11-Oct-2024

ବରଗଡ଼/ବିଜେପୁର:(ନିରଞ୍ଜନ ତ୍ରିପାଠୀ)-ସମଗ୍ର ଦେଶ ପବିତ୍ର ଦଶହରା ପର୍ବ ଉପଲକ୍ଷେ ଚଳଚଞ୍ଚଳ ଥିବା ବେଳେ ବରଗଡ଼ ଜିଲ୍ଲା ବିଜେପୁର ସହରରେ ଖୁବ୍ ଉତ୍ସାହ ଓ ଆନନ୍ଦ ଉଦ୍ଦପନା ସହ ଶାରଦୀୟ ଦୂର୍ଗାପୂଜା ପାଳନ ହେଉଛି। ଏକ୍ରମରେ ୨ୟ ରାଜ୍ୟ ସ୍ତରୀୟ ଦ୍ୱୀ-ଦିବସୀୟ ଫୁଟବଲ ଟୁର୍ଣ୍ଣାମେଣ୍ଟ ସ୍ଥାନୀୟ ଗୁରୁବାରୀ ମିର୍ଦ୍ଧା ମିନି ଷ୍ଟାଡିୟମ,ଏମ୍-ଗଣ୍ଡପାଲି ଠାରେ ଅମରଦୀପ ଯୁବକ ସଂଘ, ଏମ୍-ଗଣ୍ଡପାଲି ଆନୁକୁଲ୍ୟରେ ଆଜି ଆୟୋଜିତ ହୋଇଛି। ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ବିଜେପୁର ସରପଞ୍ଚ ସଂଘର ସଭାପତି ତଥା ସମାଜସେବୀ ଶ୍ରୀମତୀ ସବିତା ସାହୁ ଏବଂ ସମ୍ମାନୀତ ଅତିଥି ଭାବେ ବୁଡାପାଲି ସମିତି ସଭ୍ୟ ଶ୍ରୀଯୁକ୍ତ ଜୟକୃଷ୍ଣ ଡନସନା ଯୋଗଦାନ କରି ଅନୁଷ୍ଠିତ ଟୁର୍ଣ୍ଣାମେଣ୍ଟକୁ ଉଦଘାଟନ କରି ଖେଳାଳି ମାନଙ୍କ ମନୋବଳ ବଢ଼ାଇବା ସହ ଉତ୍ସାହିତ କରିଥିଲେ।

ପ୍ରଥମ ଦିବସରେ ବରଗଡ଼ ୟୁନାଇଟେଡ଼, ସୁନ୍ଦରଗଡ଼ ର ଦୋସ୍ତି ବ୍ରଦର୍ସ, କୁଚିଣ୍ଡା ମହାବୀର ସ୍ପୋଟିଙ୍ଗ୍ ଏବଂ ରାଉରକେଲା କିସାନ୍ ବ୍ରଦର୍ସ ମଧ୍ୟରେ ପର୍ଯ୍ୟାୟ କ୍ରମେ ଫୁଟବଲ ହୋଇଥିବା ବେଳେ, ଆସନ୍ତାକାଲି ବଲାଙ୍ଗିର ମୈାସୁମ ୱାରିଅରସ୍, ରେଙ୍ଗାଲି ଏଫସି(ସମ୍ବଲପୁର), ଝାରସୁଗୁଡ଼ା ଝାଡେଶ୍ୱର କ୍ଲବ ଏବଂ ସୋନପୁର ର ରାମଧୂନ କ୍ଲବ ମଧ୍ୟରେ ରୋଚକ ଫାଇନାଲ ମ୍ୟାଚ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି। ବର୍ତ୍ତମାନ ସମୟରେ ଲୁକ୍କାୟିତ ଫୁଟବଲ ମ୍ୟାଚ ଜିବିତ ହୋଇ ରହିଥିବାରୁ ବରଗଡ଼ ଜିଲ୍ଲାର ବିଭିନ୍ନ ପ୍ରାନ୍ତରୁ ଫୁଟବଲ ପ୍ରେମୀଙ୍କ ଭିଡ଼ ଲାଗିରହିଥିବା ଦେଖିବାକୁ ମିଳିଛି। ଆଜି ଷ୍ଟାଡିୟମରେ ଖଚାଖଚ ଦର୍ଶକଙ୍କ ଭିଡ଼ ଦେଖିବାକୁ ମିଳିଥିଲା।