08-Nov-2024

ସୋନପୁର, ତା ୯/୧୧(ପ୍ରେରଣା ଖବର) :- ସଦର ବ୍ଳକ୍ ଅନ୍ତର୍ଗତ ସାହାରା ଟ୍ରଷ୍ଟ ଉଚ୍ଚ ବିଦ୍ୟାଳୟଠାରେ ସୋନପୁର ଏବଂ ତରଭା ବ୍ଲକର ସମସ୍ତ ଜୁନିଅର ରେଡ୍ କ୍ରସ୍ ପରାମର୍ଶଦାତା ମାନଙ୍କର ଏକ କର୍ମଶାଳା ଆୟୋଜିତ ହୋଇଯାଇଛି । ଜିଲ୍ଲା ରେଡ୍ କ୍ରସ୍ ଅଫିସର ରବିଚନ୍ଦ୍ର ପଶାୟତ ଙ୍କ ପରିଚାଳନାରେ ହୋଇଥିବା କାର୍ଯ୍ୟକ୍ରମରେ ସାହାରା ଟ୍ରଷ୍ଟ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ତଥା ଜିଲ୍ଲା ଜେ ଆରସି ଉପସଭାପତି ଗତିକୃଷ୍ଣ ମିଶ୍ର ଅଧ୍ୟକ୍ଷତା କରିଥିଲେ । ଏହି  କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଜିଲ୍ଲା ଶିକ୍ଷାଧିକାରୀ ଲକ୍ଷ୍ମଣ ଭୋଇ, ସମ୍ମାନୀତ ଅତିଥି ଭାବରେ ସୋନପୁର ଜବ୍ଳକ୍ ଶିକ୍ଷା ଅଧିକାରୀ ଲକ୍ଷ୍ମଣ ମିଶ୍ର, ବରିଷ୍ଟ ସାଧନ କର୍ମୀ ଝସକେତନ ମେହେର ଏବଂ ଚନ୍ଦ୍ର ଶେଖର ମହାପାତ୍ର   ପ୍ରମୁଖ ପ୍ରମୁଖ ଯୋଗ ଦେଇଥିଲେ l ସୋନପୁର ବିସିସି ଗୋପେଶ ପଣ୍ଡା ସ୍ୱାଗତ ଅଭିଭାଷଣ ପ୍ରଦାନ କରିଥିଲେ l ଉକ୍ତ ସଭାରେ ପ୍ରାଥମିକ ଚିକିତ୍ସା, ରକ୍ଷକ, ଏଚଆଇଭି/ଏଡସ୍ ରେଡ୍ କ୍ରସ୍ ଡାଟା ବେସ୍ ତଥା ଆଗାମୀ ଦିନରେ ହେବାକୁ ଥିବା ଜିଲ୍ଲାସ୍ତରୀୟ ଜୁନିଅର ରେଡ କ୍ରସର ଶିକ୍ଷା ଓ ତାଲିମ କର୍ମଶାଳା ବିଷୟରେ ଆଲୋଚନା ହୋଇଥିଲା l

ଏହି କାର୍ଯ୍ୟକ୍ରମରେ ଉଭୟ ବ୍ଲକର ମୋଟ ୫୨ଜଣ ଜେଆରସି ପରାମାର୍ଶ ଦାତା ଯୋଗ ଦେଇଲେ l ପରାମର୍ଶଦାତା ବନବାସ ମେହେର ସଭାକାର୍ଯ୍ୟ ସଂଯୋଜନା କରିଥିଲେ। ଶେଷରେ ତରଭା ବିସିସି ବିଜୟ କୁମାର ପଣ୍ଡା ଧନ୍ୟବାଦ ଅର୍ପଣ କରିଥିଲେ ।