18-Jul-2024

ସୋନପୁର (ମନୋରଞ୍ଜନ ତ୍ରିପାଠୀ )
ସୁବର୍ଣ୍ଣପୁର ଜିଲ୍ଲା ଅବକାରୀ ବିଭାଗକୁ ପୁଣି ଏକ ସଫଳତା ମିଳିଛି  ।ଆନ୍ତଃ ରାଜ୍ୟ ଗଂଜେଇ ଚୋରା ଚାଲାଣକୁ ରୋକିବା ସହିତ ଜଣେ ବେପାରୀକୁ ଗିରଫ କରାଯାଇଛି  ।ଗିରଫ ଅଭିଯୁକ୍ତ ଜିଲ୍ଲାର ବିଦୁରପାଲି ଗାଁର ଗୋପାଳ ପଧାନଙ୍କ ୩୨ ବର୍ଷିୟ ପୁଅ ବଶିଷ୍ଠ ପଧାନ ବୋଲି ଜଣା ପଡିଛି  ।ଆଜି ସକାଳ ପ୍ରାୟ ୭ ଟା ସମୟରେ ଅଭିଯୁକ୍ତ ଏକ ମାରୁତି ଚାରି ଚକିଆ ଯାନରେ ଗଂଜେଇ ନେଇ ବିନିକା ରାସ୍ତାରେ ଯାଉଥିବା ସମୟରେ ଅବକାରୀ କର୍ମଚାରୀମାନେ ଚଢାଉ କରିଥିଲେ  ।ଗଂଜେଇ ବୋଝେଇ ଗାଡି ସହିତ ଅଭିଯୁକ୍ତକୁ ଗିରଫ କରିବାରେ ସକ୍ଷମ ହୋଇଛନ୍ତି  ।ସେହିପରି ଅନ୍ୟ ଏକ ଘଟଣାରେ ଜଣେ ଅଭିଯୁୁକ୍ତ ଆପାଚେ ଗାଡିରେ ୫ କେଜି ଗଂଜେଇ ନେଇ ଯାଉଥିବା ସମୟରେ ଅବାକାରୀ କର୍ମଚାରୀମାନେ ଯୁବକକୁ ଗିରଫ କରିଛନ୍ତି  ।ଗଂଜେଇ ବୋଝେଇ ଗାଡି ସହିତ ଅଭିଯୁକ୍ତ ବୌଦ୍ଧ ଜିଲ୍ଲା ତାତରକିଲା ଗାଁର କୌସ୍ତୁଭ ଖଟୁଆକୁ ଗିରଫ କରିଛନ୍ତି  ।ଆଜି ଦିନ ପ୍ରାୟ ୧୦.୩୦ ମିନିଟ ସମୟରେ ମୋଟର ସାଇକେଲରେ ଗଂଜେଇ ଚାଲାଣ କରୁଥିବା ସମୟରେ ଅବକାରୀ କର୍ମଚାରୀମାନେ ସହରର ବୁଢାରଜା ଛକ ନିକଟରେ ଅଭିଯୁକ୍ତ ଉପରେ ଚଢାଉ କରି ଗିରଫ କରିବାରେ ସକ୍ଷମ ହୋଇଛନ୍ତି  ।