14-Nov-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ସ୍ଥିତ ଦାତବ୍ୟ ଅନୁଷ୍ଠାନ " ଫିଡ୍ " ତରଫରୁ ଗାଇସିଲେଟ ବ୍ଲକ ଅନ୍ତର୍ଗତ ଜାମୁଟପାଲି ଗ୍ରାମର ଝରଣା ଦୀପଙ୍କୁ ତାଙ୍କର ପାଠ ପଢ଼ା ନିମନ୍ତେ ଯୁକ୍ତ ଦୁଇ ପ୍ରଥମ ବର୍ଷ କଳାର ସମସ୍ତ ପୁସ୍ତକ, ଖାତା ପତ୍ର ଏବଂ ଆବଶ୍ୟକୀୟ ଅନ୍ୟାନ୍ୟ ସାମଗ୍ରୀ ଯୋଗାଇ ଦିଆ ଯାଇଛି। ପ୍ରକାଶ ଥାଉ କି  ଆଗଲପୁର ବ୍ଲକର ରେଙ୍ଗାଲି ଗ୍ରାମର ଶ୍ରୀ ରବୀନ୍ଦ୍ର  ଦୀପ ଏବଂ ଶ୍ରୀମତୀ ସୁରଭି ଦୀପ ମଜୁରୀ କରି ପରିବାର  ପୋଷଣ କରନ୍ତି। ପରିବାରରେ ଆର୍ଥିକ ଅସୁବିଧା ଥିବାରୁ  ମାଟ୍ରିକ ପାସ୍ କରିବା ପରେ  ତାଙ୍କର ଝିଅ ଝରଣାକୁ ସେମାନେ  ତା ମାମୁଁ ଘର ଗାଁ ଜାମୁଟପାଲିରେ  ରଖି ତାଲପାଲି ମହାବିଦ୍ୟାଳୟରେ ପାଠ ପଢ଼ାଉଥିଲେ।ମାତ୍ର ମାମୁଁ ଘରର ଆର୍ଥିକ ସ୍ଥିତି ମଧ୍ୟ ଭଲ ନ ଥିବାରୁ ଏବଂ ବହିପତ୍ର ମଧ୍ୟ ନ ଥିବାରୁ ପାଠ ପଢ଼ିବା ନିମନ୍ତେ ଆର୍ଥିକ ସହଯୋଗ ମିଳିବା ପାଇଁ ଝରଣା ସୋସିଆଲ ମିଡିଆର ଆଶ୍ରୟ ନେଇ ଥିଲେ। ତତସଙ୍ଗେସଙ୍ଗେ ଫିଡ଼ ଟ୍ରଷ୍ଟ ର ମଧ୍ୟ ଦ୍ବାରସ୍ଥ  ହୋଇଥିଲେ। "ଫିଡ" ଟ୍ରଷ୍ଟ ର ଚେୟାରମେନ ଶ୍ରୀ ଫଣିନ୍ଦ୍ର କୁମାର ତାଣ୍ଡି ଙ୍କ  ନଜରକୁ ଏହି ଖବର ଆସିବା ମାତ୍ରେ ତାଙ୍କର ତତ୍ତ୍ଵାବଧାନରେ ଫିଡ୍ ର ସଭ୍ୟ  ଏବଂ ଶିକ୍ଷକ ଶ୍ରୀ ମହେନ୍ଦ୍ର କଲେତ,  ଶିକ୍ଷକ ଶ୍ରୀ ପ୍ରଶାନ୍ତ ଦୀପ ଏବଂ ଗାଇସିଲେଟ ବ୍ଲକର ଲକ୍ଷେ ଘର ଗଣ୍ଡା ସମାଜର ସଭାପତି ଶ୍ରୀ ଗୋଲାପ ପାଇକ ବ୍ୟକ୍ତି ବିଶେଷ ଜାମୁଟ ପାଲି ଯାଇ ଝରଣାକୁ ଯୁକ୍ତ ଦୁଇ ପ୍ରଥମ ବର୍ଷର ସମସ୍ତ ପୁସ୍ତକ ଏବଂ ଖାତା ପତ୍ର ଯୋଗାଇଥିଲେ। ବହିପତ୍ର ପାଇଲା ପରେ ଝରଣା ଆନନ୍ଦିତ ହୋଇ  "ଫିଡ୍" କୁ ଧନ୍ୟବାଦ ଦେବ ସହିତ  ତାଙ୍କର ପାଠ ପଢ଼ା ଜାରି ରଖିବେ ଏବଂ ସମାଜର ଭଲ ପାଇଁ କାମ କରିବେ ବୋଲି କହିଛନ୍ତି ।