20-Aug-2024

ବରଗଡ଼/ବିଜେପୁର:(ନିରଞ୍ଜନ ତ୍ରିପାଠୀ)- ବରଗଡ଼ ଜିଲ୍ଲାରେ ଗତ ତା ୧୦.୦୮.୨୦୨୪ ରିଖ ଠାରୁ ଫେଲେରିଆ ରୋଗକୁ ଜିଲ୍ଲାରୁ ସମ୍ପୂର୍ଣ୍ଣ ମୂଳ ଉତ୍ପାଟନ ପରିପ୍ରେକ୍ଷୀରେ ବ୍ୟାପକ ଭାବେ ଅଭିଯାନ ଚାଲିଥିବା ବେଳେ, ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ବିଜେପୁର ଅଧିନସ୍ଥ ତାଲପଦର ଗ୍ରାମପଞ୍ଚାୟତରେ ତାର ବ୍ୟତିକ୍ରମ ଦେଖିବାକୁ ମିଳିଛି।ତା ୧୦.୦୮.୨୦୨୪ ରୁ ତା ୧୯.୦୮.୨୦୨୪ ରିଖ ଅବଧି ଭିତରେ ମାତ୍ର ୫୦% ଲୋକ ସାମୁହିକ ଔଷଧ ଯଥା-ଡି.ଇ.ସି, ଆଲବେଣ୍ଡାଜଲ, ଆରଭରମେକ୍ଟିନ ବଟିକା ଖାଇଥିବା ବେଳେ ଆଉ ୫୦% ଲୋକେ ଏହି ମାରାତ୍ମକ ଫାଇଲେରିଆ ବା ବାତଜ୍ୱର ର ଔଷଧ ସେବନରୁ ବଞ୍ଚିତ ଅଛନ୍ତି। ଏହାକୁ ଦୃଷ୍ଟିରେ ରଖି ଗୋଷ୍ଠୀ ସ୍ୱାସ୍ଥ୍ୟ ଚିକିତ୍ସାଧିକାରୀ ଡ଼ା.ସୁଶାନ୍ତ ମେହେର ଏକ ଅନୁଧ୍ୟାନ ଟିମ ଗଠନ କରି ତାଲପଦର ଗ୍ରାମରେ ଜନସଚେତନତା ପାଇଁ

ପଠାଇଥିଲେ।ଏଇ ଅନୁଧ୍ୟାନକାରୀ ଦଳ ଗ୍ରାମରେ ପହଞ୍ଚି ଜନସଚେତନତା କରିବା ସହ ଲୋକଙ୍କୁ ଜାତୀୟ ଭେକ୍ଟର ବାହିତ ରୋଗ ସମ୍ପର୍କରେ ପ୍ରାଞ୍ଜଳ ଭାବେ ବୁଝାଇଲା ପରେ ଶ୍ରୀ ଜଗନ୍ନାଥ ମନ୍ଦିର ପ୍ରାଙ୍ଗଣରେ ଆୟୋଜିତ ସାମୁହିକ ଔଷଧ ସେବନ କେନ୍ଦ୍ର ରେ ଲୋକେ ସ୍ୱତଃ ପ୍ରବୃତ ଭାବେ ଯାଇ ସର୍ବସମ୍ମୁଖରେ ଔଷଧ ସେବନ କରିଥିଲେ।ଏହି ଅନୁଧ୍ୟାନ କାରୀ ଦଳରେ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଭି.ବି.ଡି.ଟି.ଏସ ଡୋଲାମଣୀ ଦାସ,ବି.ପି.ଏମ ବିଜୟ କୁମାର ସରାଫ ପ୍ରମୁଖ ଥିବାବେଳେ, ତାଲପଦର ସ୍ୱାସ୍ଥ୍ୟ ଉପକେନ୍ଦ୍ରର ମହିଳା ସ୍ୱାସ୍ଥ୍ୟ କର୍ମୀ ସ୍ୱପ୍ନାରାଣୀ ପଧାନ, ଅଙ୍ଗନବାଡି କର୍ମୀ ସୋନାଲି ସାହୁ,ବିମଳା ପଧାନ,ଅଞ୍ଜଳୀ ଭରାସାଗର,ଦିପାଞ୍ଜଳୀ ରଣା ଓ ଆଶାକର୍ମୀ ସରୋଜିନୀ ପଧାନ,ପ୍ରତିମା ମଲ୍ଲିକଙ୍କ ସହଯୋଗ ରେ ଗ୍ରାମବାସୀ ରୋଗ ସମ୍ପର୍କରେ ବୁଝିଲା ପରେ ବହୁ ସଂଖ୍ୟାରେ ଆସି ଔଷଧ ସେବନ କରିବା ଦେଖିବାକୁ ମିଳିଥିଲା।