15-Aug-2024

ବରଗଡ଼/ପଦ୍ମପୁର(ନିରଞ୍ଜନ ତ୍ରିପାଠୀ)- ବରଗଡ ଜିଲ୍ଲା ପଦ୍ମପୁର ସ୍ଥିତ ସର୍ବପୁରାତନ ଅଗ୍ରଣୀ ସ୍ଵେଚ୍ଛାସେବୀ ଅନୁଷ୍ଠାନ ଏବିସିଡି  ୨୬ ତମ ନୂଆଁଖାଇ ଭେଟଘାଟ ପାଇଁ ଏକ ପ୍ରସ୍ତୁତି ବୈଠକ ସଭାପତି  ଅନିଲ ବେହେରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଆସନ୍ତା ତା.୦୮.୦୯.୨୦୨୪ ରିଖ ରବିବାର ଦିନ ନୂଆଁଖାଇ ଭେଟଘାଟ କାର୍ଯ୍ୟକ୍ରମ ହେବାର ସ୍ଥିରୀକୃତ ହୋଇଛି । ଉକ୍ତ ଦିନ ଅପରାହ୍ନ  ୫ଘ. ସମୟରେ ଝାଙ୍କର ଦ୍ୱାରା ମାଁ  ସମଲେଲଶ୍ବରୀଙ୍କ ପୂଜା, ସମ୍ବର୍ଦ୍ଧନା ,ଜୁହାରଭେଟ,କବିତା ପଠନ ସାଙ୍ଗକୁ ସାଂସ୍କୃତିକ କାର୍ଯ୍ୟକ୍ରମର ଆୟୋଜନ ହେବାପାଇଁ ସ୍ଥିରୀକୃତ କରାଯାଇଛି। କୋଷାଧକ୍ଷ ଶ୍ରୀ ସୁରେଶ ମିଶ୍ର ଗତ ବର୍ଷର ଆୟବ୍ୟୟର ବିବରଣୀ ଉପସ୍ଥାପନ କରିଥିଲେ । ସମ୍ପାଦକ ଶ୍ରୀ ରଘୁନାଥ ପୁରୀ ବିବରଣୀ ପଠନ କରିଥିଲେ।ବୈଠକରେ ଅନ୍ୟମାନଙ୍କ ମଧ୍ୟରେ ସହ ସମ୍ପାଦକ ଶ୍ରୀ ପ୍ରତାପ ନାଥ, ଶ୍ରୀଶାନ୍ତ ସଂଗ୍ରାମ ଭୋଇ ,ଶ୍ରୀ ସୁମନ୍ତ ସାହୁ,ଶ୍ରୀ ସହଦେଵ ମେହେର ପ୍ରମୁଖ ଉପସ୍ଥିତ ରହି ଆଲୋଚନାରେ ଅଂଶଗ୍ରହଣ କରିଥିଲେ,ଆଇନଜୀବୀ ଲିଙ୍ଗରାଜ ସାହୁ ଧନ୍ୟବାଦ ଦେଇ ସଭା ସାଙ୍ଗ କରିଥଲେ।