14-Oct-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା  ପଦ୍ମପୁର ଉପଖଣ୍ଡ ଚିକିତ୍ସାଳୟରେ ପ୍ରୟାସ ପକ୍ଷରୁ ଶକ୍ତି ସ୍ୱରୂପା, ନାରୀ ଯେ ସର୍ବଦା ବନ୍ଦନୀୟ ଉପରେ ଏକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ନାରୀର ସ୍ଥାନ ଖୁବ ଉଚ୍ଚରେ ଝିଅଟିଏ ଜନ୍ମ ହେଲେ ଘର ଦୁଃଖ ନୁହେଁ ବରଂ ଖୁସି ଓ ଆନନ୍ଦରେ ଉତ୍ସବ ମୁଖର ହେବା ଉଚିତ ବୋଲି ବରିଷ୍ଠ ସ୍ତ୍ରୀ ଓ ପ୍ରସୂତି ରୋଗ ବିଶେଷଜ୍ଞ ଡା.ପ୍ରଭାତ ନାରାୟଣ ତ୍ରିପାଠୀ ମତବ୍ୟକ୍ତ କରିଛନ୍ତି।ଏଭଳି ସୁନ୍ଦର କାର୍ଯ୍ୟକ୍ରମ ସଭାପତି ପ୍ରକାଶ ମେହେରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା। ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ଡାକ୍ତର ପ୍ରଭାତ ନାରାୟଣ ତ୍ରିପାଠୀ ସ୍ତ୍ରୀ ଓ ପ୍ରସୂତି ବିଭାଗ ଉପଖଣ୍ଡ ଚିକିତ୍ସାଳୟ ଝିଅଟିଏ ଜନ୍ମହେଲେ କିଛି ପରିବାର ଦୁଃଖ ଅନୁଭବ କରନ୍ତି, ତାହା  ଠିକ୍‌ ନୁହେଁ। ନାରୀ ସ୍ନେହ, ଶକ୍ତି ଓ ଐଶ୍ୱର୍ଯ୍ୟାର ଆଧାର ବୋଲି ମତବ୍ୟକ୍ତ କରିଥିଲେ । ପ୍ରୟାସ ର ସଭାପତି ଓ ସମ୍ପାଦକ ନବମୀ ଦିନ ଜନ୍ମ ଗ୍ରହଣ କରିଥିବା ସୁକନ୍ୟା ଦ୍ୱୟଙ୍କୁ କିଛି ଫଳ ଉପହାର ପ୍ରଦାନ କରିଥିଲେ । ସମ୍ପାଦକ ଆମ ହିନ୍ଦୁ ସଂସ୍କୃତିର ଶାସ୍ତ୍ର ନାରୀଙ୍କୁ ଉଚ୍ଚ ସ୍ଥାନରେ ଅଧିଷ୍ଠିତ କରିଛି ଆଜି ତାର ପ୍ରତିଫଳନ ହୋଇଛି ବୋଲି ବକ୍ତବ୍ୟ ରଖିଥିଲେ । କାର୍ଯ୍ୟକ୍ରମରେ କୋଷାଧ୍ୟକ୍ଷ ବ୍ରଜମୋହନ ସାହୁ, ସରୋଜ ମେହେର, ଅଶୋକ ବହିଦାର, ରବୀନ୍ଦ୍ର ମେହେର, ଯୁଗ୍ମ ସମ୍ପାଦକ ସୁମନ୍ତ ସାହୁ, ଦିଲ୍ଲୀପ ବାରିକ, ପ୍ରମୋଦ ପଣ୍ଡା, ତୁଲାରାମ ସାହୁ ପ୍ରମୁଖ ଉପସ୍ଥିତ ଥିଲେ । ପରିଶେଷରେ ରଘୁନାଥ ପୁରୀ ଧନ୍ୟବାଦ ପ୍ରଦାନ କରିଥିଲେ ।