06-Nov-2024

ବୀରମହାରାଜପୁର,( ବିନୋଦ ପାଣ୍ଡେ) :ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ତହସିଲ ଅନ୍ତର୍ଗତ ପିତାମହୁଲ  ପଞ୍ଚୟତର ଅନ୍ତର୍ଗତ ଦୁରଦୁରା ମହାନଦୀ ଘାଟରୁ ବିମ୍ବିତ ରାତ୍ରୀ ସମୟରେ ବେଆଇନ ଭାବେ ବାଲି ଚୋରାଚାଲାଣ ହେଉଥିଲା। ଏନେଇ ସୁବଳୟା ପୁଲିସ ଘଟଣାର ସ୍ଥଳରେ ପହଞ୍ଚି ୪ ହୱା ଜବତ କରିବା ସହ ବାଲି ଉଠାଣ କୁ ବନ୍ଦ କରିଥିଲା। ଫଲରେ  ଶରତ ପ୍ରଧାନ ଓ ବାଲି ଟେଣ୍ଡର ପାଇଥିବା ରଞ୍ଜିତ ଜେନା ମଧ୍ୟରେ ଗଣ୍ଡଗୋଳ ସୃଷ୍ଟି ହୋଇଥିଲା। ଏଥିରେ ଜେନା ଙ୍କୁ ହତ୍ୟା ଧମକ ଦେବା ସହ ଅସ୍ଲୃଲ ଭାଷାରେ ଗାଳିଗୁଲଜ କରିଥିଲେ। ଏବଂ ତାଙ୍କ ବେକରୁ ସୁନା ଚେନ ସହ ନଗଦ ୭୫୪୦ ଟଙ୍କା ନେଇ ଥିବା ସୁବଳୟା ଥାନା ଲିଖିତ ଅଭିଯୋଗ କରିଛନ୍ତି। ଏନେଇ ସୁବଳୟା ଥାନା କେସ ନମ୍ବର ୨୩୨ ରେ ଏକ ମାମଲା ରୁଜୁ ହୋଇଛି। ଶ୍ରୀ ଜେନାଙ୍କ କହିବା ଅନୁଯାୟୀ , ସ୍ଥାନୀୟ ପୁଲିସକୁ ଉକ୍ତ ବିଷୟରେ ଖବର ଦେଇଥିଲି।‌ ଥାନା ଅଧିକାରୀ ସୁଶାନ୍ତ କୁମାର ପ୍ରଧାନ ଉକ୍ତ ସ୍ଥାନରେ ପହଞ୍ଚି ବାଲି ଚୋରାଚାଲାଣ ବନ୍ଦ କରିଥିବା ବେଳେ ଅତି ସରଳାତା ସହ ସମସ୍ତ ଗାଡି ଗୁଡ଼ିକ ଛାଡ଼ିଦେଇ ଥିଲେ। ଏବଂ ବାଧ୍ୟ ହୋଇ ଶ୍ରୀଜେନା ସ୍ଥାନୀୟ ବିଧାୟକ ଓ ଜିଲ୍ଲା ଆରକ୍ଷୀ ଅଧିକ୍ଷକ ସହାୟତା ନେଇଥିଲେ। ଏସପି ଙ୍କ ନିର୍ଦ୍ଦେଶନକ୍ରମେ ତୁରନ୍ତ ଥାନା ଅଧିକାରୀ ସମସ୍ତ ଗାଡି ଜବତ କରି ଥାନା କୁ ଆଣିଥିଲେ। ଦୀର୍ଘ ଦୁଇ ଦିନ ପରେ କେସ ପଞ୍ଜିକରଣ କରିଥିଲେ। ତୁରନ୍ତ ଜିଲ୍ଲା ଆରକ୍ଷୀ ଅଧିକ୍ଷକଙ୍କ ଓ ଖଣି ଅଧିକାରୀ ଏଥିପ୍ରତି ଦୃଷ୍ଟି ଦେବା ସହ ବିହିତ ପଦକ୍ଷେପ ନେଇ ସମାଧାନ କରିବାକୁ ଦାବି ହେଉଛି।