03-Oct-2024

ସୁବର୍ଣ୍ଣପୁର  (ମନୋରଞ୍ଜନ ତ୍ରିପାଠୀ )
 ସୋନପୁରର ଇଷ୍ଟଦେବୀ ମାଁ ସୁରେଶ୍ଵରୀ ଓ ସହରର ସର୍ବପୁରାତନ ଶକ୍ତି ପୀଠ ମା ଭଗବତୀ ପବିତ୍ର ମହାଳୟା ତିଥି ରେ ଧବଳମୂଖୀ ବେଶରେ ଶ୍ରଦ୍ଧାଳୁଙ୍କୁ ଦର୍ଶନ ଦେଇଛନ୍ତି। ଏହି ଅବସରରେ ମାଁ ସୁରେଶ୍ଵରୀ ଓ ଭଗବତୀ ଙ୍କୁ ଧଳା ବସ୍ତ୍ର, ଆଭୁଷଣ ଓ ଫୁଲରେ ସୁ-ସଜ୍ଜିତ କରାଯାଇଥିଲା। ମାଁଙ୍କୁ ଧବଳମୂଖୀ ବେଶରେ ଦର୍ଶନ କଲେ ଗଙ୍ଗା ସ୍ନାନର ପୂଣ୍ୟ ମିଳିଥାଏ ବୋଲି ଶ୍ରଦ୍ଧାଳୁଙ୍କ ମଧ୍ୟରେ ବିଶ୍ଵାସ ରହିଛି। ଗତ କାଲି ମାଁଙ୍କ ଧବଳମୂଖୀ ବେଶ ଓ ଆଜି କାଳୀ ବେଶ ଦର୍ଶନ  ପାଇଁ ସୁରେଶ୍ଵରୀ ମନ୍ଦିରରେ ପ୍ରବଳ ଭିଡ ଲାଗିରହିଥିଲା। ହଜାର ହଜାର ଭକ୍ତ ମା ଙ୍କ ସନ୍ଧ୍ୟା ଆଳତୀ ବେଳେ ଉପସ୍ଥିତ ଥିବା ବେଳେ ମାଁଙ୍କ ଦର୍ଶନ ପାଇଁ ପୋଲିସ ଓ ମନ୍ଦିର କମିଟି ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି।