18-Aug-2024

ହରଭଙ୍ଗା(ଦେବବ୍ରତ ଦାଶଙ୍କ ରିପୋର୍ଟ): ଚାରିଛକ ଶିବମନ୍ଦିର ନିକଟରେ ଅଜଣା ଗାଡି ଧକ୍କାରେ ଗଲା ଷଣ୍ଢର ଜୀବନ। ସୂଚନାମୁତାବକ ଗତକାଲି ବିଳମ୍ବିତ ରାତିରେ ବୌଦ୍ଧ ଜିଲ୍ଲା ପୁରୁଣାକଟକ ଥାନା ଅନ୍ତର୍ଗତ ଚାରିଛକ ଶିବମନ୍ଦିର ନିକଟରେ ସୋଇଥିବା ଏକ ଷଣ୍ଢକୁ ଏକ ଅଜଣା ଗାଡି ଧକ୍କା ଦେଇ ଚାଲିଯାଇଥିଲା, ଫଳରେ ଘଟଣାସ୍ଥଳରେ ଷଣ୍ଢ ଟି ର ମୃତ୍ୟୁ ଘଟିଥିଲା। ସକାଳୁ ସ୍ଥାନୀୟ ଲୋକେ ଦେଖିବା ପରେ ବାଣୀଭୂଷଣପୁର ସରପଞ୍ଚ ଶ୍ରୀବନ୍ତ ମେହେର ଓ ସ୍ଥାନୀୟ ସ୍ୱେଚ୍ଛାସେବୀ ଯୁବ ସଂଗଠନକୁ ଖବର ଦେଇଥିଲେ। ଖବର ପାଇ ସରପଞ୍ଚଙ୍କ ସହ ରାମସେନା ଓ ବିନାୟକ ୟୁଥ ଆସୋସିଏସନର ସଦସ୍ୟମାନେ ଆସି ଏକ ଜେସିବି ଡକାଇ ଷଣ୍ଢ ଟିର ମୃତ ଶରୀରକୁ ଉଠାଇ ନେଇ ଗାଁ ଠାରୁ ଦୂର ରେ ମାଟିରେ ପୋତିଥିଲେ । ସୂଚନାଥାଉ କି ୫୭ନମ୍ବର ଜାତୀୟ ରାଜପଥ ପାଲଟିଛି ଗାଈଗୋରୁ ଗୁହାଳ। ରାସ୍ତାରେ

ଶୋଇଥିବା ବେଳେ ଗାଡି ଦୁର୍ଘଟଣାରେ ଯାଉଛି ନିରୀହ ଗାଈ ଗୋରୁ lଙ୍କ ଜୀବନ । ବୌଦ୍ଧ ଜିଲ୍ଲା ଦେଇ ୫୭ ନମ୍ବର ଜାତୀୟ ରାଜପଥ ୧୮୦ କିଲୋମିଟର ରୁ ଉର୍ଦ୍ଧ ରାସ୍ତା ଯାଇଛି । ପ୍ରତିଦିନ ଏହି ରାସ୍ତା ଦେଇ ସହ ସହ ଜାନବାହାନ ଯାତାୟତ କରୁଛି । କିନ୍ତୁ ରାସ୍ତା କଡରେ ଷ୍ଟ୍ରିଟ ଲାଇଟ ଅଚଳ ହୋଇ ପଡିବା ଫଳରେ ଏବେ ଏହି ଜାତୀୟ ରାଜପଥ ଅସୁରକ୍ଷିତ

ହୋଇପଡିଛି । ପ୍ରତିଦିନ ରାସ୍ତାରେ ସନ୍ଧ୍ୟା ହେଲେ ଅନ୍ଧାରରେ ଶହ ଶହ ଗାଈଗୋରୁ ଶୋଇ ରହିଛନ୍ତି । ଯାହାଫଳରେ ଦୁର୍ଘଟଣାର ଶିକାର ହୋଇ ବହୁ ଗାଈଗୋରୁଙ୍କ ଜୀବନ ଯାଉଛି । ତେଣୁ ପ୍ରଶାସନ ଏଥିପ୍ରତି ଦୃଷ୍ଟି ଦେଇ ଷ୍ଟ୍ରିଟଲାଇଟ ଗୁଡିକ ସଚଳ କରିବା ପାଇଁ ସାଧାରଣରେ ଦାବି ହୋଇଥିବା ବେଳେ ଗାଈଗୋରୁ ମାଲିକ ନିରୀହ ଗାଈଗୋରୁଙ୍କୁ ଏଭଳି ଅସୁରକ୍ଷିତ ଭାବେ ବାହାରେ ଛାଡିବା ବଦଳରେ ଘରେ ବାନ୍ଧି ରଖିବା ପାଇଁ ବୁଦ୍ଧିଜୀବୀ ମହଲରେ ଦାବି ହୋଇଛି ।