18-Oct-2024

ଭୁବନେଶ୍ବର (ପ୍ରେରଣା ଖବର): ଏସୟୁଜେ ରାଜ୍ୟ କାର୍ଯ୍ୟକାରିଣୀ ବୈଠକ ଗୋଦାବରୀଶ ସାହିତ୍ୟ ସଂସଦ ଠାରେ ଅନୁଷ୍ଠିତ ହୋଇଯାଇଛି। ସଂଗଠନକୁ ସୁଦୃଢ କରିବା ପାଇଁ ଅନେକ ଗୁରୁତ୍ବପୂର୍ଣ୍ଣ ନିଷ୍ପତି ନିଆଯାଇଛି। କାର୍ଯ୍ୟକାରୀ ସଭାପତି ଭାବେ କୀର୍ତିଚନ୍ଦ୍ର ସାହୁଙ୍କୁ ଦାୟିତ୍ବ ଦେବାକୁ  ସର୍ବସମ୍ମତିକ୍ରମେ ଦାୟିତ୍ଵ ଦିଆଯିବାକୁ ନିଷ୍ପତି ନିଆଗଲା। ସେହିପରି କୋଷାଧ୍ଯକ୍ଷ ଭାବେ ଟୁନା ଜେନା ଓ ରାଜ୍ୟ କମିଟି ସଦସ୍ୟଭାବେ  ଗଂଜାମ ଜିଲ୍ଲାର ବରିଷ୍ଠ ସାମ୍ବାଦିକ ଲୋକନାଥ କର ଙ୍କୁ ରାଜ୍ୟ କମିଟିର  ସଦସ୍ୟ ଭାବେ  ଗ୍ରହଣ କରିବାକୁ ନିଷ୍ପତ୍ତି  ନିଆଗଲା। ଏହାସହ ସଭ୍ୟପଦ ନବୀକରଣ, ନୂତନ ସଭ୍ୟ ସଂଗ୍ରହ, ଅକ୍ଟୋବର ୨୫ରୁ ଡିସେମ୍ବର ୧୫ ମଧ୍ୟରେ  ଜିଲ୍ଲା କମିଟି ଗଠନ, ଡିସେମ୍ବର ମାସ ସୁଦ୍ଧା ନୂତନ ପରିଚୟ ପତ୍ର ବଣ୍ଟନ କରାଯିବା ପାଇଁ ନିଷ୍ପତ୍ତିଗ୍ରହଣକରାଗଲା। ଓଡିଶା  ରାଜ୍ୟରୁ ଜାତୀୟ  କମିଟିକୁ ସଦସ୍ୟ ଭାବେ ୩୬ଜଣଙ୍କ ନାମ ମନୋନୟନ କରି ପଠାଇବାକୁ ନିଷ୍ପତ୍ତି ନିଆଗଲା l
ଜାତୀୟ କାର୍ଯ୍ୟକାରିଣୀ କମିଟି ପାଇଁ ସଦସ୍ୟ ଚୟନ ଦାୟିତ୍ବ  ରାଜ୍ୟ  ସଭାପତି ଓ ସାଧାରଣ ସମ୍ପାଦକଙ୍କୁ ଦାୟିତ୍ବ ଦିଆଗଲା  ଭୁବନେଶ୍ବରରେ ରାଜ୍ୟ କାର୍ଯ୍ୟାଳୟ ଖୋଲିବାକୁ ନିଷ୍ପତି ନିଆଗଲା । 
 ଏସୟୁଜେ ସାମ୍ବାଦିକ  ସଂଗଠନକୁ ସୁଦୃଢ଼ କରିବା ପାଇଁ  ଓ ସଂଗଠନର ସ୍ବାର୍ଥ ଦୃଷ୍ଟିରୁ ରାଜ୍ୟ ସଭାପତି କୈଳାଶ ନାୟକଙ୍କୁ ଆଗାମୀ ୩ ବର୍ଷ  ପାଇଁ ପୁନର୍ବାର ସଭାପତି ଦାୟିତ୍ବ ବହନ କରିବା ପାଇଁ କମିଟି ପକ୍ଷରୁ ସର୍ବସମ୍ମତି ନିଷ୍ପତି ନିଆଗଲା l  କୋରାପୁଟ ଜିଲ୍ଲାର  ଜୟପୁର ଠାରେ ଆସନ୍ତା ଡିସେମ୍ବର ୮ତାରିଖ

ଦିନ ରାଜ୍ୟ କାର୍ଯ୍ୟକାରିଣି   ସମାବେଶ ଆୟୋଜନ କରିବାକୁ ନିଷ୍ପତି ନିଆଗଲା ।ଜିଲ୍ଲା କମିଟି ପୁର୍ନଗଠନ ପରେ ରାଜ୍ୟ ସ୍ତରୀୟ ସମାବେଶ କରିବାକୁ ଗୁରୁତ୍ବ ଦିଆଯାଇଥିଲା । ପ୍ରତ୍ୟେକ ବର୍ଷ ଫେବୃୟାରୀ ୧ ରୁ  ୧୦ ତାରିଖ ମଧ୍ୟରେ ରାଜ୍ୟ ସ୍ତରୀୟ ସମାବେଶ କରିବାକୁ ଆଲୋଚନା ହୋଇଥିଲା ।
ରାଜ୍ୟ ସଭାପତି କୈଳାସ ଚନ୍ଦ୍ର ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ  ବୈଠକରେ ରାଜ୍ୟ ସାଧାରଣ ସମ୍ପାଦକ 
ପ୍ରଶାନ୍ତ କୁମାର ପାଢୀ, ଏନୟୁଜେ ଆଇର ଜାତୀୟ ସମ୍ପାଦକ ବବୁଲ ସିଂ, କଲ୍ୟାଣପାଣ୍ଠି ଅଧ୍ୟକ୍ଷ ଗଗନ ବିହାରି ସାହୁ, ଟ୍ରିବୁନାଲ ଅଧ୍ୟକ୍ଷ ସନ୍ତୋଷ କୁମାର ମିଶ୍ର, ଉପସଭାପତି ବାସୁଦେବ ତ୍ରିପାଠୀ,  ରାଜ୍ଯ ସମ୍ପାଦକ ମହେନ୍ଦ୍ର କୁମାର ଦର୍ଜି, ସଂଗଠନ ସମ୍ପାଦକ ସନ୍ତୋଷ କୁମାର ସ୍ବାଇଁ,ସମ୍ପାଦକ ହେମାଙ୍ଗ ପ୍ରସାଦ ରାଉଳ,ଶିବାସିଷ ମହାନ୍ତି ଜାତୀୟ କମିଟି ସଦସ୍ୟ ପ୍ରୟାଗରାଜ କର, ମନୋରଂଜନ ପାଣି ଙ୍କ ସମେତ  ରାଜ୍ୟ ଓ ଜାତୀୟ କାର୍ଯ୍ୟକାରୀ  କମିଟି ସଦସ୍ୟମାନେ ଉପସ୍ଥିତ ଥିଲେ । ସେହିଭଳି ବଲାଙ୍ଗୀର ଜିଲ୍ଲାରୁ ଜିଲ୍ଲା ସାଧାରଣ ସମ୍ପାଦକ ଶରତ ମହାକୁଡ ଓ ଜିଲ୍ଲା ସମ୍ପାଦକ ରଘୁ ନନ୍ଦନ ସିଂହ ଉପସ୍ଥିତ ରହି ସୁଚିନ୍ତିତ ମତାମତ ଉପସ୍ଥାପନ କରିଥିଲେ l