10-Nov-2024

ବଲାଙ୍ଗୀର(ପ୍ରେରଣା ଖବର): ଆଜି 'ଅଶ୍ରୁ' ବଲାଙ୍ଗୀର ଜିଲ୍ଲାର ବାର୍ଷିକ ସମ୍ମିଳନୀ ସ୍ଥାନୀୟ ଏଡିଫିସ୍ ମଣ୍ଡପ  ଠାରେ ଅନୁଷ୍ଠିତ ହୋଇଯାଇଛି। ଏହି ବାର୍ଷିକ ସମ୍ମିଳନୀରେ ସଂଗଠନର ବାର୍ଷିକ କାର୍ଯ୍ୟର ସମୀକ୍ଷା କରାଯାଇଥିଲା ଏବଂ ବାର୍ଷିକ ଆୟବ୍ୟୟର ହିସାବ ଉପସ୍ଥାପନା କରାଯାଇ ଗୃହୀତ କରା ଯାଇଥିଲା। ଏହି ସମ୍ମିଳନୀକୁ ଜିଲ୍ଲା ସଭାପତି ସାଥି ସିଦ୍ଧାର୍ଥ ମିଶ୍ର, ଜିଲ୍ଲା ଉପସଭାପତି ମନୋଜ ପସାୟତ, ରାଜ୍ୟ ଉପସଭାପତି ଅନିରୁଦ୍ଧ ମହାପାତ୍ର ପରିଚାଳନା କରିଥିଲେ। ଜିଲ୍ଲା ସମ୍ପାଦକ ବାପୁନି କୁମାର ସାହୁ ସମ୍ପାଦକୀୟ ବିବରଣୀ ପରିବେଷଣ କରିଥିଲେ। ଜିଲ୍ଲା କୋଷଧ୍ୟକ୍ଷ ସତ୍ୟନାରାୟଣ ରଥ ଆୟବ୍ୟୟ ର ହିସାବ ରଖିଥିଲେ। ରାଜ୍ୟ ଯୁଗ୍ମ ସାଧାରଣ ସମ୍ପାଦକ ଭାସ୍କର ମିଶ୍ର କାର୍ଯ୍ୟକ୍ରମରେ ଉପସ୍ଥିତ ରହି ନିଜ ବକ୍ତବ୍ୟ ରଖିଥିଲେ। ମୁଖ୍ୟ ଅତିଥି ଭାବେ ଓଶ୍ରୁ ର ରାଜ୍ୟସଭାପତି ମହେନ୍ଦ୍ର ସାହୁ ଓ ରାଜ୍ୟ ସମ୍ପାଦକୀୟ ମଣ୍ଡଳୀ ସଦସ୍ୟ ପ୍ରତ୍ୟୁଷ ମିଶ୍ର ରାଜ୍ୟ ଏବଂ କେନ୍ଦ୍ର ସରକାରଙ୍କ ବିଭିନ୍ନ ଶ୍ରମିକମାରଣ ନୀତି ଉପରେ ଆଲୋକପାତ କରି ଵକ୍ତବ୍ୟ ରଖିଥିଲେ। ମେଡିକାଲ ରେପ୍ରେଜେଣ୍ଟଟିଭ ମାନେ କାର୍ଯ୍ୟକ୍ଷେତ୍ରରେ ଭୋଗୁଥିବା ଦୈନନ୍ଦିନ ଅସୁବିଧା ଉପରେ ଆଲୋଚନା କରାଯାଇଥିଲା। ଏହି ସମ୍ମିଳନୀରେ ଆଗାମୀ ବର୍ଷ ପାଇଁ ନୂତନ ଜିଲ୍ଲା କମିଟି ଗଠନ କରାଯାଇଛି। ସଭାପତି ଭାବେ ସାଥି ବିକାଶ ପାତ୍ର, ଉପସଭାପତି ଭାବେ ସାଥି ମନୋଜ ପସାୟତ, ଜିଲ୍ଲା ସମ୍ପାଦକ ସାଥି ବାପୁନି କୁମାର ସାହୁ ଏବଂ କୋଷାଧ୍ୟକ୍ଷ ଭାବେ ସତ୍ୟ ନାରାୟଣ ରଥ, ଜିଲ୍ଲା କାର୍ଯ୍ୟକାରିଣୀ ସଦସ୍ୟ ଭାବେ ସୁରୁଲାଲ ମଟlରୀ, ସତାବନ ସାହୁ, ଭାରତ ଶତପଥି, ରଘୁନାଥ ନାୟକ, ସୁଶାନ୍ତ ମିଶ୍ର, ସୁନୀଲ କୁମାର ପଣ୍ଡା, ଗିରିଶ ମିଶ୍ର, ଆକାଶ ମିଶ୍ର ସୁଧାଂଶୁ ଶେଖର ଦାସ, ଆମରନାଥ ପଲେଇ ଓ  ଲୋପନ ମିଶ୍ର ସର୍ବସମ୍ମତିରେ ନିର୍ବାଚିତ ହେଇଥିଲେ।