06-Oct-2020

 *ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁକୁ ନେଇ ପ୍ରତିଦିନ କିଛି ନା କିଛି ତଥ୍ୟ ସାମ୍ନାକୁ ଆସୁଛି। ଯାହା ମାମଲାରେ ନୂଆ ଟ୍ବିଷ୍ଟ ଆଣୁଛି। ତେବେ ତାଙ୍କ ମୃତ୍ୟୁ ଦିନରୁ ଅର୍ଥାତ ଜୁନ୍ ୧୪ରୁ ପ୍ରାୟ ୮୦ ହଜାର ଫେକ୍ ସୋସାଲ ମିଡ଼ିଆ ଆକାଉଣ୍ଟ ତାଙ୍କ ନାଁରେ ତିଆରି କରାଯାଇଛି। ଯାହାର ଉଦ୍ଦେଶ୍ୟ ମୁମ୍ବାଇ ପୋଲିସକୁ ବଦନାମ କରିବା। ମୁମ୍ବାଇ ପୋଲିସକୁ ଖରାପ କରିବା ନେଇ ଏଭଳି ଷଡଯନ୍ତ୍ର ରଚାଯାଇଛି। ଏବେ ମୁମ୍ବାଇ ପୋଲିସର ସାଇବର ୟୁନିଟ୍ ଏହି ତମାମ ନକଲି ସାମାଜିକ ଗଣମାଧ୍ୟମ ପ୍ରୋଫାଇଲର ତାଲିକା ପ୍ରସ୍ତୁତି ଆରମ୍ଭ କରିଛି।*

ତେବେ ଆଶ୍ଚର୍ଯ୍ୟଜନକ କଥା ହେଉଛି ଏଥିରୁ ଏକାଧିକ ଆାକଉଣ୍ଟ ଭାରତରୁ ନୁହେଁ, ଇଟାଲୀ, ଫ୍ରାନ୍ସ, ଇଣ୍ଡେନେସିଆ ଭଳି ଦେଶରୁ ଅପରେଟ୍ କରାଯାଉଛି। କିଛି ଆକାଉଣ୍ଟ ଏମିତି ଅଛି ଯାହା ୨୦୨୦ ବା ତା ପାଖାପାଖି ତିଆରି ହୋଇଛି। ମାତ୍ର ଏବେ ତାହାକୁ ଆକ୍ଟିଭ କରାଯାଇଛି। ଏହି ସବୁ ଆକାଉଣ୍ଟ ମାଧ୍ୟମରେ #justiceforsushant ବା #SSR ଟ୍ରେଣ୍ଡ କରୁଛି।*

⚡  *ମୁମ୍ବାଇ ପୋଲିସ କମିଶନର ପରମବୀର ସିଂହ କହିଛନ୍ତି ସୋସାଲ ମିଡିଆ ଜରିଆରେ ପୋଲିସ ବିରୋଧରେ ପ୍ରୋପାଗଣ୍ଡା କରାଯାଇଛି। ଏବେ ଆଇଟି ଆକ୍ଟ ଅଧିନରେ ସାଇବର ସେଲ ଏହି ଫେକ ଆକାଉଣ୍ଟର ପୂରା ତଦନ୍ତ କରିବ।*

⚡  *ସୋସାଲ ମିଡିଆ ମିମ୍ସର ବିଜନେସ ମାର୍କେଟ କୋଟି କୋଟି ଟଙ୍କାରେ ପହଞ୍ଚିଛି। ଦିନ ରାତି କମ୍ପାନି କେବଳ ମିମ୍ ଉପରେ ହିଁ କାମ କରୁଛି। ଏପରିକି ଗୋଟିଏ ମିମରୁ ଲକ୍ଷ ଲକ୍ଷ ଟଙ୍କା ମିଳିପାରେ। ସେଥିରେ ସତ କି ମିଛ କିଛି ଫରକ ନ ଥାଏ। ଟ୍ବିଟର, ଫେସବୁକ, ୟୁଟ୍ୟୁବରେ ଯେଉଁ କଣ୍ଟେଣ୍ଟ ବା ଫେକ୍ ନ୍ୟୁଜକୁ ପୋଷ୍ଟ କରାଯାଏ ପୂର୍ବରୁ ତାକୁ ଚେକ୍ କରିବାର କିଛି ତରିକା ନାହିଁ। ସାମାଜିକ ଗଣମାଧ୍ୟମ ସାଇଟ୍ରେ ୭୦ ପ୍ରତିଶତ ଖବର କେବଳ ମିଛ। ଯାହାକୁ ତଦନ୍ତ କରିବାର କିଛି ତରିକା ନାହିଁ।*