ ଓ ଏସ.ଡି.ପିଓ ପହଂଚି ଛାନଭିନ୍ କରିଥିଲେ ଏବଂ ବ୍ରହ୍ମପୁରର ଡ଼ଗ୍ ସ୍କୁଆଡ଼ ଆସି ଅନୁସନ୍ଧାନ କରିଥିଲେ । ଭଙ୍ଗା ଯାଇଥିବା ତାଲା ଏବଂ କିଛି ସମାନକୁ ପୋଲସ ଜବତ କରିଥିଲେ । ଘଟଣା ଘଟିବାର ଦୀର୍ଘ ୧୦ ଦିନ ପରେ ଏସ.ପି ଙ୍କର ନିର୍ଦେଶରେ ୬ ଜଣକୁ ଗିରଫ କରିବା ସହିତ ସେମାଙ୍କ ପାଖରୁ ୩୦୦୦୦ ଟଙ୍କା,ଏକ କଟର୍ ,ସଂଯୋଗୀକରଣ ତାର,୩ ଟି ମୋଟରସାଇକେଲ ,୩ ମୋବାଇଲ ଫୋନ ଏବଂ କିଛି ମଦ ବୋତଲ ଜବତ କରିଥିବର ଏକ ସାମ୍ବାଦିକ ସମ୍ମିଳନୀ ମାଧ୍ୟମରେ ଏସ.ଡି.ପିଓ ରଜନୀକାନ୍ତ ସାମଲ ସୂଚନା ଦେଇଛନ୍ତି । ଗିରଫ ହୋଇଥିବା ଦୁର୍ବୁତ୍ତ ମାନେ କାଳିଆ ଦାସ (୩୫) ,ପି.ସ୍ୱର୍ଗତ ରାମ ଦାସ, ବଳରାମ ନାହାକ ଓରଫ ବଳିଆ (୪୫) ,  ପି --ହିରଣ୍ୟ ନାୟକ, ଅମୁଲ୍ୟ ରଣା (୨୮) , ପି --ବିଷ୍ଣୁ ରଣା,  ବିକାଶ ରଣା (୨୦) ପି.ସର୍ଜନ ରଣା, ଗୌତମ ରଣା (୨୮) ପି.ଶୁକଦେବ ରଣା ପ୍ରତାପୁର ଗ୍ରାମର  ରବୀନ କୁମାର ରଣା (୨୫) ପି.ସ୍ୱର୍ଗତ ତାରା ପ୍ରାସାଦ ରଣା, କେବଳ ଶୁକ ଦେବ କୁ ଛାଡି ଅନ୍ୟ ୫ଜଣଙ୍କ ଘର ଗୋବିନ୍ଦପୁର ଗ୍ରାମରେ  ଅବସ୍ଥିତ ଙ୍କୁ ଗିରଫ କରି ଥାନା ଆଇ.ଓ ବିପିନ ବିହାରୀ ହୋତାଙ୍କ ତତ୍ୱାବଧାନରେ ଦୁର୍ବୁତ୍ତ ମାନଙ୍କୁ କୋର୍ଟ ଚାଲାଣ କରି ବ୍ରହ୍ମପୁର ଜେଲକୁ ପଠାଇଥିଲେ ।

 ପୁରୁଷୋତ୍ତମପୁର ଲୋକଙ୍କ ମନରେ ଚର୍ଚା ହେଉଛି କି ଚୋରିହୋଇଥିବା ମୁଖା ଓ ଛତ୍ର କୁ ଏମାନେ ଅଧିକ ଅର୍ଥ ଉପାର୍ଜନ ନିମନ୍ତେ  କୌଣସି ତାନ୍ତ୍ରିକ ସହିତ ହାତମିଶାଇ ନେଇ ନାହାନ୍ତି ତ ?