14-Nov-2024

ସୋନପୁର, ତା.୧୪/୧୧: ସୁବର୍ଣ୍ଣପୁର ଜିଲ୍ଲା ଜୁନିୟର ରେଡକ୍ରସ ର ପରିଚାଳନା କମିଟିର ବାର୍ଷିକ ବୈଠକ ଜିଲ୍ଲା ଶିକ୍ଷା ଅଧିକାରୀ ଲକ୍ଷ୍ମଣ ଭୋଇଙ୍କ ଅଧ୍ୟକ୍ଷତା ରେ ଆୟୋଜିତ ହୋଇଯାଇଛି। ଜିଲ୍ଲା ସମ୍ପାଦକ ତଥା ଏଡିଇଓ ମଞ୍ଜୁଲତା ଭୋଇ ୨୦୨୩-୨୪ ର ବାର୍ଷିକ ବିବରଣୀ ଓ ୨୦୨୪-୨୫ ଶିକ୍ଷା ବର୍ଷର ଜିଲ୍ଲା ଜୁନିୟର ରେଡକ୍ରସ ର ବ୍ୟୟ ଅଟକଳ ପ୍ରଦାନ କରିଥିଲେ। ଜିଲ୍ଲା ଜୁନିୟର ରେଡକ୍ରସ ଅଫିସର ରବିଚନ୍ଦ୍ର ପଶାୟତ ସୁବର୍ଣ୍ଣପୁର ଜୁନିୟର ରେଡ଼କ୍ରସ ର ସ୍ଥିତି, ପ୍ରଗତି ଓ ଯୋଜନା ବିଷୟରେ ପ୍ରକଳ୍ପ ପ୍ରଦର୍ଶନ କରିଥିଲେ। ଭାଇସ ଚେୟାର ପର୍ସନ ଗତିକୃଷ୍ଣ ମିଶ୍ର ଓ ବରିଷ୍ଠ ସାଧନକର୍ମୀ ଝସକେତନ ମେହେର, ବରିଷ୍ଠ ସାଧନ କର୍ମୀ ଚନ୍ଦ୍ରଶେଖର ମହାପାତ୍ର ପ୍ରମୁଖ ଜୁନିୟର ରେଡକ୍ରସ କାର୍ଯ୍ୟକ୍ରମ  ଛାତ୍ରଛତ୍ରୀମାନଙ୍କୁ ସମାଜ ସେବା ଯୋଗାଇବାରେ ବେଶ ପ୍ରଭାବ ପକାଇଛି ବୋଲି ମତବ୍ୟକ୍ତ କରିଥିଲେ। କାର୍ଯ୍ୟକ୍ରମକୁ ସାଧନ କର୍ମୀ ଚନ୍ଦ୍ରମଣି ବାଘ ସଂଯୋଜନା କରିଥିବାବେଳେ ହୃଷୀକେଶ ଡାଙ୍ଗ ସ୍ବାଗତ ଅଭିଭାଷଣ ଦେଇଥିଲେ । ଚଳିତ ଶିକ୍ଷା ବର୍ଷର ଜିଲ୍ଲା ସ୍ତରୀୟ ଶିକ୍ଷା ଓ ତାଲିମ ଶିବିର ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ପଞ୍ଚାୟତ ଉଚ୍ଚ ବିଦ୍ୟାଳୟ,ମାୟାବର୍ହା ରେ ଡିସେମ୍ବର ପ୍ରଥମ ସପ୍ତାହରେ ଆୟୋଜନ କରିବାକୁ ଆଜିର ବୈଠକ ରେ ସ୍ଥିରୀକୃତ ହୋଇଛି।

କାର୍ଯ୍ୟକ୍ରମରେ ସାଧନ କର୍ମୀ ବଳରାମ ପୁରୋହିତ,  ଶେଷଦେବ ଛତ୍ର, ତପସ୍ଵିନୀ ଦାସ, ହୃଷୀକେଶ ଚାନ୍ଦ, ବିସିସି ନିମାଇ ଚରଣ ମଲ୍ଲିକ, ପ୍ରହଲ୍ଲାଦ ନାୟକ, ବୈକୁଣ୍ଠ ନାୟକ, ଗୋପେଶ ପଣ୍ଡା, 
 କାଉନସିଲର ପ୍ରଜ୍ଞା ପାରମିତା ମିଶ୍ର,ବୈଠକରେ ଯୋଗଦାନ କରିଥିଲେ। ଶେଷରେ ଅନୁପ୍ରୀୟା ମିଶ୍ର ଧନ୍ୟବାଦ ଦେଇଥିଲେ।