17-Aug-2024

ଭୁବନେଶ୍ୱର:- ଇତି ମଧ୍ୟରେ ଓଡ଼ିଶାର ପୂର୍ବତନ ମୁଖ୍ୟ ଶାସନ ସଚିବ ବିଜୟ ପଟ୍ଟନାୟକ କଂଗ୍ରେସ ଦଳ ଛାଡିଛନ୍ତି।ସେ ନିଜର ଇସ୍ତଫା ପତ୍ର ମେଲ୍ ଯୋଗେ ଏ ଆଇ ସି ସି କୁ ପଠାଇ ଦେଇଛନ୍ତି।ଚର୍ଚ୍ଚା ହୁଏ କୁଆଡେ ଶ୍ରୀ ପଟ୍ଟନାୟକ ଦଳ ପ୍ରତି ଅସନ୍ତୁଷ୍ଟ ହୋଇ ଇସ୍ତଫା ଦେଇଛନ୍ତି।୨୦୨୪ ସାଧାରଣ ନିର୍ବାଚନ ରେ କଂଗ୍ରେସ ତାଙ୍କୁ ଗଜପତି ଜିଲ୍ଲା ର ପାରଳାଖେମୁଣ୍ଡି ରୁ ପ୍ରାର୍ଥୀ କରିଥିଲା।ତତ୍ ସଙ୍ଗେ ନିର୍ବାଚନ ସମୟରେ ଶ୍ରୀଯୁକ୍ତ ପଟ୍ଟନାୟକ ଙ୍କୁ କଂଗ୍ରେସ ପ୍ରଚାର କମିଟି ର ଅଧ୍ୟକ୍ଷ ଦାୟିତ୍ଵ ମଧ୍ୟ ଦେଇଥିଲେ।ପରେ କୌଣସି କାରଣରୁ ତାଙ୍କ ଠାରୁ ପଦବୀ କାଢି ନିଆଯାଇଥିଲା।ସୂଚନା ରୁ ଜଣାପଡେ ଶ୍ରୀଯୁକ୍ତ ପଟ୍ଟନାୟକ ୨୦୨୩ ଫେବୃୟାରୀ ୧୦ ତାରିଖ ରେ ନୂଆଦିଲ୍ଲୀ ସ୍ଥିତ    ଏ ଆଇ ସି ସି କାର୍ଯ୍ୟାଳୟ ଠାରେ ଅଧ୍ୟକ୍ଷ ମଲ୍ଲିକାର୍ଯୁନ ଖଡଗେ ଙ୍କ ଉପସ୍ଥିତି ରେ ତାଙ୍କ ନୂଆ ପାଳି ଆରମ୍ଭ କରିଥିଲେ।ଏହି ସମୟରେ କଂଗ୍ରେସ ର ସାଂଗଠନିକ ସମ୍ପାଦକ କେ.ସି.ଭେନୁଗୋପାଳ, ଏ ଆଇ ସି ସି ଓଡ଼ିଶା ପ୍ରଭାରୀ ଚେଲ୍ଲା କୁମାର,ବରିଷ୍ଠ କଂଗ୍ରେସ ନେତା ମାନସ ଚୌଧୁରୀ,ତତ୍ କାଳୀନ ପିସିସି ସଭାପତି ଶରତ ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ।୧୯୭୭ ବ୍ୟାଚ ଆଇ ଏ ଏସ ବିଜୟ ପଟ୍ଟନାୟକ ୨୦୦୪ ରୁ ୨୦୧୦ ପର୍ଯ୍ୟନ୍ତ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କ ପ୍ରମୁଖ ସଚିବ ଥିଲେ।ଏହାପରେ ୨୦୧୦ ସେପ୍ଟେମ୍ବର ମାସରେ ରାଜ୍ୟର ମୁଖ୍ୟ ଶାସନ ସଚିବ ଭାବେ ଦାୟିତ୍ଵ ଗ୍ରହଣ କରିଥିଲେ।ସେ ୨୦୧୩ ପର୍ଯ୍ୟନ୍ତ ଏହି ପଦବୀ ରେ ରହିଥିଲେ। ୨୦୧୩-୧୪ ରେ ସେ ରାଜ୍ୟ ସରକାର ଙ୍କ ଷ୍ଟାଫ୍ ସିଲେକ୍ସନ୍ କମିଶନ ଅଧ୍ୟକ୍ଷ ଓ ପରେ ୨୦୧୪-୧୫ ରେ ଓଡ଼ିଶା ମାନବାଧିକାର କମିଶନ ର ସଦସ୍ୟ ଥିଲେ।୨୦୧୫ ଏପ୍ରିଲ ମାସରେ ସେ ବେଦାନ୍ତ ବିଶ୍ଵ ବିଦ୍ୟାଳୟ ପ୍ରକଳ୍ପ ର ଅଧ୍ୟକ୍ଷ ପଦବୀ ଅଳଙ୍କୃତ କରି ୨୦୧୭ ରେ ସେ ଏହି ପଦବୀ ରୁ ଇସ୍ତଫା ଦେଇଥିଲେ।