05-Nov-2024

ଫୁଲବାଣୀ(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ ) ସାଧାରଣ ନିର୍ବାଚନ ପରେ ଭାରତୀୟ  ଜନତାପାର୍ଟି ଓଡିଶାରେ କ୍ଷମତା ହାସଲ କରିଛି, ଏହି ସାଧାରଣ ନିର୍ବାଚନରେ ବିଜେପିର ଫୁଲବାଣୀ ବିଧାୟକ ଭାବେ ଶ୍ରୀଯୁକ୍ତ ଉମାଚରଣ ମଲିକ ମଧ୍ଯ ବିଜୟ ହୋଇଥିବା ବେଳେ ବର୍ତ୍ତମାନ ଫୁଲବାଣୀ ବିଧାନସଭା କ୍ଷେତ୍ରରେ ରହିଥ‌ିବା ସମସ୍ତ ବ୍ଲକରେ ବିଧାୟକ ପ୍ରତିନିଧୂ ନିଯୁକ୍ତି ପ୍ରଦାନ କରିଛନ୍ତି, ଆଉ ଖଜୁରୀପଡା ବ୍ଲକର ସମସ୍ତ ସରକାରୀ ବିଭାଗ ପାଇଁ ବିଧାୟକଙ୍କ ପ୍ରତିନିଧ ଭାବେ ବରିଷ୍ଠ ବିଜେପି ନେତା ଅନନ୍ତ କୁମାର ଦିଗାଲଙ୍କୁ ବିଧାୟକ ଶ୍ରୀ ମଲିକ ସ୍ୱୀକୃତି ପ୍ରଦାନ କରିଛନ୍ତି , ଶ୍ରୀ ଦିଗାଲ ଦୀର୍ଘବର୍ଷ ଧରି ଖଜୁରୀପଡା ବ୍ଳକରେ ଜଣେ ଶୃଙ୍ଖଳିତ ବିଜେପି କର୍ମୀ ଭାବେ କାର୍ଯ୍ୟ କରିବା ସହ ଖଜୁରୀପଦା ବିଜେପି ମଣ୍ଡଳ ସଭାପତି ଓ କନ୍ଧମାଳ ଜିଲ୍ଲା ଅନୁସୂଚିତ ଜାତିମୋର୍ଚ୍ଚା ସଭାପତି ଭାବେ ମଧ୍ୟ ସୁଚାରୁରୂପେ ଦାୟିତ୍ଵ ସମ୍ପାଦନ କରିଛନ୍ତି ଓ ସେ ଜଣେ ସମାଜସେବୀ ଏବଂ ସାମ୍ବାଦିକତା କ୍ଷେତ୍ରରେ ଦିଗାଲ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରି ପାରିଥିବା  ବେଳେ ଦଳୀୟ ରାଜନୀତିରେ ତୃଣମୁଳ ସ୍ତରରୁ ରାଜ୍ୟସ୍ତରୀୟ ପର୍ଯ୍ୟନ୍ତ ତାଙ୍କର ମଧ୍ୟ୍ୟ ପରିଚୟ ରହିଛି  |  ତେଣୁ ତାଙ୍କ ଉପରେ ବିଧାୟକଙ୍କ ଆସ୍ଥା ଓ ବିଶ୍ୱାସ ପାଇଁ ଆଜି  ବ୍ଲକ ପ୍ରତିନିଧି ଭାବେ ବିଧାୟକ ମଲ୍ଲିକ ନିଯୁକ୍ତି ପ୍ରଦାନ କରିଛନ୍ତି  |  ଏହି ଖବର ଦଳୀୟ ମହଲରେ ପ୍ରଚାର ହେବା ପରେ ଅନେକ କର୍ମୀ ଏବଂ ଜନସାଧାରଣ ଅନନ୍ତ କୁମାର ଦିଗାଲଙ୍କୁ ଫୁଲତୋଡ଼ା ଉତ୍ତରୀୟ ଦେଇ ଶୁଭେଚ୍ଛା ଜଣାଇଥିଲେ |   ଆଉ ସେହିଭଳି ଭାବେ ବିଧାୟକ ପ୍ରତିନିଧୂ ଘୋଷଣା ପରେ ଶ୍ରୀ ଦିଗାଲ ବିଧାୟକ ଶ୍ରୀଯୁକ୍ତ ପୁକ୍ତ ଉମାଚରଣ ମଲିକଙ୍କୁ କୃତଜ୍ଞତା ଜ୍ଞାପନ କରିଥିବା ବେଳେ ଜିଲ୍ଲା ସଭାପତି ଜଗନ୍ନାଥ ସାହୁ, ବରିଷ୍ଠ ନେତା ଭଗବାନ ମହାନ୍ତି, ଲିଙ୍ଗରାଜ ଦଳବେହେରା, ଖଜୁରୀପଡା ମଣ୍ଡଳ ସଭାପତି ଦଶରଥ ସାହୁ, ସାଂସଦ ପ୍ରତିନିଧୂ ମନୋଜ କୁମାର ପଣ୍ଡା ସାଧାରଣ ସମ୍ପାଦକ ରଞ୍ଜନ କୁମାର କହଁର,  ଜିଲ୍ଲା ପରିଷଦ ସଦସ୍ୟା ଶ୍ରୀମତୀ ଉର୍ବଶୀ ଦିଗାଲ ପ୍ରମୁଖ ଶୁଭେଚ୍ଛା ଜଣାଇଛନ୍ତି  |  ସେହିଭଳି ସ୍ଵାସ୍ଥ୍ୟ ବିଭାଗ  ବିଭାଗ ପାଇଁ ବ୍ଲକ ପ୍ରତିନିଧ୍  ଭାବେ ଶ୍ରୀ ରାଇକିଶୋର ପ୍ରଧାନଙ୍କୁ ମାନ୍ୟବର ବିଧାୟକ  ଶ୍ରୀଯୁକ୍ତ ମଲିକ ନିଯୁକ୍ତି ପ୍ରଦାନ କରିଛନ୍ତି   |  ସାଧାରଣ ନିର୍ବାଚନ ପରେ ସାଂସଦ ଓ ବିଧାୟକଙ୍କ ସମସ୍ତ ପ୍ରତିନିଧୂଙ୍କ ନାମକୁ ସରକାରୀ ଭାବେ ଚିଠି ପ୍ରେରଣ ହେବା ପରେ,  ଭାରତୀୟ ଜନତାପାର୍ଟି ଏବଂ ଖଜୁରୀପଡା ବ୍ଲକର ସମସ୍ତ ସୁବିଧା ଅସୁବିଧାର ସମାଧାନ କରି ଲୋକଙ୍କର ନିକଟତର ହେବୁ ବୋଲି ପ୍ରତିନିଧୂ ମାନେ  ନିଜ ନିଜ ପ୍ରତିକ୍ରିୟାରେ କହିଛନ୍ତି |