16-Aug-2024

ବରଗଡ଼(ନିରଞ୍ଜନ ତ୍ରିପାଠୀ): :ବରଗଡ ଜିଲ୍ଲା ଖୁଣ୍ଡପାଲି ସ୍ଥିତ ତ୍ରିରଙ୍ଗା କ୍ଲବ ଅଷ୍ଟମ ବର୍ଷରେ ପାଦ ଥାପି ଥିବାବେଳେ,ତାର ବାର୍ଷିକୋତ୍ସବ ମହା ସମାରୋହରେ ପାଳିତ ହୋଇଯାଇଛି। କାର୍ଯ୍ୟକ୍ରମଟି ଯାଦବ ବେହେରା,ମଣ୍ଟୁ ଦାସ ଓ ଆଲୋକ ଦାସଙ୍କ ପରିଚାଳନା ରେ ଅନୁଷ୍ଠିତ ହୋଇଥିବା ବେଳେ,ବରଗଡ଼ ଜିଲ୍ଲାର ବିଜେପୁର ଠାରେ ଲୋକଙ୍କୁ ସେବା ଯୋଗାଇ ଆସୁଥିବା ଅମୃତଧାରା ନର୍ସିଂ ହୋମର ଅଧ୍ୟକ୍ଷ ଶ୍ରୀଯୁକ୍ତ ଯଶୋବନ୍ତ ମେହେର ତ୍ରିରଙ୍ଗା କ୍ଲବ ପକ୍ଷରୁ ୭୮ ତମ ସ୍ୱାଧୀନତା ଦିବସ ପାଳନ ଅବସରରେ ମୁଖ୍ୟ ଅତିଥି ଭାବେ ଯୋଗଦାନ କରି ଜାତୀୟ ପତାକା ଉତ୍ତୋଳନ କରିଥିଲେ।ଦେଶକୁ ଇଂରେଜ କବଳରୁ ମୁକ୍ତ କରାଇବା ପାଇଁ ଯେଉଁଭଳି ଭାବେ ସ୍ୱାଧୀନତା ସଂଗ୍ରାମ ରେ ଆମ ଅଞ୍ଚଳର ସୁରେନ୍ଦ୍ର ସାଏ,ମାଧୋ ସିଂ ପ୍ରଭୃତି ଦେଶ ପାଇଁ ନିଜ ଜୀବନକୁ ବାଜି ଲଗାଇ ଭାରତ ବର୍ଷକୁ ମୁକ୍ତ କରିଥିଲେ, ତାହା ସବୁ ଦିନ ପାଇଁଁ ସ୍ମରଣୀୟ ହୋଇ ରହିବ।ଏକତା ଓ ଅଖଣ୍ଡତାକୁ ବଜାୟ ରଖିବା ପ୍ରତ୍ୟେକ ମଣଷର କର୍ତ୍ତବ୍ୟ ବୋଲି ମୁଖ୍ୟ ଅତିଥି ଶ୍ରୀଯୁକ୍ତ ମେହେର ମତବ୍ୟକ୍ତ କରିଥିଲେ। ଏଅବସରରେ ସରପଞ୍ଚ ବେଲାରସେନ ମେହେର ଯୋଗଦାନ କରି ସ୍ୱାଧୀନତା ଦିବସ ପାଳନର ତାତ୍ପର୍ଯ୍ୟ ସମ୍ପର୍କରେ ଆଲୋକପାତ କରିଥିଲେ।ପରେ ପରେ ତ୍ରିରଙ୍ଗା କ୍ଲବ ପକ୍ଷରୁ ଆୟୋଜିତ ସ୍ୱେଚ୍ଛାକୃତ ରକ୍ତଦାନ ଶିବିର ଆୟୋଜନ ହୋଇଥିଲା। ଏପରିପ୍ରେକ୍ଷୀରେ ମାନ୍ୟବର ବରଗଡ଼ ବିଧାୟକ ଶ୍ରୀମାନ ଅଶ୍ୱିନୀ ଷଡ଼ଙ୍ଗୀ, ସମ୍ମାନୀତ ଅତିଥି ଭାବେ ଅମୃତଧାରା ନର୍ସିଂ ହୋମର ଅଧ୍ୟକ୍ଷ ଶ୍ରୀଯୁକ୍ତ ଯଶୋବନ୍ତ ମେହେର ଯୋଗଦାନ କରି ରକ୍ତଦାନ ଶିବିର କୁ ଉଦଘାଟନ କରିଥିଲେ। ଏହି ରକ୍ତଦାନ ଶିବିରରେ ସମୁଦାୟ ୫୧ ୟୁନିଟ ରକ୍ତ ସଂଗୃହିତ ହୋଇଥିଲା। ଲୋକେ ସ୍ୱେଚ୍ଛାକୃତ ଭାବେ ଆସି ରକ୍ତଦାନ କରିବା ଦେଖିବାକୁ ମିଳିଥିଲା। ଏଅବସରରେ ସମାଜସେବୀ ରିଙ୍କେଶ ମିଶ୍ର,ରୋଷନ ପ୍ରଧାନ, ଆଇନଜୀବୀ ବିମଲ କୁମାର ଦାସ,ପଞ୍ଚୁଦେବ ପଧାନ,ଯୁବ ସମାଜସେବୀ, ଅରୁଣ କୁମାର ମାଝୀ, ଆନନ୍ଦ ଭୋଇ,ସୈାମିତ୍ରୀ ମାଝୀ, ଆଦିତ୍ୟ ମାଝୀ,ଋକ୍ମଣ ମେହେର, ରାହୁଲ ଦାସ,ସରପଞ୍ଚ ବେଲାରସେନ ମେହେରଙ୍କ ସମେତ ସ୍କୁଲର ପ୍ରଧାନଶିକ୍ଷକ କିଶୋର ଚନ୍ଦ୍ର ସାହୁ ପ୍ରମୁଖ ସମସ୍ତ ସଦସ୍ୟଙ୍କ ସହଯୋଗରେ ରକ୍ତଦାନ ଶିବିର ସୁରୁଖୁରୁରେ ସମାପନ ହୋଇଥିଲା।