13-Aug-2024

ବରଗଡ଼/ବିଜେପୁର(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ବିଜେପୁର ଖଗେଶ୍ବର ସାହିତ୍ୟ କଳା ପରିଷଦ ପକ୍ଷରୁ ସ୍ବଭାଵକଵି ଗଙ୍ଗାଧର ମେହେର ଜୟନ୍ତୀର ଅଵ୍ୟାହିତ ପୂର୍ବରୁ ବ୍ଲକସ୍ତରୀୟ ମେହେର ସାହିତ୍ୟ ସଂପର୍କରେ ଏକ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ସ୍ଥାନୀୟ ରେଡିଏନ୍ସ ଶିକ୍ଷାନୁଷ୍ଠାନରେ ଆୟୋଜିତ ଏହି ପ୍ରତିଯୋଗିତାକୁ ପ୍ରାଧ୍ୟାପକ ଡକ୍ଟର ପ୍ରଦୀପ କୁମାର ପ୍ରଧାନ ମୁଖ୍ୟ ଅତିଥି ଭାବେ ଯୋଗଦେଇ ଉଦଘାଟନ କରିଥିଲେ। ସଭାପତି ମୋହନ ସିଂ କହ୍ନେଇଙ୍କ ଅଧ୍ୟକ୍ଷତାରେ ଆୟୋଜିତ ଉଦଘାଟନୀ ସମାରୋହକୁ ସଂପାଦକ ରାମେଶ୍ଵର ବେହେରା ସଂଯୋଜନା କରିଥିଲେ। ଅବସରପ୍ରାପ୍ତ ପ୍ରଧ୍ୟାପକ ରେଵନ୍ତ କୁମାର ମେହେର, ସାହିତ୍ୟିକ ପ୍ରମୋଦିନୀ ସାହୁ, ଅଧ୍ୟାପକ ସରୋଜ କୁମାର ପାଣିଗ୍ରାହୀ, ଡକ୍ଟର ପ୍ରଦୀପ କୁମାର ପ୍ରଧାନ,ଅଧ୍ୟାପିକା ରଶ୍ମି ରେଖା ବାରିକ, ଅଧ୍ୟାପକ ବଳିଷ୍ଠ ପୁରି, ମୋହନ ସିଂ କହ୍ନେଇ, କଣ୍ଠଶିଳ୍ପୀ ସୁଷମା ଭୋଇ ଓ ବରୁଣ କୁମ୍ଭାର ପ୍ରମୁଖ ବିଚାରକ ଭାଵେ ଯୋଗଦେଇ ଥିଲେ। ଏହି ଅବସରରେ ରାଷ୍ଟ୍ରୀୟ କବି ସଙ୍ଗମ, ଵରଗଡ ଶାଖା ପକ୍ଷରୁ ଖଗେଶ୍ବର ସାହିତ୍ୟ କଳା ପରିଷଦ ରବିବାର ସମ୍ମାନିତ ହୋଇଥିଲା।ଉକ୍ତ ସମ୍ମାନକୁ ସହସଂପାଦକ ମକରଧ୍ବଜ ସାହୁ ପରିଷଦର ମୁଖ୍ୟ ସଭାପତି ମୋହନ ସିଂ କହ୍ନେଇ ଓ ଉପଦେଷ୍ଟା ମଣ୍ଡଳୀ ସଦସ୍ୟ ଡକ୍ଟର ପ୍ରଦୀପ କୁମାର ପ୍ରଧାନଙ୍କ ହାତରେ ସମର୍ପଣ କରିଥିଲେ। ଗଙ୍ଗାଧର ସଙ୍ଗୀତ ପ୍ରତିଯୋଗିତାର କିଶୋର ବିଭାଗରେ ଓଏଭିର ଇଷିକା ଦେଵତା,ଟିଗଣ୍ଡପାଲି ହାଇସ୍କୁଲର ରୋଜାଲିନ ଦୀପ, ବିଜେପୁର ହାଇସ୍କୁଲର ସମୀକ୍ଷା ଜେନା , ଉଚ୍ଚ ମାଧ୍ୟମିକ ବିଭାଗରେ ବିଜେପୁର ମହାବିଦ୍ୟାଳୟର ସାଧନା ନନ୍ଦ,ସରିତା ଲୁହା,ଲିନୁସ୍ମିତା ସାହୁ, ମହାବିଦ୍ୟାଳୟ ବିଭାଗରେ ଭୀମ ଭୋଇ କଲେଜ କଟାପାଲିର ମହିମା ସାହୁ ଓ ନମିତା ସାହୁ, ଵିଜେପୁର କଲେଜର ସଞ୍ଚିତା ଥଇତ ଯଥାକ୍ରମେ ପ୍ରଥମ ଦ୍ବିତୀୟ ଓ ତୃତୀୟ ହୋଇଥିଲେ। ଉଚ୍ଚ ମାଧ୍ୟମିକ ବିଭାଗର ଗଙ୍ଗାଧରଙ୍କ କାଵ୍ୟ କବିତାରେ ନୈତିକତା ଶୀର୍ଷକରେ ବିଜେପୁର କଲେଜର ଜ୍ୟୋତିର୍ମୟୀ ବେହେରା,ଈଶାରାଣୀ ଗୁରୁ,ରେଡିଏନ୍ସର ମଞ୍ଜୁଶ୍ରୀ ସାହୁ ପ୍ରମୁଖ ପ୍ରଥମ ଦ୍ବିତୀୟ ତୃତୀୟ ସ୍ଥାନ ହାସଲ କରିଥିଲେ। ସେହିପରି ମହାବିଦ୍ୟାଳୟ ବିଭାଗରେ ସାମ୍ପ୍ରତିକ ପରିସ୍ଥିତିରେ ଭକ୍ତି କବିତାର ପ୍ରାସଙ୍ଗିକତା ଶୀର୍ଷକ ବକ୍ତୃତାରେ ବିଜେପୁର କଲେଜର ଗାୟତ୍ରୀ କୁମ୍ଭାର ପ୍ରଥମ,ଭୀମ ଭୋଇ କଲେଜର କୁସୁମାଞ୍ଜଳୀ ସାହୁ ଓ ମିନାକ୍ଷୀ ଵାଗ ଯଥାକ୍ରମେ ଦ୍ୱିତୀୟ ଓ ତୃତୀୟ ସ୍ଥାନ ଦଖଲ କରିଥିଲେ। ଅଧ୍ୟାପକ ଡ଼କ୍ଟର ଚିନ୍ମୟ ସାହୁ,ମକରଧ୍ଵଜ ମେହେର, ଜଗତଜ୍ଜୀବନ ରାମ ଡନସନା, ତୁଳସୀ ରାମ ମେହେର,ଦିଲେଶ ମେହେର, ପ୍ରଭାତ ରଞ୍ଜନ ସାହୁ, ମକରଧ୍ବଜ ସାହୁ ପ୍ରମୁଖ ପ୍ରତିଯୋଗିତା ପରିଚାଳନାରେ ସହଯୋଗ କରିଥିଲେ।