18-Aug-2024

ବୀରମହାରାଜପୁର , (ବିନୋଦ ପାଣ୍ଡେ) : ସୁବର୍ଣ୍ଣପୁର ଜିଲ୍ଲା ବୀରମାହାରାଜପୁର ବ୍ଲକ ଅନ୍ତର୍ଗତ ଖଣ୍ଡହତା ସ୍ଥିତ ଇନ୍ଦିରା ଗାନ୍ଧୀ ଉଚ୍ଚ ବିଦ୍ୟାଳୟରେ ଶିକ୍ଷକ ଅଭାବ ଦେଖାଦେଇଛି।
 ଉକ୍ତ ବିଦ୍ୟାଳୟରେ ଆଗରୁ ଆଠ ଜଣ ଶିକ୍ଷକ ଥିଲେ କିନ୍ତୁ ସମୟକ୍ରମେ ଛଅ ଜଣ ଶିକ୍ଷକ ଅବସର ଗ୍ରହଣ କରିସାରିଲେଣି l  ବର୍ତ୍ତମାନ ବିଦ୍ୟାଳୟରେ ତିନି ଜଣ ଶିକ୍ଷକ ଅଛନ୍ତି ଜଣେ ପ୍ରଧାନ ଶିକ୍ଷକ ଆଉ ଜଣେ ହିନ୍ଦୀ ଶିକ୍ଷକ ଏବଂ ଆଉ ଜଣେ ଗଣିତ ଶିକ୍ଷକ ଅଛନ୍ତି । ଏଠାରେ ଅଷ୍ଟମ, ନବମ ଓ ଦଶମ ଶ୍ରେଣୀ ର ଛାତ୍ର/ଛାତ୍ରୀ ଅଧ୍ୟୟନ କରୁଛନ୍ତି।  ବର୍ତ୍ତମାନ ୨୮୫ ଜଣ ଛାତ୍ରଛାତ୍ରୀ ରହିଛନ୍ତି। ସୂଚନା ଯୋଗ୍ୟ ଯେ ଆସନ୍ତା ସେପ୍ଟେମ୍ବର ମାସରେ ପ୍ରଧାନ ଶିକ୍ଷକ  ଅଖୋଜ ପଧାନ ଅବସର ଗ୍ରହଣ କରିବେ । ଫଲରେ ଏହି  ବିଦ୍ୟାଳୟରେ ଦୁଇଟି ଶିକ୍ଷକକୁ ନେଇ ଶିକ୍ଷା ଦାନ ହେବ। ଶିକ୍ଷକ ସମସ୍ୟାକୁ ନେଇ ରବିବାର ଅଭିଭାବକ ଓ ପୂର୍ବତନ ଛାତ୍ର/ଛାତ୍ରୀ ମାନେ ବିଦ୍ୟାଳୟ ପରିସରରେ ଏକ ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକରେ  ଅବିଭାବକ ଓ ପୁରାତନ ଛାତ୍ର ଛାତ୍ରୀ  ଉପସ୍ଥିତ ଥିଲେ। ଆସନ୍ତା ଗୁରୁବାର ଦିନ ଜିଲ୍ଲା ଶିକ୍ଷା ଅଧିକାରୀ ଙ୍କୁ ଏକ ଦାବୀପତ୍ର ପ୍ରଦାନ କରିବା ପାଇଁ ନିଷ୍ପତି ନିଆଯାଇଛି। ଯଦି କୌଣସି ସରକାରୀ ପଦକ୍ଷେପ ନିଆଯାଏ ନାହିଁ ତେବେ  ଆନ୍ଦୋଳନ କରାଯିବ ବୋଲି ଅଭିଭାବକ ଓ ପୁରାତନ ଛାତ୍ର ଛାତ୍ରୀ ମାନେ ଏହି ବୈଠକରେ ନିଷ୍ପତି ନେଇଛନ୍ତି।