20-Aug-2024

ବରଗଡ଼/ପାଇକମାଲ:(ନିରଞ୍ଜନ ତ୍ରିପାଠୀ)- ବରଗଡ଼ ଜିଲ୍ଲା ପାଇକମାଲ ପଞ୍ଚାୟତ ସମିତିର ସପ୍ତମ ବୈଠକ ଅନୁଷ୍ଠିତ ହୋଇ ଯାଇଛି । ଏଥିରେ ବ୍ଲକ ଚେୟାରମେନ ଭାବନା ସିଂ ଅଧ୍ୟକ୍ଷତା କରିଥିବା ବେଳେ ଅତିଥି ଭାବରେ ବରଗଡ ଲୋକସଭା ସାଂସଦ ପ୍ରଦୀପ ପୁରୋହିତ ଓ ପଦ୍ମପୁର ନିର୍ବାଚନ ମଣ୍ଡଳୀର ବିଧାୟିକା ବର୍ଷା ସିଂ ବରିହା ଯୋଗ ଦେଇଥିଲେ । ଗୋଷ୍ଠୀ ଉନ୍ନୟନ ଅଧିକାରୀ ପ୍ରଫୁଲ୍ଲ କୁମାର ଓଦୁ ଉପସ୍ଥିତ ସମସ୍ତ ବିଭାଗର ଲାଇନ ଅଫିସର ,ସମିତି ସଭ୍ୟ, ସରପଞ୍ଚ, ଭାଇସ ଚେୟାରମେନ,ସାମ୍ବାଦିକ ସମସ୍ତଙ୍କୁ ସ୍ବାଗତ କରିଥିଲେ । ବ୍ଲକ ଅଧ୍ୟକ୍ଷା ଶ୍ରୀମତୀ ସିଂ ମଧ୍ଯ ଉପସ୍ଥିତ ସମସ୍ତଙ୍କୁ ସ୍ବାଗତ କରିଥିଲେ । ଜିଲ୍ଲା ପରିଷଦ ସଭ୍ଯା ବାସନ୍ତୀ ବାଲମ  ବ୍ଲକରେ ପିସି କାରବାର ଚାଳିଛି ବୋଲି ଦୃଢ ସ୍ବରରେ ଅଭିଯୋଗ କରିବା ସହ ଟେମରୀ ଗ୍ରାମପଞ୍ଚାୟତର ଜିଲ୍ଲାପରିଷଦ ଗ୍ରାଣ୍ଡର ପ୍ରଧାନଦରା ରାସ୍ତା କଂକ୍ରିଟ କାମ ୩ ଲକ୍ଷ ୪୦ ହଜାର ଟଙ୍କାର କରାଯାଇଥିବା ବେଳେ ୮୦ ହଜାର ଟଙ୍କା ବ୍ଲକର  ଜେ.ଇ ପିସି କାଟିକରି ବାକି ଟଙ୍କା ପେମେଣ୍ଟ କରିଛନ୍ତି ବୋଲି  ଶ୍ରୀମତୀ ବାଲାମ ଅଭିଯୋଗ କରିଥିଲେ । ଏହା କଥାଶୁଣି ସଭାଗୃହରେ ଅନେକ ସମୟଧରି ହଟ୍ଟଗୋଳ ସୃଷ୍ଟି ହୋଇଥିଲା।ପରେ ଅନେକ ସରପଞ୍ଚ ଓ ସମିତି ସଭ୍ଯ ପିସି କାରବାର ବନ୍ଦ କର ବୋଲି ପାଟିଗୋଳ କରିଥିଲେ। ବିଦ୍ୟୁତ ବିଲ ୩୦୦ ୟୁନିଟ ଛାଡ କରିବା,ପାଣି ସପ୍ଲାଇ ପାଇଁ ବ୍ଯବହୃତ ପମ୍ପ ଗୁଡିକର ଗୁଡାଏ ବିଦ୍ୟୁତ ବିଲ ଆସୁଥିବା,ସ୍କୁଲ ମାନଙ୍କରେ ଆବଶ୍ଯକ ଅନୁଯାଇ ଶିକ୍ଷକ ନଥିବା,ଆର.ଡି ବିଭାଗରେ ଥିବା ରାସ୍ତା ଗୁଡ଼ିକ କାମ ଠିକ ଭାବେ ହେଉ ନଥିବା, ପାନୀୟ ଜଳ ଯୋଗାଣ ବିଭାଗର ପିଇବା ପାଣି ଯୋଗାଣରେ ବ୍ଯଘାତ ହେଉଥିବା , ବିଶେଷ କରି ସରେଇକେଲା ଆଶ୍ରମ ସ୍କୁଲରେ ୯୨ ଜଣ ଛାତ୍ରଛାତ୍ରୀଙ୍କୁ ଗୋଟିଏ ଶିକ୍ଷକ ପାଠ ପଢାଉଥିବା, ସମ୍ୱଲପୁରୀ ଆଶ୍ରମ ବିଦ୍ୟାଳୟରେ ୭୨ ଜଣ ଛାତ୍ରଛାତ୍ରୀ ମାନଙ୍କୁ ଗୋଟିଏ ଶିକ୍ଷକ ପାଠ ପଢଉଥିବା ପ୍ରମୁଖ ଅନେକ ଅଭିଯୋଗ  ଆସିଥିଲା । ସାଂସଦ ଶ୍ରୀଯୁକ୍ତ ପୁରୋହିତ ଉପସ୍ଥିତ ସମସ୍ତ ଅଧିକାରୀ ମାନଙ୍କୁ ନିଜନିଜ ପରିଚୟ ପ୍ରଦାନ ପାଇଁ

କହିଥିଲେ। ଏହାପରେ ସମସ୍ତ ସମିତି ସଭ୍ୟ, ସଭ୍ୟା, ସମସ୍ତ ସରପଞ୍ଚ ମାନେ ମିଳିମିଶି ପାଇକମାଲ ବ୍ଲକର ଉନ୍ନତି ସକାଶେ ଆଗେଇ ଆସିବା ପାଇଁ ଆହ୍ବାନ ଦେଇଥିଲେ । ବିଧାୟିକା ବର୍ଷା ସିଂ ବରିହା ସମସ୍ତ ସମିତି ସଭ୍ଯ,ସଭ୍ଯା ଓ ସରପଞ୍ଚ ମାନଙ୍କୁ ଆପତ୍ତି ଅଭିଯୋଗ କରିବା ପାଇଁ ସମାନ ସମୟ ଦିଆଗଲେ ଭଲ ହେବ ବୋଲି କହିଥିଲେ କାରଣ କେତେ ଜଣ ଅନେକ ସମୟ ଧରି  ଅଭିଯୋଗ କରୁଥିବା ବେଳେ ଅନ୍ଯ ମାନଙ୍କୁ ସୁଯୋଗ ଦିଆଗଲେ ଖୁବ୍ ଭଲ ହେବବୋଲି ମତପ୍ରଦାନ କରିଥିଲେ। ପାଇକମାଲ ବ୍ଲକରେ ପି.ସି କାରବାର ନେଇ ସାମ୍ବାଦିକ ମାନେ ବିଡିଓଙ୍କୁ ପଚାରିବାରୁ ବିଡିଓ ଶ୍ରୀ ଓଦୁ ମୋ ସମୟରେ ପି.ସି କାରବାର ହେଉ ନାହିଁ ବୋଲି ମତବ୍ୟକ୍ତ କରିଥିଲେ । ତେବେ ସାମ୍ବାଦିକ ମାନେ ଜିଲ୍ଲା ପରିଷଦ ସଦସ୍ଯା ଶ୍ରୀମତୀ ବାସନ୍ତୀ ବାଲାମଙ୍କୁ ପଚାରିବାରୁ ବର୍ତ୍ତମାନର କାର୍ଯ୍ଯରତ ବିଡିଓ ଶ୍ରୀ ଓଦୁଙ୍କ ସମୟରେ ପଧାନଦରା ରାସ୍ତା କଂକ୍ରିଟ କାମର ୮୦ ହଜାର ଟଙ୍କା ପିସି କଟା ଯାଇଛି ବୋଲି ଦୃଢତାର ସହ ମତବ୍ୟକ୍ତ କରିଥିଲେ। ଆଜି ପଞ୍ଚାୟତ ସମିତିର ବୈଠକ ଦୀର୍ଘ ୧୬ ମାସ ହେବା ପରେ ଅନୁଷ୍ଠିତ ହେଉଥିବାରୁ ଆଗାମୀ ବୈଠକ ଗୁଡିକ ପ୍ରତି ୩ ମାସରେ କରାଯିବ ବୋଲି ବିଡିଓ ଶ୍ରୀ ଓଦୁ କହିବା ସହ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ