23-Sep-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ଅଞ୍ଚଳ ମହାବିଦ୍ୟାଳୟ ପଦ୍ମପୁରର ସମ୍ମିଳନୀ ପ୍ରକୋଷ୍ଠରେ ଅଧ୍ୟକ୍ଷ ପ୍ରୋ. ଲଳିତ ମୋହନ ପଣ୍ଡାଙ୍କ ସଭାପତିତ୍ବରେ ଓଡ଼ିଶା ରାଜ୍ୟ ଉଚ୍ଚ ଶିକ୍ଷା ପରିଷଦ ଦ୍ବାରା ପ୍ରାୟୋଜିତ 'ଶିକ୍ଷାରେ କୃତ୍ରିମ ବୁଦ୍ଧିମତା' ଶୀର୍ଷକ ଉପରେ ଏକ ଜାତୀୟ ସଂପାନ ଅନୁଷ୍ଠିତ ହୋଇଯାଇଛି।  ସେପ୍ଟେମ୍ବର ୨୦ ଓ ୨୧ ଦୁଇ ଦିନ ଧରି ଚାଲିଥିବା ଜାତୀୟ ସଂପାନରେ ପ୍ରଥମେ ପ୍ରୋ. ପଣ୍ଡା ସମସ୍ତଙ୍କୁ ସ୍ବାଗତ ଜଣାଇ କୃତ୍ରିମ ବୁଦ୍ଧିମତା ଉପରେ ସଂକ୍ଷିପ୍ତ ଟିପ୍ପଣୀ ପ୍ରଦାନ କରିଥିଲେ। ସଂଯୋଜକ ଡଃ ତୁଷାରକାନ୍ତ ସାହୁ ଅତିଥି ପରିଚୟ ପ୍ରଦାନ କରିଥିଲେ। ସହ ସଂଯୋଜକ ଡଃ ଭେଙ୍କଟେଶ୍ୱର ମେହେର ସେମିନାର ର ଉଦ୍ଦେଶ୍ୟ ଜ୍ଞାପନ କରିଥିଲେ। NCERT ର ପୂର୍ବତନ ନିର୍ଦ୍ଦେଶକ ପ୍ରୋ. ହୃଷିକେଶ ସେନାପତି ମୁଖ୍ୟ ବକ୍ତା ଭାବରେ ଯୋଗ ଦେଇ କୃତ୍ରିମ ବୁଦ୍ଧିମତା କୁ ଜାତୀୟ ଶିକ୍ଷା ନୀତି ୨୦୨୦ ସହ ସଂଯୋଗ କରି ନିଜର ବକ୍ତବ୍ୟ ରଖିଥିଲେ। ମୁଖ୍ୟ ଅତିଥି ଭାବରେ ଦେବୀ ଅହଲ୍ୟା ବିଶ୍ଵବିଦ୍ୟାଳୟ ଶିକ୍ଷା ବିଭାଗର ର ପୂର୍ବତନ  ମୁଖ୍ୟ ପ୍ରୋ. ଦୟାନନ୍ଦ ସଂସନ୍ୱାଲ୍ ଯୋଗ ଦେଇ ଶିକ୍ଷାରେ କୃତ୍ରିମ ବୁଦ୍ଧିମତା ର ସୃଷ୍ଟି, ବିକାଶ, ପ୍ରୟୋଗ ଇତ୍ୟାଦି ଉପରେ ଉଦାହରଣ ମାଧ୍ୟମରେ ବର୍ଣ୍ଣନା କରିଥିଲେ। ସେ କୃତ୍ରିମ ବୁଦ୍ଧିମତା କିପରି ମାନବୀୟ ସୃଜନୀ ଶକ୍ତି କୁ ବିକଶିତ କରିବାରେ ବାଧା ସୃଷ୍ଟି କରୁଛି ତାହା ଆଲୋକପାତ କରି ଭବିଷ୍ୟତରେ ଏହା ଆମ ପାଇଁ ଏକ ଆହ୍ବାନ ବୋଲି ଯୁକ୍ତି ଦେଇଥିଲେ। ପରିଶେଷରେ ଆଇ. କ୍ୟୁ .ଏ.ସି.ର କୋର୍ଡ଼ିନେଟର ପ୍ରୋ. ନବକୃଷ୍ଣ ମିଶ୍ର ଧନ୍ୟବାଦ ଅର୍ପଣ କରିଥିଲେ। ଏହାକୁ ଅଧ୍ୟାପିକା ସସ୍ମିତା ମେହେର ପରିଚାଳନା କରିଥିଲେ। ଏହି କାର୍ଯକ୍ରମ ରେ ପ୍ରୋ. ମନୋଜ ସାକ୍ସେନା, ପ୍ରୋ. ରମାକାନ୍ତ ମହାଳିକ, ପ୍ରୋ. ରାଜଶ୍ରୀ ବରାଳ, ଡଃ ସୁଜାତା ଆଚାର୍ଯ୍ୟ, ପ୍ରୋ. ବାଞ୍ଛାନିଧି ପଣ୍ଡା ଙ୍କ ସମେତ ଅନ୍ୟାନ୍ୟ ଅତିଥି ଏବଂ ମହାବିଦ୍ୟାଳୟର ସଭାପତି ଗୋବିନ୍ଦ ଚନ୍ଦ୍ର ପାଣିଗ୍ରାହୀ, ପ୍ରାଧ୍ୟାପକ ଡଃ ବିରଞ୍ଚି ସାହୁ, ଖଗେଶ୍ୱର ଦାସ, ତାରା ପ୍ରସାଦ ଶତପଥୀ, ପ୍ରମୋଦ ତ୍ରିପାଠୀ, ସନ୍ତୋଷ ମିଶ୍ର ଙ୍କ ସହ ସମସ୍ତ ଅଧ୍ୟାପକ, ଅଧ୍ୟାପିକା, ଛାତ୍ରଛାତ୍ରୀ, ଅତିଥି ବୃନ୍ଦ, ଶିକ୍ଷାବିତ,ଓ ରାଜ୍ୟ ତଥା ରାଜ୍ୟ ବାହାରୁ ଆସିଥିବା ଗବେଷକ ଅଂଶ ଗ୍ରହଣ କରିଥିଲେ।ଏହି ଜାତୀୟ ସଂପାନ ର ପ୍ରଥମ ଦିନ ସମାପ୍ତି ପରେ ଅଧ୍ୟାପକ ଡ଼. ସରୋଜ କୁମାର ନାଏକ ଙ୍କ ନିର୍ଦ୍ଦେଶନା ରେ ମହାବିଦ୍ୟାଳୟ ଛାତ୍ରଛାତ୍ରୀ ଙ୍କ ଦ୍ଵାରା ସାଂସ୍କୃତିକ କାର୍ଯକ୍ରମ ଅନୁଷ୍ଠିତ ହୋଇଥିଲା।