26-Sep-2024

କଣ୍ଟାମାଳ(ଜୟ କୁମାର ମହାରଣା): ପ୍ରକୃତିର ସୁରକ୍ଷା ପାଇଁ କଣ୍ଟାମାଳ ବ୍ଲକରେ ଆନ୍ତର୍ଜାତୀୟ ଅନୁଷ୍ଠାନ ବାଲରକ୍ଷl ଭାରତ ର ପ୍ରୟାସକୁ କଣ୍ଟାମାଳ ବିଧାୟକ କହ୍ନେଇ ଚରଣ ଡାଙ୍ଗ ଭୁୟସୀ ପ୍ରଶଂସା କରିଛନ୍ତି l ପ୍ରକୃତି ର ସୁରକ୍ଷା ଦିଗରେ ଅନୁଷ୍ଠାନ ପକ୍ଷରୁ କଣ୍ଟାମାଳ ବ୍ଲକରେ ବିଭିନ୍ନ କାର୍ଯ୍ୟକ୍ରମ ହୋଇଆସୁଅଛି l ଗତ ବର୍ଷ ୧୮ଗୋଟି ବିଦ୍ୟାଳୟ ରେ ୨୨୧୪ ଚାରା ରୋପଣ କରି ସ୍କୁଲ ପିଲା ଓ ଯୁବଗୋଷ୍ଟି ମାନଙ୍କ ଦ୍ବାରା ଗଛ ଲଗାଇ ଗଛ ପ୍ରତି ତାଙ୍କର ଭଲ ପାଇବା ଓ ନିବିଡ଼ତା କେମିତି ବଢିବ ସେଥିପାଇଁ  ଗଳ୍ପ କଥନ,ଆର୍ଟ ପ୍ରତିଯୋଗୀତା ଓ ରାକ୍ଷୀ ପୂର୍ଣ୍ଣିମା ଅବସରରେ ଗଛରେ ରାକ୍ଷୀ ବାନ୍ଧିବା ଭଳି କାର୍ଯ୍ୟକ୍ରମ କରି ତାଙ୍କୁ ଉତ୍ସାହିତ କରାଯାଇଥିଲା l ସେହିଭଳି ଏହି ବର୍ଷ ମଧ୍ୟ ମାଁ ପାଇଁ ଗଛଟିଏ କାର୍ଯ୍ୟକ୍ରମ ରେ ଗର୍ଭବତୀ ଓ ପ୍ରସୂତି ମାଆ ମାନଙ୍କୁ ୨୬୮ ଗୋଟି ଫଳଗଛ ବଣ୍ଟନ କରାଯାଇଛି l ୩ ଗୋଟି ବିଦ୍ୟାଳୟ ରେ ୨୭୪ ଗଛଲଗାଇବା ସହିତ ୨ଗୋଟି ହର୍ବାଲ ଗାର୍ଡେନ କରାଯାଇଛି l ଏହି ହର୍ବାଲ ଗାର୍ଡେନ ରେ ତୁଳସୀ,ଅଁଳା,ହଳଦୀ,ଡାଳିମ୍ବ,ଭୃଷଙ୍ଗ,ଘି କୁଁଆରି ଆଦି ବୃକ୍ଷରୋପଣ କରାଯାଇଛି l ପିଲା ଓ ଯୁବଗୋଷ୍ଟି ଏହିସବୁ ଓଷଧୀୟ ଗୁଣକୁ ବୁଝିପାରିବେ, ପ୍ରକୃତି ରୁ ପାଇପାରିବେ, ଗଛ ନ କାଟିବା , ଉଜୁଡ଼ା ଜଙ୍ଗଲର ପୁନରୁଦ୍ଧାର ଓ ବ୍ୟାପକ ଭାବେ ଗଛ ଲଗାଇବା ନିମନ୍ତେ ଆଉଏକ ଅଭିନବ କାର୍ଯ୍ୟକ୍ରମ "ଇ ଥରର ନୂଆଖାଇ ପ୍ରକୃତି ପାଇଁ" କାର୍ଯ୍ୟକ୍ରମ ମାନ୍ୟବର ବିଧାୟକ ଶ୍ରୀଯୁକ୍ତ କହ୍ନେଇ ଡାଙ୍ଗ ଙ୍କ ଠାରୁ  ଆରମ୍ଭ କରାଯାଇଛି l ବାଲରକ୍ଷl ଭାରତ ର କର୍ମୀ ବିଧାୟକ ଙ୍କୁ ତାଙ୍କ ସ୍ଵଗୃହ ରେ ଭେଟି ପୁଷ୍ପଗୁଚ୍ଛ ଦେଇ ସ୍ବାଗତ କରିବା ସହିତ ଏକ ଚାରା ପ୍ରଦାନ କରିଥିଲେ l ସେ ଖୁସି ହୋଇ ବ୍ୟାପକ ଭାବରେ ଗଛ ଲଗାଇବା, ଉଜୁଡ଼ା ଜଙ୍ଗଲ ର ପୁନରୁଦ୍ଧାର କରିବା,ଗଛ ର ସୁରକ୍ଷା ନେବା,ଖୋଲାରେ ଗାଈଗୋରୁ ନ ଛାଡ଼ିବା ସହ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବା ଏବଂ ବିଶେଷକରି ଶୀତଦିନେ ଚାରାସବୁ ଜଳସୁଷ୍କତା ପାଇଁ ମରୁଥିବାରୁ ସେହି ସମୟକୁ ସମସ୍ତେ ଧ୍ୟାନ ଦେବା ପାଇଁ ଆହ୍ଵାନ କରିଥିଲେ l