19-Sep-2024

ହରଭଙ୍ଗା: ୫୭ନମ୍ବର ଜାତୀୟ ରାଜପଥ ବୌଦ୍ଧ ଥାନା ଅନ୍ତର୍ଗତ ମତ୍ସ୍ୟ ବିଭାଗ କାର୍ଯାଳୟ ସମ୍ମୁଖରେ ମର୍ମନ୍ତୁଦ ସଡକ ଦୁର୍ଘଟଣା । ପାର୍କିଙ୍ଗରେ ଥିବା ଦୁଇଟି ପିକଅପ କୁ ଧକା ଦେଲା ଯାତ୍ରୀବାହୀ ସରକାରୀ ବସ । ଅଳ୍ପକେ ବର୍ତିଲେ ୪୦ଯାତ୍ରୀ ।  ସୂଚନା ଅନୁଯାୟୀ  ଭୁବନେଶ୍ୱରରୁ ଟିଟିଲାଗଡ଼ ଯାଉଥିବା ଏକ ସରକାରୀ ବସ ବିଳମ୍ବିତ ରାତିରେ ବୌଦ୍ଧ ମତ୍ସ୍ୟ ଅଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ ଦୁର୍ଘଟଣା ଗସ୍ତ ହୋଇଛି । ବସଟି ଭାରସାମ୍ୟ ହରାଇ ଦୁଇଟି ପିକଅପ ଭ୍ୟାନକୁ ପିଟିବା ସହ

ରାସ୍ତା କଡ଼ରେ ରହିଥିଲା । ଫଳରେ ବସରେ ଥିବା ୪୦ ଜଣ ଯାତ୍ରୀଙ୍କ ମଧ୍ୟରୁ ୨ ଜଣ ସାମାନ୍ୟ ଆହତ ହୋଇଥିବା ବେଳେ ସମସ୍ତ ଯାତ୍ରୀ ଅଳ୍ପକେ ବର୍ତ୍ତି ଯାଇଛନ୍ତି । ଆହତଙ୍କୁ ବୌଦ୍ଧ ମୁଖ୍ୟ ଚିକିତ୍ସାଳୟରେ ଚିକିତ୍ସା କରାଯାଇଥିବା ବେଳେ ସମସ୍ତ ଯାତ୍ରୀ ଅନ୍ୟ ଏକ ବସ ଯୋଗେ ନିଜର ଗନ୍ତବ୍ୟ ସ୍ଥଳକୁ ଯାଇଥିବା ଜଣାପଡିଛି । ସେପଟେ ପୋଲିସ ଘଟଣା ସ୍ଥଳରେ ପହଁଚି ନଥିବା ଜଣାପଡିଛି ।