25-Sep-2024

ଅତାବିରା/ରେଙ୍ଗାଲିକ୍ୟାମ୍ପ(ଆକାଶ ମିଶ୍ର): ଗତକାଲି ଅପରାହ୍ନ   ଦୁଇ ଟାରେ  ଏକ ସଡ଼କ  ଦୁର୍ଘଟଣାରେ ପୁଣି ଏକ ଅମୂଲ୍ୟ  ଜୀବନ ଚାଲିଯାଇଛି । ପୋଲିସ ସୂତ୍ରରୁ ଜଣା ପଡ଼ିଛି ଯେ ଅତାବିରା ବ୍ଲକ ଲରାସରା  ପଞ୍ଚାୟତ  ଅନ୍ତର୍ଗତ  ଦୁମ୍ବେର ମୁଣ୍ଡା ଗାଆଁ ରେ  ରହୁଥିବା ଟିକେଶ୍ୱର୍  ଦେହେରୀ  (୫୨)  ଆଜି ଏକ ସାଇକେଲ ରେ ନିଜ ସ୍ତ୍ରୀ ଜୟନ୍ତୀ ଦେହେରି ଙ୍କ ସହ ବଜାର ପାଇଁ ଅତାବିରା କୁ ଆସୁଥିଲେ । ସରଣ୍ଡା / ଭୂଳିଆଡ଼ିହି ଛକରେ ପଛପଟୁ ଏକ ଅଜଣା ପିକ୍ ଅପ୍ ଧକ୍କା ଦେବା ଫଳରେ ସେ ଛିଟିକି ପଡ଼ି ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଥିବା ବେଳେ ସ୍ତ୍ରୀ ସାମାନ୍ୟ ଆହତ ହୋଇଥିବା ଜଣାପଡିଛି । ଖବର ପାଇ ଅତାବିରା ପୋଲିସ  ଘଟଣା ସ୍ଥଳକୁ ପହଞ୍ଚି ଶବ ବ୍ୟବଚ୍ଛେଦ ପାଇଁ ପଠାଇଥିଲେ ।ବ୍ୟବଚ୍ଛେଦ ପରେ   ପରିବାର ବର୍ଗଙ୍କୁ ମୃତ ଶରୀରକୁ ହସ୍ତାନ୍ତର କରିଥିଲେ ।   ଆହତ  ଜୟନ୍ତୀ ଙ୍କ ପ୍ରାଥମିକ ଚିକିତ୍ସା କରାଯାଇଥିଲା ।ପୋଲିସ ପକ୍ଷରୁ ତଦନ୍ତ ଜାରି ରହିଛି ।