16-Aug-2024

ଆଗଲପୁର, (ବିନୋଦ ଦୀପ) ୭୮ ତମ ସ୍ଵାଧୀନତା ଦିବସ ଅବସରରେ ଝରଣୀପାଲି ପଂଚାୟତ ତରଫରୁ ଏକ ସ୍ବତନ୍ତ୍ର ତଥା ଅଭିନବ କାର୍ଯ୍ୟକ୍ରମ କରାଯାଇଛି l ପଞ୍ଚାୟତ ରେ ଥିବା ସମସ୍ତ ସରକାରି ପ୍ରାଥମିକ/ ଉଚ୍ଚ ପ୍ରାଥମିକ ବିଦ୍ୟାଳୟ ମାନଙ୍କୁ ଆଜି ଇଲେକ୍ଟ୍ରି ୱାଟର ଫିଲ୍ଟର ପ୍ରଦାନ କରାଯାଇଛି l ଛାତ୍ର ଛାତ୍ରୀ କିଭଳି ବିଶୁଦ୍ଧ ପାନୀୟ ଜଳ ପାଇ ପାରିବେ ଓ ଜଳ ସମନ୍ଧୀୟ ରୋଗରୁ ଡାଇରିଆ, ଟାଇଫଡ, ଜଣ୍ଡିସ ଭଳିଆ ରୋଗରୁ ମୁକ୍ତି ପାଇବେ ତାହାର ଏକ ପ୍ରୟାସ କରାଯାଇଛି l ଏହି କାର୍ଯ୍ୟକ୍ରମ ସରପଞ୍ଚ ଶ୍ରୀମତୀ ସୁନୀତା ସାହୁଙ୍କ ସଭାପତିତ୍ବ କରିଥିବା ବେଳେ କାର୍ଯ୍ୟକ୍ରମରେ ମୁଖ୍ୟ ଅତିଥି ଅଗଲପୁର CHC ର ଇନ୍ଚାର୍ଜ ଧିରେନ୍ କୁମାର ମେହେର, CRCC ଅନିରୁଦ୍ଧ ଭୋଇ, ହେଲଥ୍ ୱାର୍କର ଭଜମନ ସାହୁ, PEO, ସ୍କୁଲ ମାନଙ୍କ ପ୍ରଧାନ ଶିକ୍ଷକ/ ଶିକ୍ଷୟିତ୍ରୀ, ଛାତ୍ରଛାତ୍ରୀ, ୱାଡମେମ୍ବର୍ ପ୍ରମୁଖ ଉପସ୍ଥିତ ଥିଲେ l ଗ୍ରାମ ପଞ୍ଚାୟତ ପାଇଥିବା ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର ପାଣ୍ଠିରୁ ଏହି ସମସ୍ତ ଇଲେକ୍ଟ୍ରି ୱାଟର ପିଉରିଫାଏର୍ ପ୍ରଦାନ କରାଯାଇଛି l ପୂର୍ବରୁ ପଞ୍ଚାୟତରେ SHG ର ମହିଳା ମାନଙ୍କୁ ଆମ୍ବ ଚାରା, ଗର୍ଭବତୀ ଓ ପ୍ରସୂତି ମହିଳାଙ୍କୁ ପୁଷ୍ଟିକର ଖାଦ୍ୟ ପାଇଁ କିଚେନ୍ ଗାର୍ଡେନ କିଟ୍, ବିଧବା ମହିଳା ମାନଙ୍କୁ ସିଲାଇ ମେସିନ୍, ମଧ୍ୟାହ୍ନ ଭୋଜନ ଚାଲୁଥିବା ସ୍କୁଲ୍ ଏବଂ ଅଙ୍ଗନୱାଡ଼ି କେନ୍ଦ୍ର ମାନକୁ ଗ୍ୟାସ୍ ଟାଙ୍କି/ଚୁଲ୍ହା ସହ କିଚେନ୍ ଗାର୍ଡେନ କିଟ୍ ଦିଆ ଯାଇଥିଲା l