05-Nov-2024

(ନିରଞ୍ଜନ ତ୍ରିପାଠୀ)-ଅଖିଳ ଓଡ଼ିଶା ବ୍ରାହ୍ମଣ ମହାସଭା ଆନୁକୁଲ୍ୟରେ ରାଜ୍ୟ ସ୍ତରୀୟ ସଭା ଭୁବନେଶ୍ବର ସ୍ଥିତ ଲିଙ୍ଗରାଜ ମନ୍ଦିର ନିକଟସ୍ଥ ଡାଲମିଆ ଧର୍ମଶାଳା ଠାରେ ଅନୁଷ୍ଠିତ ହୋଇଯାଇଛି।ପୁରୀରୁ ଆସିଥିବା ରାଜ୍ୟ ସଭାପତି ପର୍ଶୁରାମ ଦାସଜୀ ମହାରାଜଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ପ୍ରାରମ୍ଭରେ ଶ୍ରୀମଦ ଭଗବତ ଗୀତାର ଦ୍ୱାଦଶ ଅଧ୍ୟାୟ ସାମୁହିକ ପଠନ କରାଯାଇଥିଲା।ମହାସଚିବ ବ୍ରହ୍ମଚାରୀ ଶ୍ରୀ ହରି ଚରଣ ଦାଶ ସାଙ୍ଗଠନିକ ବିବରଣୀ ପାଠ କରି ଆଗନ୍ତୁକ ଅତିଥି ମାନଙ୍କୁ ସୁ-ସ୍ୱାଗତ ସଂଭାଷଣ ପ୍ରଦାନ କରିଥିଲେ। ଢେଙ୍କାନାଳ ଜିଲ୍ଲାର କାର୍ଯ୍ୟକାରୀ ସଭାପତି ପ୍ରେମାନନ୍ଦ ଦାଶ ବ୍ରାହ୍ମଣ ମାନଙ୍କ କୃତିତ୍ଵ ସମ୍ପର୍କରେ ଅଭିଭାଷଣ ପ୍ରଦାନ କରିଥିଲେ। ମହାସଭାର ରାଜ୍ୟ ଶାଖା ଶକ୍ତି ବାହିନୀ ଓ ପର୍ଶୁରାମ ବାହିନୀର ସାଂଗଠନିକ ସଂଚାଳନ ସମ୍ପର୍କରେ ବିଶଦ ଭାବରେ ଆଲୋଚନା ହୋଇଥିଲା। ବଲାଙ୍ଗୀର ନିବାସୀ ପଶ୍ଚିମାଞ୍ଚଳର ରାଜ୍ୟ ସଂଯୋଜକ ସିଦ୍ଧେଶ୍ୱର ପାଣିଗ୍ରାହୀ ଓ ଢେ଼ଙ୍କାନାଳ ଜିଲ୍ଲାର ପୂର୍ବାଞ୍ଚଳ ରାଜ୍ୟ ସଂଯୋଜକ ଆଶିଷ ମିଶ୍ର ସଂଗଠନ ସଂଚାଳନା ସମ୍ପର୍କରେ ମତବ୍ୟକ୍ତ କରିଥିଲେ। ଖୋର୍ଦ୍ଧା ଜିଲ୍ଲାର ରାଜ୍ୟ ପର୍ଶୁରାମ ବାହିନୀର ସଭାପତି ଡ଼: ଧିରେନ୍ଦ୍ର ନନ୍ଦ ଏବଂ ସମ୍ପାଦକ ଶୁଭେନ୍ଦୁ ଶତପଥୀ, ଶକ୍ତି ବାହିନୀର ସମ୍ପାଦିକା ଉଷାନ୍ତି ଲତା ହୋତା, ଦେବଗଡ଼ ଜିଲ୍ଲାର ବରିଷ୍ଠ ସଦସ୍ୟ ଶ୍ରୀମାନ ପୂର୍ଣ୍ଣଚନ୍ଦ୍ର ମିଶ୍ରଙ୍କ ସମେତ ବିଭିନ୍ନ ଜିଲ୍ଲାରୁ ଆସିଥିବା ପ୍ରତିନିଧି ଗଣ ସଂଗଠନ ଉପରେ ଆଲୋକପାତ କରିଥିଲେ। ବ୍ରାହ୍ମଣ ସମାଜ କଲ୍ୟାଣ, ଉତ୍ସର୍ଗୀକୃତ ସେବା ପାଇଁ ସମସ୍ତ ଜିଲ୍ଲାରୁ ଆସିଥିବା ବ୍ୟକ୍ତି ବିଶେଷଙ୍କୁ ସମ୍ମାନୀତ କରାଯାଇଥିଲା। ପଶ୍ଚିମ ଓଡିଶା ଦାୟିତ୍ବରେ ଥିବା ରାଜ୍ୟ ସଂଯୋଜକ ସିଦ୍ଧେଶ୍ୱର ପାଣିଗ୍ରାହୀଙ୍କୁ ଏ ଭବ୍ୟ ସଭାରେ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା।