15-Aug-2024

ବଲାଙ୍ଗିର (ମନୋରଞ୍ଜନ ତ୍ରିପାଠୀ)
 ବଲାଙ୍ଗିର ଟାଉନ ସରକାରୀ ଉଚ୍ଚ ବିଦ୍ୟାଳୟ ଠାରେ ମହା ସମାରୋହରେ ୭୮ ତମ ସ୍ବାଧିନତା ଦିବସ ପାଳିତ ହୋଇ ଯାଇଛି l। ସକାଳ ୬.୩୦ ମି଼ ରେ ବିଦ୍ୟାଳୟର ୪୦୦ ରୁ ଉର୍ଦ୍ଧ୍ବ ଛାତ୍ରୀ ଶିକ୍ଷକ ଶିକ୍ଷୟତ୍ରୀ ଓ ଶିକ୍ଷା କର୍ମଚାରୀ ସାମିଲ୍ ହୋଈ ଏକ ତ୍ରିରଙ୍ଗା ଶୋଭା ଯାତ୍ରା ଅନୁଷ୍ଠିତ ହୋଇଥିଲା l ଏଥିରେ ସ୍କୁଲ୍ ର ଗାଇଡ ଦଳ, ବ୍ୟାଣ୍ଡ ପାର୍ଟି ଦଳ, ଓ ଜେ ଆର୍ ସି ଛାତ୍ରୀ ନିଜ ନିଜ ପୋଷାକ ରେ ସାମିଲ୍ ହୋଇଥିଲେ l  ପରେ ପରେ ସ୍କୁଲ୍ ର ସ୍ଵାଧୀନତା ଦିବସ ଉତ୍ସବ ରେ ବିଶିଷ୍ଟ ସମାଜ ସେବୀ, କ୍ରାନ୍ତିକାରୀ ସଂଗଠକ ତଥା ବରିଷ୍ଠ ଓକିଲ ଶ୍ରୀ ପ୍ରମୋଦ କୁମାର ମିଶ୍ର ମୁଖ୍ୟ ଅତିଥି ଭାବରେ ଯୋଗ ଦେଇ ଜାତୀୟ ପତାକା ଉତ୍ତୋଳନ କରି ପ୍ୟାରେଡ ଅଭିବାଦନ କରିଥିଲେ l ଏବଂ ପ୍ରଧାନ ଶିକ୍ଷକ ନରେନ୍ଦ୍ର ନାଥ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ ଅତିଥି ଉଦବୋଧନ ଦେବା ସହିତ ବିଭିନ୍ନ କ୍ଷେତ୍ର ରେ କୃତିତ୍ୱ ଅର୍ଜନ କରିଥିବା କୃତୀ ଛାତ୍ରୀ ମାନଙ୍କୁ ମାନପତ୍ର ଓ ପୁରସ୍କାର ବିତରଣ କରିଥଲେ l ଉକ୍ତ ସଭାକୁ ବିଦ୍ୟାଳୟର ସହକାରୀ ଶିକ୍ଷକ ସତ୍ୟାନନ୍ଦ ବିଶ୍ଵାଳ ସଂଯୋଜନl କରି ଥିଲେ l ଓ ବରିଷ୍ଠ ଶିକ୍ଷୟତ୍ରୀ ଅରୁନ୍ଧତୀ ବଢ଼ାଇ ଧନ୍ୟବାଦ୍ ଅର୍ପଣ କରିଥିଲେ l ଏହା ପରେ ଛାତ୍ରୀ ମାନଙ୍କ ଦ୍ଵାରା ମଞ୍ଚ ରେ ଚିତ୍ତାକର୍ଷକ ନାଚ ଗୀତ ପ୍ରଦର୍ଶନ କରିଥିଲେ l ଛାତ୍ରୀ ମାନଙ୍କୁ ସାମୁହିକ ଭାବରେ ମିଷ୍ଟାନ୍ନ ବଣ୍ଟନ କରଯାଇଥିବା ବେଳେ ବିଦ୍ୟାଳୟ ର ସମସ୍ତ ଶିକ୍ଷକ ଶିକ୍ଷୟତ୍ରୀ କର୍ମଚାରୀ ସହଯୋଗ କରିଥିଲେ l