25-Sep-2024

ଅତାବିରା/ରେଙ୍ଗାଲିକ୍ୟାମ୍ପ(ଆକାଶ ମିଶ୍ର): ଅତାବିରା ବ୍ଲକ  ସୋର୍ଣ୍ଣା  ସ୍ଥିତ ଅଷ୍ଟଶମ୍ଭୁ ମଧ୍ୟରେ ଅନ୍ୟତମ  ଶୈବ ପୀଠ ବାବା ସପନେଶ୍ୱର୍  ମନ୍ଦିରରେ ଗତକାଲି ସନ୍ଧ୍ୟାରେ ହୋଇଥିବା ବଜ୍ରପାତ ଯୋଗୁଁ ବଡ ଫାଟ ସୃଷ୍ଟି ହେବା ସହ  କଳସ କୁମ୍ଭ ଫାଟି ଯାଇଛି । ୫ଶହ ବର୍ଷରୁ ଉର୍ଦ୍ଧ୍ବ ଏହି ମନ୍ଦିର ଟି  ଅତାବିରା ବ୍ଲକ ଝିଲିମିଣ୍ଡା ପଞ୍ଚାୟତରେ ଅବସ୍ଥିତ। ଏହି ଶୈବ ପୀଠକୁ   ପ୍ରତ୍ୟେକ ସୋମବାର ତଥା  ପୂଣ୍ୟମାସ ଓ  ଶ୍ରାବଣ ମାସରେ  ହଜାର ହଜାର  ଶୈବଭକ୍ତଙ୍କ ସମାଗମ ହୋଇଥାଏ । ଲୋକଙ୍କର ଆସ୍ଥା ଓ ବିଶ୍ଵାସର ଏହି ଶୈବ ପୀଠର ଅନେକ କିମ୍ବଦନ୍ତୀ ରହିଛି । ବହୁ ପୁରୁଣା ମନ୍ଦିର ହେଲେ ମଧ୍ୟ ଆଜି ଯାଏ ଏହି ମନ୍ଦିର ଟି ନିର୍ମାଣ ହେବା ଦିନରୁ ଅକ୍ଷୁର୍ଣ୍ଣ ଅବସ୍ଥାରେ 

ରହିଥିଲା, କିନ୍ତୁ ଆଜି ବଜ୍ରପାତରେ  ଏହି ମନ୍ଦିରରେ ଫାଟ ହେବା ତଥା  କୁମ୍ଭ କଳସ ଫାଟି ଯିବା ନେଇ ଭକ୍ତଙ୍କ ମନରେ ଅସୁମାରୀ ଆଶଙ୍କା ସୃଷ୍ଟି ହୋଇଛି । ଏନେଇ ଜନସାଧାରଣରେ ଅନେକ ପ୍ରକାର ଚର୍ଚ୍ଚା, ଆଲୋଚନା  ଓ ସମାଲୋଚନା ଆରମ୍ଭ ହୋଇଯାଇଛି । ଅନେକ ପୂଜାରେ କିଛି ବ୍ୟତିକ୍ରମ ଯୋଗୁଁ ଏପରି ହୋଇଥିବା କହୁଥିବା ବେଳେ  ଅନେକ ଅନ୍ୟାୟ ଅତ୍ୟାଚାର ବଢ଼ିଥିବା ଯୋଗୁଁ  ଭଗବାନ ଶିବ କୋପ କରିଛନ୍ତି ବୋଲି  ମନରେ ଆଶଙ୍କା  ପ୍ରକଟ କରିଛନ୍ତି । ଭକ୍ତଙ୍କ ମଧ୍ୟରେ ଅନେକ ଗୁଜବ ସୃଷ୍ଟି ହୋଇ ଥିବା ବେଳେ ବାସ୍ତବବାଦୀ ମାନେ ଏହାର  ବୈଜ୍ଞାନିକ ତତ୍ତ୍ଵ ମଧ୍ୟ ଦର୍ଶାଉଛନ୍ତି। ତେବେ କାରଣ ଯାହା ବି ହେଉ  ଏହି ଘଟଣା ଅଞ୍ଚଳରେ ଆଲୋଡନ ସୃଷ୍ଟି କରିଛି ।