08-Oct-2024

ବିନିକା(ହିମାଂଶୁ ଶେଖର ପୁଟେଲ): ବିନିକା ବ୍ଲକ ଅନ୍ତର୍ଗତ କୌଡ଼ିଆମୁଣ୍ଡା ଠାରେ କଂଗ୍ରେସ ଦଳର ଏକ ଗୁରୁତ୍ତ୍ୱପୂର୍ଣ୍ଣ ବୈଠକ ରବିବାର ଅନୁଷ୍ଠିତ ହୋଇଥିଲା।ବ୍ଲକ ସଭାପତି ରବୀନ୍ଦ୍ର ହୋତାଙ୍କ ଅଧ୍ୟକ୍ଷତା ଓ ରାଜ୍ୟ କିସାନ ସେଲ ସମ୍ପାଦକ ସପାନେଶ୍ୱର୍ ପୃଷ୍ଟିଙ୍କ ପରିଚାଳନାରେ  ଅନୁଷ୍ଠିତ ଏହି ବୈଠକରେ ବହୁ କଂଗ୍ରେସ କର୍ମୀ ଯୋଗ ଦେଇଥିଲେ ।ଚଳିତ ସାଧରଣ ନିର୍ବାଚନରେ ସୋନପୁର ଓ ବୀରମହାରାଜପୁର ବିଧାନସଭା ଆସନରେ ଦଳର ପରାଜୟ କେଉଁ କାରଣରୁ ହେଲା ସେ ଉପରେ ଆଲୋଚନା ହୋଇଥିଲା ।ଏଥିରେ ମୁଖ୍ୟ ଅତିଥି ଭାବେ ଜିଲ୍ଲା ପରିଷଦ ସଦସ୍ୟ ଲବ କୁମାର ସାହୁ ଯୋଗଦେଇ ଅତୀତରେ ଘଟି ଯାଇଥିବା ଘଟଣାକୁ ଭୁଲି ଯାଇ କଂଗ୍ରେସ ଦଲର ନୀତି,ଆଦର୍ଶରେ ଅନୁପ୍ରାଣୀତ ହୋଇ ଆଗାମୀ ଦିନରେ ସଂଗଠନ କୁ ତୃଣମୂଳ ସ୍ତରରୁ ମଜଭୁତ କରିବାକୁ ଉପସ୍ଥିତ କର୍ମୀ ମାନଙ୍କୁ ଆହ୍ବାନ ଦେଇଥିଲେ ।ସେହିପରି ଆଗକୁ ହେବାକୁ ଥିବା ପୌର ଓ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ରେ ଦଳୀୟ ପ୍ରାର୍ଥୀ ଯେପରି ସଫଳତା ପାଇବେ ସେ ଦିଗରେ  ଏବେ ଠାରୁ ଲୋକଙ୍କ ସହିତ ଯୋଡି ହୋଇ ରହିବାକୁ ପରାମର୍ଶ ଦିଆଯାଇଥିଲା ଅନୁଷ୍ଟିତ ଏହି କାର୍ଯ୍ୟକ୍ରମରେ ଉଲୁଣ୍ଡା ବ୍ଲକ ସଭାପତି ପ୍ରଭୁଦତ୍ତ ବସ୍ତିଆ,ବିନିକା ନଗର କଂଗ୍ରେସ ସଭାପତି ଉମାକାନ୍ତ ଦୀପ,ଜିଲ୍ଲା ସାଧାରଣ ସଂପାଦକ କୃଷ୍ଣଚନ୍ଦ୍ର ପଧାନ,ବଶିଷ୍ଠ କଂଗ୍ରେସ ନେତା ନରେନ୍ଦ୍ର ସାହୁ,ବିଶ୍ଵନାଥ ନେଗି, ଅନନ୍ତ କର୍ଣ୍ଣ,ସୁନିଲ ପଧାନ, ବୁଲୁ ବାରିକ ପ୍ରମୁଖ ଯୋଗ ଦେଇ ବକ୍ତବ୍ୟ ପ୍ରଦାନ କରିଥିଲେ l ଏହି ଅବସରରେ ବ୍ଲକ ତଥା ବିଭିନ୍ନ ପଞ୍ଚାୟତରୁ ଆସିଥିବା ସଭାପତି ମାନଙ୍କୁ ଉପଢ଼ୌକନ ଦେଇ ସମ୍ବର୍ଦ୍ଧିତ କରାଯାଇଥିଲା l ଶେଷରେ ବିକାଶ ପଣ୍ଡା ଧନ୍ୟବାଦ ଦେଇଥିଲେ l