11-Aug-2024

ଅତାବିରା(ପବିତ୍ର ମେହେର): ବରଗଡ଼ ଜିଲ୍ଲା ଅତାବିରା ଥାନା ତଥା ଗୋଡ଼ଭଗା ଫାଣ୍ଡି ଅଧିନସ୍ଥ ଗୋଡ଼ଭଗା - ତୁରୁମ 54 ନମ୍ବର ରାଜ୍ୟ ରାଜପଥର ବରାହମୁଣ୍ଡା ଛକ ପାଖରେ ଶନିବାର ରାତ୍ରିରେ ଏକ ସଡ଼କ ଦୁର୍ଘଟଣାରେ ଜୈନିକ ଯୁବକଙ୍କ ମୃତ୍ୟୁକୁ ନେଇ ଉତ୍ତେଜନା ଦେଖାଦେଇଛି l ମୃତ ଯୁବକ ବରାହମୁଣ୍ଡାର 24 ବର୍ଷୀୟ ଚୂଡ଼ାମଣୀ କଠାର l
ମୃତ ଚୂଡ଼ାମଣି ସବୁଦିନ ଭଳି ଶନିବାର ଗୋଡ଼ଭଗା ଟିଭିଏସ ସୋରୁମ ରୁ ମେକାନିକ କାମ ସାରି ବରାହମୁଣ୍ଡା ସ୍ଥିତ ତାଙ୍କ ଘରକୁ ଫେରୁଥିବା ବେଳେ ନମ୍ବର ବିହୀନ ଏକ ନୁଆଁ କାର ସହ ଧକ୍କା ଦେଇଥିଲା l ଫଳରେ ଚୂଡ଼ାମଣି ଗୁରୁତର ଆହତ ହୋଇଥିଲେ l ତାଙ୍କୁ ବୁର୍ଲା vvs ମେଡିକାଲ ରେ ଭର୍ତ୍ତି କରାଯାଇଥିଲା l ତେବେ ଚିକିତ୍ସାଧୀନ ଅବସ୍ଥାରେ ବିଳମ୍ବିତ ରାତ୍ରିରେ ଚୂଡ଼ାମଣିଙ୍କ ମୃତ୍ୟୁ ହୋଇଯାଇଛି l ରବିବାର ପୂର୍ବାହ୍ନ ରେ ଶବ ବ୍ୟବଛେଦ ହୋଇ ଗୋଡ଼ଭଗା ପହଞ୍ଚିଥିଲା l ପରେ ମୃତ ପରିବାରକୁ କ୍ଷତିପୂରଣ ପାଇଁ ପରିବାର ଓ ଗ୍ରାମବାସୀ ଦାବୀ କରିଥିଲେ l ତେବେ ଗାଡି ମାଲିକ ଗୋଡ଼ଭଗା ର ସାଲେଗ୍ରାମ ଅଗ୍ରୱାଲ ଦାବୀ ମୁତାବକ ଦେବାକୁ ଅକ୍ଷମ ଥିବା କହିବା ପରେ ଲୋକେ ଗୋଡ଼ଭଗା ଫାଣ୍ଡି ଘେରାଓ କରିଥିଲେ l ପରେ ଲୋକେ ଉତ୍ୟକ୍ତ ହୋଇ ଗୋଡ଼ଭଗା -ତୁରୁମ 54 ନମ୍ବର ରାଜ୍ୟରଜପଥ କିଛି ସମୟ ଅବରୋଧ ମଧ୍ୟ କରିଥିଲେ l ଏହାକୁ ଦୃଷ୍ଟିରେ ରଖି ଅତାବିରା ଆଇଆଇସି ସୁକୁମାର ତ୍ରିପାଠୀ ଓ ବରଗଡ଼ ଏସ୍ଡ଼ିପିଓ ପଦାରବିନ୍ଦ ତ୍ରିପାଠୀ ଗୋଡ଼ଭଗା ଫାଣ୍ଡିକୁ ପହଞ୍ଚି ଆନ୍ଦୋଳନକାରୀଙ୍କୁ ବୁଝାସୁଝା କରିଥିଲେ l ପରେ ଗାଡି ମାଲିକ ଓ ମୃତ ଚୂଡ଼ାମଣିଙ୍କ ସମ୍ପର୍କୀୟ କ୍ଷତିପୂରଣ ନେଇ ଆପୋଷ ସମାଧାନ ହେବା ପରେ ଉତ୍ତେଜନା ହଟି ଥିଲା l