10-Nov-2024

ସମ୍ବଲପୁର/ହୀରାକୁଦ(ସଂଜୀବ କୁମାର ପାଣିଗ୍ରାହୀ)- ଅଞ୍ଚଳ ରେ  ରହିଥିବା ରକ୍ତ ଅଭାବକୁ ଦୃଷ୍ଟିରେ ରଖି ହୀରାକୁଦ ଠାରେ ଥିବା ଶକ୍ତି କ୍ଲବ୍ ପକ୍ଷରୁ ଆଜି ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଅଛି । ବିଶିଷ୍ଟ ଭଲିବଲ ଖେଳାଳି ତଥା ସମାଜସେବୀ ପ୍ରଫୁଲ୍ଲ ରାଉତରାୟ ଙ୍କ ସ୍ମୃତି ରେ ତାଙ୍କର ୪୪ତମ ଶ୍ରାଦ୍ଧ ବାର୍ଷିକୀ ଉପଲକ୍ଷେ ଆୟୋଜିତ ହୋଇଥିବା ଏହି ରକ୍ତଦାନ ଶିବିର ରେ ୧୧୧ ୟୁନିଟ ରକ୍ତ ସଂଗ୍ରହ ହୋଇଥିଲା । 

ସମ୍ବଲପୁର ବିଧାୟକ ଜୟ ନାରାୟଣ ମିଶ୍ର ଶିବିରରେ ମୂଖ୍ୟ ଅତିଥି ଭବେ ଯୋଗ ଦେଇ ରକ୍ତଦାତାଙ୍କୁ ଉତ୍ସାହିତ କରିବା ସହ ସେମାନଙ୍କୁ ସମ୍ମାନିତ କରିଥିଲେ । ହିଣ୍ଡାଲକୋର ବହୁ ଉଚ୍ଚପଦସ୍ଥ ଅଧିକାରୀଙ୍କ ସମେତ ସମୀର ରଞ୍ଜନ ବାବୁ, ବାଲଗୋପାଲ ମିଶ୍ର, ଜଗଦୀଶ ମିଶ୍ର, ପ୍ରଦିପ ରାଉତରାୟ, ଅନୁପ ମିଶ୍ର, ଜଗନ୍ନାଥ ଚୌଧୁରୀ ଓ ଅଞ୍ଚଳ ର ଅନେକ ସ୍ଵେଚ୍ଛାସେବୀ ଏହି ଶିବିର ରେ ଯୋଗଦେଇ ରକ୍ତଦାତାଙ୍କୁ ଉତ୍ସାହିତ୍ କରିଥିଲେ ।