31-Aug-2024

ବାଲିଗୁଡା: ଜିଲ୍ଲାର ବାଲିଗୁଡା ଉପଖଣ୍ଡ ସ୍ଥିତ ବିଜ୍ଞାପିତ ଅଞ୍ଚଳ ପରିଷଦ ରେ ଜି 64 ତମ ସ୍ୱାୟତ୍ତ ଶାସନ ଦିବସ ବିଭିର୍ଣ୍ଣ ପ୍ରକାର ରଙ୍ଗାରଙ୍ଗ କାର୍ଯ୍ୟକ୍ରମ ନେଇ ଧୁମ ଧାମ ରେ ପାଳନ କରାଯାଇଛି |   ସର୍ବ ପ୍ରଥମେ ଆଜି ସକାଳ 7 ଘଟିକାରେ ଡାକବାଜି ଯନ୍ତ୍ର ସାହାଯ୍ୟରେ ବାଲିଗୁଡା ସହର ବାସୀଙ୍କୁ ରାମଃଧୁନ ପ୍ରଚାର କରାଯାଇଥିଲା  |  ବିଜ୍ଞାପିତ ଅଞ୍ଚଳ ପରିଷଦ କାର୍ଯ୍ୟାଳୟ ମଧ୍ୟରେ  ଉପାଧ୍ୟାକ୍ଷା ଶ୍ରୀମତୀ ଶାନ୍ତି ନାୟକ. , କାର୍ଯ୍ୟ ନିର୍ବାହୀ ଅଧିକାରୀ. ଶ୍ରୀ ବିବେକାନନ୍ଦ ଦଳାଇ ଓ ସମସ୍ତ କାଉନ ସିଲର ମାନଙ୍କ ଉପସ୍ଥିତ ରେ ଅଧକ୍ଷ ଶ୍ରୀ ଗୋବିନ୍ଦ ଚନ୍ଦ୍ର ପ୍ରଧାନ ଜାତୀୟ ପତାକା ଉତ୍ତୋଳନ କରି

ସ୍ୱାୟତ୍ତ ଶାସନ ଦିବସ ର ଶୁଭାରମ୍ଭ କରିଥିଲେ |  ଏହାପରେ ପରବର୍ତ୍ତୀ ପର୍ଯ୍ୟାୟରେ ଅଧକ୍ଷ ଶ୍ରୀ ଗୋବିନ୍ଦ ଚନ୍ଦ୍ର ପ୍ରଧାନ ଏବଂ ପରିଷଦ ର କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀ ବିବେକାନନ୍ଦ ଦଳାଇ ଙ୍କ ଦ୍ୱାରା ଉପଖଣ୍ଡ ଚିକିତ୍ସାଳୟ ଓ ଜରାଶ୍ରମରେ ଥିବା ଅନ୍ତେବାସି ମାନଙ୍କୁ ଫଳ ବଣ୍ଟନ କରାଯାଇଥିଲା |  ଦିବା 10 ଘଟିକାରେ   ଓଡିଶା ର ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ମୋହନ ଚରଣ ମାଝୀ ଙ୍କର ଟେଲିକାଷ୍ଟ ମାଧ୍ୟମରେ ସ୍ୱାୟତ୍ତ ଦିବସ   ଉପଲକ୍ଷେ ଏକ ବୈଠକରେ ଅଂଶ ଗ୍ରହଣ କରିବା ପରେ ଉପସ୍ଥିତ ବିଜ୍ଞାପିତ ଅଞ୍ଚଳ ପରିଷଦ ର ପ୍ରତିନିଧି, ଜନସାଧାରଣ ଓ ସମସ୍ତ କର୍ମଚାରୀ ମାନଙ୍କ ପାଇଁ ମଧ୍ୟାନ୍ନ ଭୋଜନ ର ବ୍ୟବସ୍ଥା ଗ୍ରହଣ କରାଯାଇଥିଲା | ଏହାପରେ ପରିଷଦ ଦ୍ୱାରା ବିଭିର୍ଣ୍ଣ ପ୍ରକାର କାର୍ଯ୍ୟକ୍ରମ କରାଯାଇ ଥିଲା |  ଆଜିର ସ୍ୱାୟତ୍ତ ଶାସନ ଦିବସରେ ବାଲିଗୁଡା ସହର କୁ ଏକ ସ୍ୱଚ୍ଛ, ନିର୍ମଳ, ଏକ ସୁନ୍ଦର ସହର ଗଢି ତୋଳିବାକୁ ସମସ୍ତଙ୍କର ଏକାନ୍ତ ସହଯୋଗ ର ଆବଶ୍ୟକତା ଅଛି ବୋଲି ଅଧକ୍ଷ ଶ୍ରୀ ଗୋବିନ୍ଦ ଚନ୍ଦ୍ର ପ୍ରଧାନ ନିଜ ବକ୍ତବ୍ୟରେ ପ୍ରକାଶ କରିଥିଲେ |  ଏହାପରେ ପରିଷଦ ର କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀ ବିବେକାନନ୍ଦ ଦଳାଇ ମଧ୍ୟ୍ୟ ବାଲିଗୁଡା ସହରକୁ ଏକ ନିର୍ମଳ ସ୍ଵଛ ଓ ସୁନ୍ଦର କରି ଗଢି ତୋଳିବାକୁ ହେଲେ ବିଶେଷତଃ ବାଲିଗୁଡା ସହର ବାସୀଙ୍କର ଏକାନ୍ତ ଉତ୍ତମ ସହଯୋଗ ଜରୁରୀ ଆବଶ୍ୟକ ଅଛି, ଜନସାଧାରଣ ଙ୍କ ର ବିନା ସହଯୋଗ ରେ ସହରର କୌଣସି ଉର୍ନ୍ନତି ଅସମ୍ଭବ ବୋଲି କାର୍ଯ୍ୟ ନିର୍ବାହ ଅଧିକରୀ କହିଥିଲେ | 
     ଏହାପରେ ବାଲିଗୁଡା ବିଜ୍ଞାପିତ ଅଞ୍ଚଳ ପରିଷଦ କୁ ଦିନ ରାତି, ଖରା ବର୍ଷା, ଶୀତ କାକର କୁ ଖାତିର ନ କରି ଯେଉଁମାନେ ସମସ୍ତଙ୍କୁ ସେବା ଯୋଗାଉ ଛନ୍ତି, ତେଣୁ ଆଜିର ଦିବସରେ ସେଇ ନିଷ୍ଠାପର କର୍ମଚାରୀ ମାନଙ୍କୁ ମଧ୍ୟ୍ୟ ପୁରସ୍କୃତ କରାଯାଇଥିଲା, ଉତ୍ତମ ସେବା ଯୋଗାଉଥିବା, ସ୍ୱଚ୍ଛ ସାଥି, ସ୍ଵଛ ସୁପର ଭାଇଜର, ସ୍ୱଚ୍ଛ କର୍ମି, ମାନଙ୍କୁ ଅଧକ୍ଷ ଶ୍ରୀ ଗୋବିନ୍ଦ ଚନ୍ଦ୍ର ପ୍ରଧାନ ଓ କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀ ବିବେକାନନ୍ଦ ଦଳାଇ ପୁରସ୍କାର ସହିତ ନୂତନ ପୋଷାକ ପ୍ରଦାନ କରାଯାଇଥିଲା | ଆଜିର କାର୍ଯ୍ୟକ୍ରମ କୁ ସମସ୍ତ ନିର୍ବାଚିତ କାଉନ ସିଲର ସମେତ ବିଜ୍ଞାପିତ ଅଞ୍ଚଳ ପରିଷଦ ର କର୍ମକର୍ତ୍ତା ମାନଙ୍କ ଉତ୍ତମ ସହଯୋଗ ରେ ଅତି ସୁନ୍ଦର ଭାବେ ସ୍ୱାୟତ୍ତ ଶାସନ ଦିବସ ପାଳନ କାର୍ଯ୍ୟକ୍ରମ କୁ ସମ୍ପାଦନ କରାଯାଇ ଥିବାରୁ ସମସ୍ତଙ୍କ ଭୂମିକାକୁ ଉତ୍ସବରେ ଭୁୟସୀ ପ୍ରଶଂସା କରାଯାଇଥିଲା |