31-Aug-2024

ଡୁଙ୍ଗୁରିପାଲି-(ଅରବିନ୍ଦ ମିଶ୍ର)ସୁବର୍ଣ୍ଣପୁର ଜିଲ୍ଲା ଆଞ୍ଚଳିକ ପରିବନହନ ବିଭାଗ ପକ୍ଷରୁ ଆଜି ଡୁଙ୍ଗୁରିପାଲି ଟ୍ରକ ମାଲିକ ସଂଘ କାର୍ଯ୍ୟାଳୟ ପରିସରରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ଜିଲ୍ଲା ଟ୍ରକ ମାଲିକ ସଂଘ ସଭାପତି ମୃତ୍ୟୁଞ୍ଜୟ ମିଶ୍ରଙ୍କ ଅଧ୍ୟକ୍ଷତାରେ ଆଞ୍ଚଳିକ ପରିବହନ ଅଧିକାରୀ ବିଶ୍ୱରଞ୍ଜନ ସାହୁ, ଆରଟିଓ ଅକ୍ଷୟ କୁମାର ଜେନା ଉପସ୍ଥିତ ଥିଲେ । ୨୦୨୨ମାର୍ଚ୍ଚ ୩୧ ପର୍ଯ୍ୟନ୍ତ ଯେଉଁ ଚାରିଚକିଆ ଯାନ ଗୁଡିକର  ଟିକସ ପୈଠ ଅବଧି ସରିଯାଇଛି । ସେ ଗାଡିର ମାଲିକ ଚାହିଁଲେ ତାହାର ନବୀକରଣ କରିପାରିବେ । ଉକ୍ତ ଗାଡିର ଉକ୍ତ ଅବଧି ମଧ୍ୟରେ ଥିବା ବକେୟାକୁ ଛାଡ କରି ଏକକାଳୀନ ବାକି ବକେୟା ପୈଠ କରିପାରିବେ ବୋଲି ଅଧିକାରୀମାନେ ସୂଚନା ଦେଇଥିଲେ । ଅଧିକ ଜାଣିବା ପାଇଁ ଯୋଗାଯୋଗ କରାଯିବାକୁ କହିବା ସହ ଆଜି ଅନେକ ଗୁଡିଏ ଗାଡିର ନବୀକରଣ କରାଯାଇଥିଲା ।  କାର୍ଯ୍ୟକ୍ରମରେ ପରିବହନ କାର୍ଯ୍ୟାଳୟର ପଞ୍ଚାନନ ଦଲେଇ, ଅବିନାଶ ପୁରୋହିତ,  ଟ୍ରକ ମାଲିକ ସଂଘର ସଂପାଦକ ଜ୍ୟୋତି ପ୍ରକାଶ ମିଶ୍ର, ପ୍ରଭୁଦତ୍ତ ନାଏକଙ୍କ ସମେତ ଗାଡି ମାଲିକମାନେ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ ସହ ଯୋଗ କରିଥିଲେ ।