25-Sep-2024

ହରଭଙ୍ଗା(ଦେବବ୍ରତ ଦାଶଙ୍କ ରିପୋର୍ଟ):ବୋୖଦ୍ଧ ଜିଲାର ଅଧିଷ୍ଠାତ୍ରୀ ଦେବୀ ତଥା ପୁରୁଣାକଟକ ବାସିନୀ ବାଉଁଶ ରାଣୀ ମାଁ ଭୈରବୀଙ୍କ ପୀଠ ରେ  ମଙ୍ଗଳବାର ନିଶାର୍ଧ ରାତିରେ   ପାରମ୍ପରିକ ରୀତିନୀତି ଅନୁଯାଇ ଅଶ୍ୱିନ ମାସ ମୂଳଷ୍ଟମୀ ଠାରୁ ଗୁପ୍ତ ୧୬ ପୁଜା  ବା ଖଣ୍ଡାବସା  ପର୍ବ  ଆରମ୍ଭ ହୋଇଛି। ଅପରାହ୍ନ ଚାରିଟା ସମୟରେ ପୂଜକଙ୍କ ଘରୁ ମାଁ ଙ୍କ ପାଟଖଣ୍ଡା, ବିଜୟ ପ୍ରତିମା ଘଣ୍ଟ ଛତ୍ର ଧରି ବିରାଟ ପଟୁଆର ଶହ ସେବକ ପୂଜାରୀ ଓ ଭକ୍ତକୁ ନେଇ ସହର ପରିକ୍ରମା କରିବା ପରେ ମାଁ ଙ୍କ ମନ୍ଦିରରେ ଶୋଭାଯାତ୍ରା ପହଞ୍ଚିଥିଲା । ଶକ୍ତି ପୀଠରେ ୧୬ ଦିନ ପର୍ଯ୍ୟନ୍ତ ଦେବୀ ଙ୍କୁଗୁପ୍ତଭାବେ ପୂଜା କରାଯାଇଥାଏ। ଯାହାକି ଅନ୍ୟ କୌଣସି ଦେବୀ ପୀଠରେ ଦେଖାଯାଇ ନଥାଏ।ରାତ୍ରର ପ୍ରଥମ ପ୍ରହରରୁ ମଧ୍ୟରାତ୍ର ପର୍ଯ୍ୟନ୍ତ ମାଁ ଙ୍କ ପାରମ୍ପରିକ ରୀତିନୀତି ଅନୁସାରେ ପୂଜା ହୋଇଥାଏ। ୧୬ ଦିନ ପର୍ଯ୍ୟନ୍ତ ମନ୍ଦିର ପରିସରରେ ଭକ୍ତଙ୍କୁ ମା ଙ୍କୁ  ଦର୍ଶନ ମନା ଓ ଦର୍ଶନରେ ଆସିଥିବା ଭକ୍ତ ସାହାଡ଼ା ସୁନ୍ଦରୀ ମୂଳରେ ଦର୍ଶନ କରନ୍ତି l ଏହିଦିନ ଏହି ଅଂଚଳରେ ପୁଅଙ୍କ ମଙ୍ଗଳ ମନାସୀ ମାଁ ମାନେ ପୁଅ ଜିଉନ୍ତୀୟା କରିଥାନ୍ତି।ଏହି ପର୍ବ ନିଶାର୍ଦ୍ଧରେ ସମ୍ପୂର୍ଣ ଉପବାସରେ ମାଁ ଙ୍କ ପୀଠରେ ଢୋଲ ବାଦ୍ୟ ଶୁଭିଲା ପରେ ପୂଜା ଆରମ୍ଭ ହୋଇଥାଏ।ଦୀର୍ଘ ୧୬ ଦିନ ଧରି ଦେବୀ ଦର୍ଶନ ନିଷେଧ ଥିବାରୁ ନବମୀ ଠାରୁ ଦେବୀଙ୍କ କୃପା ଲାଭ କରିବା ପାଇଁ ଓଡ଼ିଶାର ବିଭିନ୍ନ ପ୍ରାନ୍ତରୁ ଭକ୍ତଙ୍କ ସମାବେଶ ହୋଇଥାଏ।ପ୍ରତିବର୍ଷ ଆଶ୍ୱିନ ମାସ ରେଦେବୀଙ୍କ ଷୋଳ ତନ୍ତ୍ର ଯନ୍ତ୍ର ପୂଜା ସୋତନ୍ତ୍ର ଓ ବିଶେଷ ରୀତିନୀତିରେ ଅନୁଷ୍ଠିତ ହୋଇଥାଏ।  ରାଜାରାଜୁଡା ଅମଳରୁ ଚାଲିଆସିଥିବାଏହି ଷୋଳପୂଜା ଆଶ୍ୱିନ ମାସ ମୂଳାଷ୍ଟମୀ ତିଥିରୁ ଆରମ୍ଭ ହୋଇ ଶୁକ୍ଳପକ୍ଷ ମହାଷ୍ଟମୀ ଦିନ ଶେଷ ହୋଇଥାଏ l ପରେ ନବମୀ ଦିନ ଠାରୁ ନବାହ୍ନ କ୍ଷୀରି ଭୋଗ ଲାଗି ପରେ  ମାଁ ଙ୍କ ନବଯୌବନ ବେଶ ରେ ଭକ୍ତଙ୍କୁ ଦର୍ଶନ ଦେଇଥାନ୍ତି l ଏବଂ ବିଜୟା ଦଶମୀରେ ପୀଠର ଦଶମୀ ପୂଜା ସହ ସାଧାରଣ ଭକ୍ତଙ୍କ ପାଇଁ ସାହାଣ ମେଳା ଦର୍ଶନ ହୋଇଥାଏ ବୋଲି ମନ୍ଦିର କମିଟି ପକ୍ଷରୁ ସୂଚନା ମିଳିଛି l