25-Sep-2024

ବରଗଡ ଜିଲ୍ଲା ଭଟଲି ବ୍ଲକ ଅନ୍ତର୍ଗତ ଭଟଲି ସରକାରୀ ହାଇସ୍କୁଲରେ ବ୍ଲକସ୍ତରୀୟ ବିଜ୍ଞାନ ସେମିନାର ଅନୁଷ୍ଠିତ ହୋଇଯାଇଛି। ବ୍ଲକ ଶିକ୍ଷା ଅଧିକାରୀ ଶ୍ରୀଯୁକ୍ତ ସରୋଜ କୁମାର ଭୁଏଙ୍କ ତତ୍ତ୍ୱାବଧାନରେ କୃତ୍ରିମ ବୁଦ୍ଧିମତ୍ତା  ବିଷୟବସ୍ତୁ ଉପରେ ଆଧାରିତ ସେମିନାରରେ ବ୍ଲକର ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ। କେଶାଇପାଲି ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟର ଛାତ୍ରୀ ଲୋପାମୁଦ୍ରା ସାହୁ ପ୍ରଥମ ଏବଂ ସତିହାରୀ ବାଳିକା ଉଚ୍ଚ ବିଦ୍ୟାଳୟ  ଭଟଲିର ଛାତ୍ରୀ ତମନ୍ନା କୁମାରୀ ରଣା ଦ୍ବିତୀୟ ସ୍ଥାନ ଅଧିକାର କରି ଜିଲ୍ଲାସ୍ତରୀୟ ବିଜ୍ଞାନ ସେମିନାରରେ ଅଂଶ ଗ୍ରହଣ କରିବା ପାଇଁ ମନୋନୀତ ହୋଇଛନ୍ତି।ବିଚାରକ ଭାବରେ ଦଧିବାମନ ମହାବିଦ୍ୟାଳୟ ଭଟଲିର ଅଧ୍ୟାପକ ଆଶିଷ ମହାନ୍ତି ଓ କମଗାଁ

ମହାବିଦ୍ୟାଳୟର ଅଧ୍ୟାପକ ଦେବଦତ୍ତ ନାଏକ ଯୋଗ ଦେଇଥିଲେ।ସିଆରସି ସି ସଞ୍ଜୟ ସାହୁ ମଞ୍ଚ ପରିଚାଳନା କରିଥିବା ବେଳେ ଶ୍ରବଣ ସାହୁ ଧନ୍ୟବାଦ ଅର୍ପଣ କରିଥିଲେ। କାର୍ଯ୍ୟକ୍ରମ ପରିଚାଳନାରେ ସିଆରସି ସି ସୁଦାମ ସାହୁ, ସୁଶାନ୍ତ ସୁନା, ବୀରେନ୍ଦ୍ର ପାଣ୍ଡେ, ଶୁକ୍ରୁ ଗର୍ଡିଆ, ରୋହିତ ମହାନନ୍ଦ, ସଞ୍ଜୟ ସାହୁଙ୍କ ସମେତ ବ୍ଲକର ସମସ୍ତ ସି ଆର ସିସି, ବିଜ୍ଞାନ ଶିକ୍ଷକ ଶିକ୍ଷୟିତ୍ରୀ ଏବଂ ବିଜ୍ଞାନ ମଞ୍ଚର ସଦସ୍ୟ ସକ୍ରିୟ ସହଯୋଗ କରିଥିଲେ।