19-Sep-2024

ଉଲୁଣ୍ଡା, ତା ୧୯/୯(ପ୍ରେରଣା ଖବର): ମାନବକଲ୍ୟାଣ ପାଇଁ ଉତ୍ସର୍ଗୀକୃତ, ସାହସ ଓ ତ୍ୟାଗ ର ଜ୍ୱଳନ୍ତ ଉଦାହରଣ ଭାରତୀୟ               ମୂଳବଂଶୋଭବ, ଆମେରିକୀୟ ମହାକାଶଚାରୀ ସୁନିତା ଓ୍ଵିଲିୟମସ ତାଙ୍କ 59 ତମ ଜନ୍ମଦିବସ କୁ ପ୍ରଥମ ଥର ପାଇଁ ପାଳନ କରିବେ ମହାକାଶ ରେ l ଭାରତ, ଆମେରିକା ସମେତ ସମଗ୍ର ବିଶ୍ୱ ରୁ ଛୁଟୁଅଛି ଶୁଭେଚ୍ଛା ର ସୁଅ l ସୁନିତା ଓ୍ଵିଲିୟମସ, ବଚ ଓ୍ଵିଲମୋର ଙ୍କ ସହ 5 ଜୁନ 2024 ରେ ମହାକାଶ କୁ ଯାତ୍ରା କରିଥିଲେ, ଯାନ୍ତ୍ରିକ ତ୍ରୁଟି ଯୋଗୁଁ ସେମାନେ ମହାକାଶ ରେ ଅଟକିଛନ୍ତି, ଆସନ୍ତା ଫେବୃଆରୀ 2025 ରେ ସେମାନଙ୍କୁ ପୃଥିବୀ କୁ ଫେରାଇ ଆଣିବା ପାଇଁ ନାଶା ଲକ୍ଷ୍ୟ ରଖିଛି l ଆଜି ତାଙ୍କରି ଜନ୍ମଦିନ ଅବସରରେ,ସୁବର୍ଣ୍ଣପୁର ଜିଲ୍ଲା, ଉଲୁଣ୍ଡା ବ୍ଲକ ମହଦା ପଂଚାୟତ କୁମାରକେଳି ଉଚ୍ଚ ପ୍ରାଥମିକ ବିଦ୍ୟାଳୟ ର ଛାତ୍ର ଛାତ୍ରୀ ଓ ଶିକ୍ଷକ ପାଳିଛନ୍ତି ସୁନିତା ଙ୍କ ଜନ୍ମଦିନ l ପ୍ରଧାନ ଶିକ୍ଷକ ହୃଷିକେଶ ଚାନ୍ଦ ଙ୍କ ସଭାପତିତ୍ବ ରେ ଆୟୋଜିତ ଏହି ଜନ୍ମତ୍ସବ ରେ ବିଦ୍ୟାଳୟ ର ଅବସର ପ୍ରାପ୍ତ ପ୍ରଧାନ ଶିକ୍ଷକ ନୀଳାଞ୍ଚଳ ବେହେରା ମୁଖ୍ୟ ଅତିଥି ରୂପେ ଯୋଗଦାନ କରିଥିଲେ l ଶିକ୍ଷକ ନରେନ୍ଦ୍ର ନାଗ ସ୍ୱାଗତ କରିଥିବା ବେଳେ, ଶିବରାମ ଚାନ୍ଦ ଧନ୍ୟବାଦ ଅର୍ପଣ କରିଥିଲେ l ଚିତ୍ରକର ପ୍ରଭାସ ମେହେର ଓ ସତ୍ୟ ନାରାୟଣ ମେହେର ସୁନିତା ଓ୍ଵିଲିୟମସ ଙ୍କ ପୋଟ୍ରେଟ ଚିତ୍ର ତଥା କେକ ର ମୋଡେଲ ନିର୍ମାଣ କରି ଏହି ଉତ୍ସବ କୁ ଜୀବନ୍ତ କରିଥିଲେ l

ଶିକ୍ଷକ ଭରତ ହରିପାଲ, ଦିଲ୍ଲୀପ ପଣ୍ଡା, ଅଚ୍ୟୁତ ରଣା ଏଥିରେ ସହଯୋଗ କରିଥିଲେ l ସୁନିତା ଙ୍କ ଲମ୍ବା ଜୀବନ କାମନା କରି, ଏହି ଶୁଭେଚ୍ଛା ବାର୍ତ୍ତା କୁ ତାଙ୍କରି ପାଖକୁ ପ୍ରେରଣ ପାଇଁ ଅନୁରୋଧ କରିଛନ୍ତି ଅନୁଷ୍ଠାନ ର କୁନି କୁନି ପିଲାମାନେ l