17-Sep-2024

ହରଭଙ୍ଗା (ଦେବବ୍ରତ ଦାଶ):-ସୁଭଦ୍ରା ଯୋଜନା ରେ ଉପକୃତ ହେଲେ ମହିଳା । ରାଜ୍ୟସରକାର ଆଜି ମହିଳାମାନଙ୍କୁ ସୁଭଦ୍ରା ଯୋଜନାର ପ୍ରଥମ କିସ୍ତି ପ୍ରଧାନ କରିଛନ୍ତି । ବର୍ଷ ରେ ଦୁଇଟି କିସ୍ତି ରେ ୧୦ହଜାର ଟଙ୍କା ପାଇବେ ବୋଲି ଆଜି ପ୍ରଥମ କିସ୍ତି ୫ହଜାର ଟଙ୍କା ରାଜ୍ୟ ସରକାର ପ୍ରଦାନ କରିଛନ୍ତି । ଜିଲ୍ଲାରେ ୯୧୬୨୭ଜଣ ହିତାଧିକାରୀଙ୍କ ସୁଭଦ୍ରା ଫର୍ମ ଗ୍ରହଣ ହୋଇଥିବା ବେଳେ ଏମାନଙ୍କୁ ମିଳିଛି ପ୍ରଥମ କିସ୍ତି ଟଙ୍କା । ଏଥିପାଇଁ ଜିଲ୍ଲାର ହରଭଙ୍ଗା, ବୌଦ୍ଧ, କଣ୍ଟାମାଳ ବ୍ଲକ ରେ ଏକ ସଭାର ଆୟୋଜନ କରାଯାଇ ସୁଭଦ୍ରା ଯୋଜନା ଲୋକାର୍ପଣ ଉତ୍ସବ ର ସିଧାପ୍ରସାରଣ କରାଯାଇଥିଲା । ହରଭଙ୍ଗା ବ୍ଲକ ଚାରିଛକ ହାଇସ୍କୁଲ ପଡିଆ ଠାରେ ହୋଇଥିବା ଏହି ସୁଭଦ୍ରା ଯୋଜନା

ଶୁଭାରମ୍ଭ କାର୍ଯ୍ୟକ୍ରମ ରେ ମୁଖ୍ୟ ଅତିଥିଭାବେ ଉପଜିଲ୍ଲାପାଳ ପ୍ରଭାସ ଚନ୍ଦ୍ର ଦଣ୍ଡସେନା,ସମ୍ମାନିତ ଅତିଥିଭାବେ ବ୍ଲକ ଅଧ୍ୟକ୍ଷା ସ୍ନେହଲତା ପ୍ରଧାନ, ବିଡ଼ିଓ ଶରତ କୁମାର ସେଠି, ତହସିଲଦାର ବିଭୁ ପ୍ରସାଦ ସିଂ, ଉପାଧ୍ୟକ୍ଷ କାଁହୁ ଚରଣ ନାଥ ଉପସ୍ଥିତ ରହି ସୁଭଦ୍ରା ଯୋଜନା ଉପରେ ମତ ରଖିଥିଲେ l

ଅନ୍ୟ ପଟେ ବ୍ଲକ ପ୍ରଶାସନ ପକ୍ଷରୁ ସ୍ୱଚ୍ଛତା ହିଁ ସେବା ଓ ପ୍ରଧାନମନ୍ତ୍ରୀ ଆବାସ ଯୋଜନା ରେ ବ୍ଲକର  ନୂତନ ହିତାଧିକାରୀଙ୍କୁ କାର୍ଯ୍ୟାଦେଶ ଜାରି ପ୍ରମାଣ ପତ୍ର ଏବଂ କାର୍ଯ୍ୟ ସଂପୂର୍ଣ୍ଣ କରିଥିବା ହିତାଧିକାରୀଙ୍କୁ ଗୃହ ପ୍ରବେଶ ଚାବି  ପ୍ରଦାନ କରାଯାଇଥିଲା l ଏହି ସମସ୍ତ କାର୍ଯ୍ୟକ୍ରମରେ ବ୍ଲକ ସ୍ତରୀୟ ସମସ୍ତ ଅଧିକାରୀ, crp, mbk, ଆଶାକର୍ମୀ, ଅଙ୍ଗନବାଡି କର୍ମୀ, ମିଶନ ଶକ୍ତି ଓ ହଜାର ହଜାର ମହିଳା ହିତାଧିକାରୀ ଉପସ୍ଥିତ ରହିଥିଲେ l ଅନ୍ୟପଟେ ପ୍ରଥମ କିସ୍ତି ରେ ୫ହଜାର ମିଳିଥିବା ବେଳେ ଦ୍ୱିତୀୟ କିସ୍ତି ରେ ପୁଣି ୫ହଜାର ମିଳିବ ବୋଲି ଉପଜିଲ୍ଲାପାଳ କହିଛନ୍ତି । ସେପଟେ ସୁଭଦ୍ରା ଅର୍ଥ ପାଇବା ପରେ ହିତାଧିକାରୀଙ୍କ ମଧ୍ୟରେ ଖୁସିର ଲହରୀ ଖେଳିଯାଇଥିବା ବେଳେ ଏହି ଅର୍ଥ କୁ ନେଇ ସେମାନେ ବିଭିନ୍ନ କୌଳିକ କାର୍ଯ୍ୟ ରେ ବିନିଯୋଗ କରିବେ ବୋଲି ମହିଳାମାନେ କହିଛନ୍ତି ।