28-Sep-2024

ଅତାବିରା(ଆକାଶ ମିଶ୍ର): ଅତାବିରା ଏନ୍ ଏ ସି ୱାର୍ଡ ନମ୍ବର ୭ ସ୍ଥିତ  ଦୁର୍ଗା ଅଗ୍ରୱାଲଙ୍କ ଘରୁ ଚୋରି ହେବ ଘଟଣା ଅଞ୍ଚଳରେ ଚାନ୍ଚଲ୍ୟ ସୃଷ୍ଟି କରିଛି। ପୋଲିସ ସୂତ୍ରରୁ ଜଣ ପଡ଼ିଛି ଯେ ଗତ କାଲି  ସକାଳ ୯ଟା ୪୦ ରେ  ଘରେ ତାଲା ମାରି  ଦୁର୍ଗାଙ୍କ ସ୍ତ୍ରୀ ନିଜ ଏକ ସମ୍ପର୍କୀୟ ଘରକୁ ବୁଲି ଯାଇଥିଲେ । ଦୁର୍ଗା ଏବଂ ତାଙ୍କ ପୁଅ ନିଜ ନିଜ କାମରେ ବାହାରକୁ ଯାଇଥିଲେ । ।୧୧ ଟl ରେ ଯେତେବେଳେ ଦୁର୍ଗାଙ୍କ ସ୍ତ୍ରୀ ଘରକୁ ଫେରିଲେ   ଘରର ମୁଖ୍ୟ ଗେଟ ର ତାଲା ଭାଙ୍ଗି ପଡ଼ିଥିଲା ।ସେ ଭାବିଲେ  କାଳେ ତାଙ୍କ ପୁଅ ଆସି ଚାବି ନ ପାଇ ତଳ ଭାଙ୍ଗି ଘର ଭିତରକୁ ଯାଇଛନ୍ତି,ତେଣୁ ସେ ପୁଅ ର ନାମ ଧରି ଡାକି ଡାକି ଘରେ ପ୍ରବେଶ କରିଥିଲେ ।କିନ୍ତୁ ଭିତରେ କେହି ନଥିଲେ  । ଗୋଟିଏ ପରେ ଗୋଟିଏ  କୋଠା କୁ  ଯାଇ ନିଜ ପୁଅକୁ ଖୋଜିଥିଲେ ।କିନ୍ତୁ କିଛି ଉତ୍ତର ନ ପାଇବାରୁ ତାଙ୍କ ମନରେ ଆଶଙ୍କା ସୃଷ୍ଟି ହୋଇ ସେ କିଛି ସମୟ ଅବାକ୍ ହୋଇ ଯାଇଥିଲେ  ।ପରେ ସେ  ଆଲମାରୀ ଖୋଲା ପଡ଼ି ଜିନିଷପତ୍ର ସବୁ ଏପଟ ସେପଟ ପଡ଼ିଥିବା ଦେଖି  ଚୋରି ହୋଇଥିବା  ଜାଣିପାରି ପାଖ ପଡୋଶୀ ଙ୍କୁ  ଡାକି ଘର ର ସମସ୍ତ ଖୋଲା ପଡ଼ିଥିବା ଆଲମୀରା କୁ ଦେଖାଇ ଥିଲେ । ପରେ ପୁଅ  ଓ ସ୍ବାମୀ ଆସି  ସମସ୍ତ ଜିନିଷ ପତ୍ର ଯାଞ୍ଚ କରିବା ପରେ  ଦୁଇ ଭରି ସୁନା ର  ୪ ଟି ମାଳି,୫ ଟି ସୁନା ମୁଦି,୫ ଟି ନାକଫୁଲ, ଦୁଇ କିଲୋ ଓଜନର ଅଳଙ୍କାର ଓ ବିଭିନ୍ନ ସାମଗ୍ରୀ ଓ ନଗଦ ଏକ ଲକ୍ଷ ଦାଶ ହଜାର

ଟଙ୍କା ଚୋରି ହୋଇଥିବା  ଜାଣିଥିଲେ ଓ ଅତାବିରା ଥାନାରେ   ଅଭିଯୋଗ କରିଥିଲେ ।ଅଭିଯୋଗ କୁ ଭିତ୍ତି କରି ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ସମ୍ବଲପୁର  ଅନୁସନ୍ଧାନୀ ଦଳ ସହ ଅନୁସନ୍ଧାନୀ କୁକୁର କୁ ଡ଼କାଇଥିଲେ । ଅନୁସନ୍ଧାନୀ ଦଳ ପହଞ୍ଚିବା ପରେ କୁକୁର ଟି  ଘର ଚାରିପଟେ ବୁଲି ସିଧାସଳଖ ସର୍ଭିସ୍ ରାସ୍ତା ଦେଇ ଲାଦର ପାଲି ଛକ ପର୍ଯ୍ୟନ୍ତ ପହଞ୍ଚିଥିଲା ।ହେଲେ କିଛି ସୁରାକ ପାଇ ନଥିଲା  ।ପୁଣି ଆଜି ଅତାବିରା ଥାନା ଅଧିକାରୀ  ସୁକୁମାର ତ୍ରିପାଠୀ ,ଏସ ଡି ପି ଓ ବରଗଡ ପଦାର ବିନ୍ଦ ତ୍ରିପାଠୀ ଓ ଇନ୍ସପେକ୍ଟର ବୈଠାରୁ ସାହୁ ପହଞ୍ଚି  ତଦନ୍ତ ଜାରି ରଖିଛନ୍ତି ।