09-Oct-2024

ବଲାଙ୍ଗିର(ପ୍ରେରଣା ଖବର): ସ୍ଥାନୀୟ ସରକାରୀ ମହାବିଦ୍ୟାଳୟ ଠାରେ ଆଜି HIV AIDSକୁ ନେଇ ଏକ ସଚେତନତା ସଭା ଅନୁଷ୍ଠିତ ହୋଯାଇଅଛି, ଜିଲ୍ଲା ରେଡକ୍ରସ୍ ଆନୁକୁଲ୍ୟରେ ଅନୁଷ୍ଠିତ ଏହି ସଭାରେ ଜିଲ୍ଲା ସଂଯୋଜକ ଦଇତାରୀ ପୁଝାରୀ ମୁଖ୍ୟ ବକ୍ତା ଭାବେ ଯୋଗଦେଇ ପିଲାଙ୍କୁ ରେଡକ୍ରସ୍ ର ଇତିହାସ, ବିକାଶ ଉପରେ ବିସ୍ତୃତ ଭାବେ କହିବା ସହ AIDS ର ଭୟାଭୟତା ଓ ଏହାର ନିରାକରଣ ସକାଶେ କଣ କଣ ସବୁ ପଦକ୍ଷେପ ନେବା ଉଚିତ୍ ପ୍ରାଞ୍ଜଳ ଭାବେ ବୁଝାଇଥିଲେ, ଏହା ସହ ରେଡକ୍ରସ୍ ସ୍ଵେଚ୍ଛାସେବୀ ହେଲେ ସରକାରୀ ସ୍ତରରେ କି କି ସୁବିଧା ମିଳିଥାଏ ପରାମର୍ଶ ଦେଇଥିଲେ |ଏଡ୍ ସ୍ କୁ ନେଇ ରୁଢ଼ିବାଦୀ ଓ ରକ୍ଷଣଶୀଳ ଚିନ୍ତାଧାରା ପରିହାର କରି ପରିବାର, ସାଙ୍ଗସାଥୀମାନଙ୍କ ସହ ଆଲୋଚନା କରିବାକୁ ଅନୁରୋଧ କରିଥିଲେ | ରକ୍ତ ଦାନ ମହତ ଦାନ ବିଷୟରେ ପିଲାଙ୍କୁ ବୁଝାଇଥିଲେ | ମହାବିଦ୍ୟାଳୟରେ ଏହି ବିଷୟକୁ ନେଇ ବିଭିନ୍ନ ପ୍ରତିଯୋଗିତାରେ ଅଂଶ ଗ୍ରହଣ କରିଥିବା ଛାତ୍ରଛାତ୍ରୀମାନଙ୍କୁ ମାନପତ୍ର ଓ ଟ୍ରଫି ପ୍ରଦାନ କରାଯାଇଥିଲା l ଅଧ୍ୟକ୍ଷ ଘନଶ୍ୟାମ ବେହେରାଙ୍କ ସଭାପତିତ୍ବରେ ଅନୁଷ୍ଠିତ ଏହି ସଭାରେ ଡ଼. ଅମୃତ ସିଂ ବରିହା, ଉଦ୍ଦେଶ୍ୟ ଜ୍ଞାପନ କରିଥିବାବେଳେ  ହୃଷୀକେଶ ଦାସ ଧନ୍ୟବାଦ୍ ଅର୍ପଣ କରିଥିଲେ |ଡ଼. କୌତୁକ ପନ୍ଦର ସଭା ସଞ୍ଚାଳନ କରିଥବା ବେଳେ ଡ଼. ଅଶୋକ କୁମାର ମହାରଣା ପୁରସ୍କାର ବିତରଣରେ ସାହାଯ୍ୟ କରିଥିଲେ |ଡ଼.ରମଣୀ ନାଏକ, କମଳାକାନ୍ତ କରାଲି, ବନ୍ଦନା ବାର୍, ମଚିନ ସାହୁ,ବିଶ୍ଵ ଭୂଷଣ ବିଶ୍ଵାଳ, ମଧୁସ୍ମିତା ମିଶ୍ର ପ୍ରମୁଖ ସାହାଯ୍ୟ ସହଯୋଗ କରିଥିଲେ |