03-Oct-2024

ତୁଷୁରା (ପଞ୍ଚାନନ ନାଏକ) ବଲାଙ୍ଗୀର ଜିଲ୍ଲା ଗୁଡଭେଲାବ୍ଲକର ସମସ୍ତ ସ୍କୁଲ ଗୁଡିକରେ ଡ୍ରେସ ଓ ଜୋତା ବଣ୍ଟନ କରିବା ପାଇଁ ତୁଷୁରାର ଏକ ଘରୋଇ  ସଂସ୍ଥାକୁ ବଣ୍ଟନ ପାଇଁ ବ୍ଳକ ଶିକ୍ଷା ପ୍ରଶାସନ ମୌଖିକ ଦାୟିତ୍ବ ଦେଇଥିବା  ମହିଳା ସ୍ବୟଂ ସହାୟକ ଗୋଷ୍ଠୀର ସଦସ୍ଯା ମାନେ ଗୁଡଭେଲାବ୍ଲକ ଅଧ୍ୟକ୍ଷାଙ୍କ ଠାରେ ଅଭିଯୋଗ କରିଛନ୍ତି। ମହିଳା ସଶକ୍ତିକରଣ ଉପରେ ସରକାର ଦୃଷ୍ଟି ଦେଉଥିବା ବେଳେ କୁଆଡେ ୧୫ଲକ୍ଷ ଟଙ୍କା ପିସି ନେଇ ଉକ୍ତ ସଂସ୍ଥାକୁ  ଡ୍ରେସ ଓ ଜୋତା ବଣ୍ଟନ ଦାୟିତ୍ବ ଦିଆଯାଇଛି। ଏପରିକି କିଛି ସ୍କୁଲ ଏହି ଆଦେଶକୁ ଅବମାନନା କେଳେ ତାଙ୍କୁ ବ୍ଳକ ଶିକ୍ଷା ବିଭାଗ ପକ୍ଷରୁ ଚାପ ପ୍ରୟୋଗ କରାଯାଉଥିବା କିଛି ଶିକ୍ଷକ ନିଜ ନାମ ଗୋପନ ରଖିବା ସର୍ତ୍ତରେ ପ୍ରକାଶ କରିଛନ୍ତି। ଏନେଇ ଗୁଡଭେଲା ବ୍ଲକ ଶିକ୍ଷାଧିକାରୀ ରୁଷିଆ ମେହେରଙ୍କ ମୋବାଇଲ ନମ୍ବର କୁ ବହୁ ଥର ଫୋନ କରାଯାଇଥିଲେ ମଧ୍ଯ ଫୋନ ଉଠାଇ ନଥିବାରୁ ତାଙ୍କର ମତାମତ ନିଆଯାଇ ପାରି ନଥିଲା। ଏନେଇ ବ୍ଲକ ବିଡିଓ ସୌମ୍ୟକାନ୍ତ ବନଗୋଲା କହନ୍ତି ଯେ, କଣ ହୋଇଛି ପଚାରି ବୁଝି, ତା ଉପରେ ପଦକ୍ଷେପ ନିଆଯିବ। ଏନେଇ ଗୁଡଭେଲାବ୍ଲକ ଅଧ୍ୟକ୍ଷା ବେବୀ ଦୋରା କହନ୍ତି ଯେ, ମୁଁ ଅଭିଯୋଗ ପାଇଛି,  ଏନେଇ ବିଡିଓ ଓ ବିଇଓଙ୍କୁ ଜଣାଇଛି। ସେମାନେ କିଛି ଉତ୍ତର ଏବେ ପର୍ଯ୍ୟନ୍ତ ଦେଇ ନାହାଁନ୍ତି। ଏଥି ପ୍ରତି ବିଭାଗୀୟ ଉଚ୍ଚ କର୍ତ୍ତୃପକ୍ଷ ତୁରନ୍ତ ଦୃଷ୍ଟି ଦେଇ ବିହିତ ପଦକ୍ଷେପ ନେବାକୁ ସାଧାରଣରେ ଦାବୀ ହେଉଛି।