12-Nov-2024

ବୌଦ୍ଧ/ହରଭଙ୍ଗା(ଦେବବ୍ରତ ଦାଶ):-ବଷ୍ଟନ ସହର ରେ ଇସ୍କନ ପକ୍ଷରୁ ଅଦିନିଆ ରଥଯାତ୍ରା ପ୍ରସଙ୍ଗକୁ ନେଇ ପ୍ରତିକ୍ରିୟା ରଖିଲେ ଅଦିତ୍ୟବହିନୀ ରାଜ୍ୟ ସଭାପତି ପଣ୍ଡିତ ମାତୃପ୍ରସାଦ ମିଶ୍ର । ସୂଚନାମୁତବକ ଆଜି ଆଦିତ୍ୟବାହିନୀ ବୌଦ୍ଧ ଶାଖା ପକ୍ଷରୁ ଏକ ସାମ୍ବାଦିକ ସମ୍ମିଳନୀ ରାଧାମାଧବ ସେବା ଟ୍ରଷ୍ଟ ବୁଟୁପାଲି ଠାରେ ଅନୁଷ୍ଠିତ ହୋଇଯାଇଛି । ଏହି ସାମ୍ବାଦିକ ସମ୍ମିଳନୀରେ ଅଦିତ୍ୟବହିନୀର ରାଜ୍ୟ ସଭାପତି ପଣ୍ଡିତ ମାତୃପ୍ରସାଦ ମିଶ୍ର ଓ ଅନ୍ୟ ପ୍ରତିନିଧି ମଣ୍ଡଳୀର  ଉପସ୍ଥିତିରେ ସନାତନ ଧର୍ମର ରକ୍ଷା ନିମନ୍ତେ ଆଲୋଚନା ହୋଇଯାଇଛି । ଜଗତଗୁରୁ ଶଙ୍କରାଚାର୍ଯ୍ୟ ଏସିଆ ମହାଦେଶ ଓ ଭାରତ କୁ ହିନ୍ଦୁ ରାଷ୍ଟ୍ର କରିବା ନିମନ୍ତେ ପ୍ରଚାର ପ୍ରସାର ଜାରିରଖିଛନ୍ତି । ଏହି କ୍ରମରେ ଗୋବର୍ଦ୍ଧନ ପୀଠର ଅନ୍ତର୍ଗତ ଆଦିତ୍ୟ ବାହିନୀ ଓ ଆନନ୍ଦ ବାହିନୀ ର ସୌୟସେବକମାନେ ଏହି କାର୍ଯ୍ୟର ପ୍ରଚାର ପ୍ରସାର ରେ ଲାଗି ପଡିଛନ୍ତି । ଗୋମାତାକୁ ରାଷ୍ଟ୍ରମାତା ଭାବେ ସରକାର ଘୋଷଣା କରିବା ସହ ଗୋ ଚୋରା ଚାଲାଣ ରୋକିବା ପାଇଁ ବାହିନୀ ର ମୁଖ୍ୟ ଦାବି ରହିଛି । ଅନ୍ୟପଟେ ଅଦିନରେ ଇସ୍କନ ପକ୍ଷରୁ ବିଦେଶ ରେ ଅନୁଷ୍ଠିତ ରଥଯାତ୍ରା କୁ ଘୋର ବିରୋଧ କରିବା ସହ ଆଗାମୀ ଦିନରେ ଏଭଳି ରଥଯାତ୍ରା କଲେ ଇସ୍କନ ର ମୁଖ୍ୟ ତଥା ଆୟୋକଙ୍କୁ କଠୋର ଦଣ୍ତ ବ୍ୟବସ୍ଥା କରିବା ପାଇଁ ଅଦିତ୍ୟବହିନୀର ରାଜ୍ୟ ସଭାପତି ପଣ୍ଡିତ ମାତୃପ୍ରସାଦ ମିଶ୍ର କହିଛନ୍ତି ।