17-Sep-2024

ଲୋଇସିଂହା, (ବିନୋଦ ଦୀପ) ଆଜି ଲୋଇସିଂହା ବ୍ଲକ ଅନ୍ତର୍ଗତ  କଲେଜ ପଡିଆ ଠାରେ ଜସ୍ୱସୀ ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଜି ଙ୍କ 74 ତମ ଜନ୍ମଦିନ ଅବସରରେ ଭରଚୁଆଲ ମୋଡ଼ ରେ ସୁଭଦ୍ରା ଯୋଜନା ର ଶୁଭାରମ୍ଭ ହୋଇଯାଇଛି l ଏହି ଅବସରରେ ବଲାଙ୍ଗୀର ପିଡି ଡିଆରଡ଼ିଏ ପ୍ରଭାତ ମହାପାତ୍ର ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ଲୋଇସିଂହା ବିଡ଼ିଓ ଅକ୍ଷୟପାଣି ଉଦ୍ଦୁ, ସିଡିପିଓ ଗାୟତ୍ରୀ ବାରିକ, ଜିପିଓ କିଶୋରଚନ୍ଦ୍ର ମାନସିଂହ, ଯୋଗାଣ ଅଧିକାରୀ ସୋମ୍ୟରଞ୍ଜନ ମହାନନ୍ଦ, ଏ. ଇ ସିଦ୍ଧାର୍ଥ ପାଢ଼ୀ ସମେତ ଅନେକ କର୍ମଚାରୀ ଯୋଗ ଦେଇଥିଲେ ଏହି ପରିପ୍ରେକ୍ଷୀରେ ଏମବିକେ, ଆଶା, ଅଙ୍ଗନବାଡି, ଏସଏଚଜି ମହିଳା ବହୁ ସଂଖ୍ୟାରେ ଯୋଗ ଦେଇଥିବା ବେଳେ ବିଜେପି ର ଲୋଇସିଂହା ବିଧାୟକ ତଥା କ୍ୟାବିନେଟ ମନ୍ତ୍ରୀ ଙ୍କ ଲୋଇସିଂହା ପ୍ରତିନିଧି ଗୌରାଙ୍ଗ ନାଏକ, ସାଂସଦ ପ୍ରତିନିଧି ବାଲକୃଷ୍ଣ ଧରୁଆ ସମେତ ବହୁ ସଂଖ୍ୟାରେ ବିଜେପି କର୍ମକର୍ତା ଉପସ୍ଥିତ ଥିଲେ l ଆଜିର କାର୍ଯ୍ୟକ୍ରମ ରେ ଅନେକ ମହିଳା ନିଜ ନିଜର ମତାମତ ରଖିବା ସହ କିଭଳି ସ୍ୱାବଲମ୍ବୀ ହେଲେ ସେ ବାବଦରେ ପ୍ରକାଶ କରିଥିଲେ l ଏହାସହ କେତେକ କୃତି ଛାତ୍ରଛାତ୍ରୀ ଙ୍କୁ ବିଡ଼ିଓ ଙ୍କ ଦ୍ୱାରା ପୁରସ୍କାର ବିତରଣ କରାଗଲା l ଯଶ୍ୱସୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜ ଜନ୍ମଦିନ ଅବସରରେ ସୁଭଦ୍ରା ଯୋଜନା ସହିତ ଅନେକ ଗୁଡିଏ ଜନକଲ୍ୟାଣୀ ଯୋଜନା ର ଶୁଭାରମ୍ଭ କଲେ l ଦଳିତ, ମହିଳା, ଆଦିବାସୀ ଙ୍କ ଉନ୍ନତି ସକାଶେ ସବୁବେଳେ ରହିବେ ବୋଲି ପ୍ରଧାନମନ୍ତ୍ରୀ ନିଜ ଅଭିଭାଷଣ ରେ ପ୍ରକାଶ କଲେ l