14-Oct-2024

(ଡୋଲେଶ୍ୱର ବାଗ )
 ନୂଆପଡ଼ା ଜିଲ୍ଲା କୋମନା ବ୍ଲକ ତରବୋଡ ଗ୍ରାମ ଦୁର୍ଗା ପୂଜା କମିଟି ଉପଲକ୍ଷେ ଆୟୋଜିତ ହୋଇଥାଏ ଆନ୍ତ ରାଜ୍ୟ କବାଡି ପ୍ରତିଯୋଗିତା। ପ୍ରତି ବର୍ଷ ଭଳି ଚଳିତ ବର୍ଷ ମଧ୍ୟ ଏହି ଟୁର୍ଣ୍ଣାମେଣ୍ଟ ର ଆୟୋଜିତ ହେଉଥିଲା। ଆଜି ଫାଇନାଲ ଖେଳ ଅନୁଷ୍ଠିତ ହୋଇଅଛି। ମୃତ୍ୟୁ ଏମିତି ବି ଆସେ ଶୁଣିଲେ ବିଶ୍ୱାସ ହେଉନାହିଁ। ତରବୋଡ ଗ୍ରାମ ର ସାପ୍ତାହିକ ବଜାର ପ୍ରାଙ୍ଗଣ ରେ ପଡୋଶୀ ରାଜ୍ୟ ଛତିଶଗଡ଼ ମହାସମୁନ ଜିଲ୍ଲା ଡୁଡୁମଚୂଆଁ- ହାତିସରା ମଧ୍ୟରେ ଫାଇନାଲ ଖେଳ ଅନୁଷ୍ଠିତ ହେଉଥିଲା। ଡୁଡୁମଚୂଆଁ ଦଳର ଖଗେଶ୍ୱର ରାଠିଆ ନାମକ ୨୬ ବର୍ଷ ର ଖେଳାଳି  ନିଜ ରାଗ ଧରି ବିପକ୍ଷ ଦଳକୁ ଯାଇଥିଲେ। ସେଠାରେ ରାଗ ନେଇ ପ୍ରତ୍ୟାବର୍ତ୍ତନ କରୁଥିବା ବେଳେ ପଡିଆ ରେ ପଡ଼ି ଯାଇଥିଲେ। ତାଙ୍କୁ ତୁରନ୍ତ ତରବୋଡ଼ ସ୍ବାସ୍ଥ୍ୟ କେନ୍ଦ୍ର ରେ ପ୍ରାଥମିକ ଚିକିତ୍ସା ପରେ ନୂଆପଡ଼ା ଜିଲ୍ଲା ମୁଖ୍ୟ ସ୍ବାସ୍ଥ୍ୟ କେନ୍ଦ୍ର କୁ ସ୍ଥାନାନ୍ତର ହୋଇଥିଲେ। ସେଠାରୁ ତାଙ୍କ ମୃତ୍ୟୁ ହୋଇଥିଲା। ମୃତ୍ୟୁ କାରଣ ଅସ୍ପଷ୍ଟ ଥିବା ବେଳେ ଶବ ବ୍ୟବଚ୍ଛେଦ ପରେ ଜଣାପଡିବ ବୋଲି ପ୍ରକାଶ। ଫାଇନାଲ ଖେଳ ଆଉ ମାତ୍ର ୨.୩୦ ମିନିଟ ଖେଳ ବାକି ରହିଥିଲା। ଗୋଟିଏ ଖେଳାଳିଙ୍କ ଖେଳ ପଡିଆ ରେ ମୃତ୍ୟୁ ହେବା ନେଇ ଆୟୋଜକ କମିଟି ସହ ଅଞ୍ଚଳ ରେ ଶୋକର ଛାୟା ଖେଳି ଯାଇଅଛି। ଟୁର୍ଣ୍ଣାମେଣ୍ଟରେ ମୋଟ ୨୧ ଗୋଟି ଦଳ ଯୋଗ ଦେଇଥିଲେ।